ຊົມເຊີຍ ປກສ ກຸ່ມສີຖານ ສົມທົບກັບບ້ານ ກວດກາຫ້ອງເຊົ່າບ້ານ ໜອງສະໂນຄໍາ ພົບເຫັນສິ່ງເສບຕິດຫຼາຍລາຍການ.

ຕາມເພຈ ປ້ອງກັນຄວາມສະຫງົບນະຄອນຫຼວງວຽງຈັນລາຍງານ ໃຫ້ຮູ້ວ່າ: ໃນເວລາ 22: 40 ນາທີ ຂອງວັນທີ 09 ກັນຍາ 2021, ປກສ ກຸ່ມສີຖານ ສົມທົບ ບ້ານ ໜອງສະໂນຄຳ ເມືອງສີໂຄດຕະບອງ ນະຄອນຫຼວງວຽງຈັນ ເຂົ້າກວດກາຫ້ອງເຊົ່າ ຂອງທ້າວ ຖັງຫຼົງເຂດບ້ານ ໜອງສະໂນຄໍາ ພົບແກັດເຈ້ຍຮູບໝາກກ້ວຍ 1 ແກັດ, ດ້ານໃນບັນຈຸຊອງກາເຟສີຂາວ ໃນນັ້ນມີຢາໄອຢູ່ໃນຊອງເກເຟ 51 ຊອງ, ຖົງສີຂາວບັນຈຸຢາໄອ້ມຸ່ນ 1 ຖົງນ້ຳໜັກ 1 ກິໂລ, ເຮໂຣອິນ 9 ຖົງນ້ອຍ, ຢາອີສີສົ້ມຈໍານວນ 105 ຖົງນ້ອຍ (ບໍ່ຮູ້ນໍ້າໜັກ) ຢາອີ 4 ຖົງມີ 403 ເມັດ, ຢາອີມຸ່ນ 1 ຖົງນ້ອຍ, ຢາໄອສີນ້ຳຕານ 2 ຖົງນ້ອຍ(ບໍ່ຮູ້ນ້ຳໜັກ), ກ່ອງຢາງບັນຈຸຢາໄອ້ 1 ກ່ອງນ້ອຍ, ເຄື່ອງບົດຢາໄອ້ 1 ເຄື່ອງ, ກາວຕິດ 3 ກ່ອງ, ອຸປະກອນເສບຢາເສບຕິດ 1 ອັນ, ຖົງສີເຫຼືອງຍາວ 15 ຊັງຕີເເມັດ 2 ມັດ, ຖົງກາເຟສີຂາວ 2 ຖົງເປົ່າ ແລະ ປືນສັ້ນ 9 ມມ 1 ກະບອກ.

ຈື່ງໄດ້ກັກຕົວເຈົ້າຂອງຫ້ອງເຊົ່າ ຊື່ທ້າວ ຖັງຫຼົງ ອາຍຸ 22 ປີ ສັນຊາດຈີນ ອາຊີບຄ້າຂາຍ ສົ່ງໃຫ້ພະແນກຕໍາຫຼວດ ປກສ ເມືອງສີໂຄດຕະບອງ ນວ ສືບຕໍ່ຂະຫຍາຍຜົນ. ຜ່ານການສອບສວນຂອງເຈົ້າໜ້າທີ່ທາ້ວ ຖັງຫຼົງໄດ້ໃຫ້ການຮັບສາລະພາບວ່າ: ເດືອນເມສາ 2021 ໄດ້ຮູ້ຈັກກັບທ້າວ ອາຫຼົງ ຢູ່ຄາສິໂນຂົວມິດຕະພາບທ່ານາແລ້ງ ຕົກມາຮອດວັນທີ 09 ກັນຍາ 2021 ຊາຍຄົນດັ່ງກ່າວ ໄດ້ໂທລະສັບໃຫ້ຕົນມາຮັບເອົາຢາ ໄອ້ຢູ່ໂຮງແຮມແຫ່ງໜື່ງເຂດຕະຫຼາດຊັງຈ່ຽງ ພາຍຫຼັງໄດ້ຢາ ຈຶ່ງກັບມາຫ້ອງພັກ ຢູ່ບ້ານ ໜອງສະໂນຄຳ ຈາກນັ້ນໄດ້ຫໍ່ຢາໄອ້ຍັດໃສ່ເປືອກ ໝາກກ້ວຍງ້າວ ບັນຈຸໃສ່ຖົງກາເຟໃຫ່ຍ ເພື່ອສົ່ງໄປສາມຫຼ່ຽມຄໍາ, ສ່ວນຢາປະເພດເປັນເມັດສີຂຽວ ຜົງສີສົ້ມ, ສີຂາວ ແລະ ອີກຈຳນວນໜຶ່ງບໍ່ຮູ້ວ່າເປັນຢາປະເພດໃດ ຜ່ານມາຕົນໄດ້ເຄີຍຮັບຈ້າງຫໍ່ຢາເສບຕິດມາແລ້ວ 2 ຄັ້ງ, ໄດ້ຄ່າຈ້າງ 400,000 -700,000 ຢວນ, ສ່ວນປືນສັ້ນ ພ້ອມລູກປືນ 6 ລູກ ເປັນຂອງຊາຍຄົນໜື່ງທີ່ມາຝາກໃຫ້ຕົນຂາຍໃນລາຄາ 8,000 ຢວນ (ແຕ່ຍັງບໍ່ທັນໄດ້ຂາຍ). ປັດຈຸບັນ ເຈົ້າໜ້າທີ່ ປກສ ເມືອງສີໂຄດຕະບອງ ນະຄອນຫຼວງວຽງຈັນ ກຽມສົ່ງຕົວຜູ້ກ່ຽວໄປສູນກັກກັນ ເພື່ອກວດຫາເຊື້ອພະຍາດໂຄວິດ-19 ພາຍຫຼັງຄົບກໍານົດ 14 ວັນ ທີ່ຄະສະເພາະກິດວາງອອກ ຈື່ງນໍາມາດຳເນີນຄະດີຕາມກົດໝາຍ.

LEAVE A REPLY

Please enter your comment!
Please enter your name here