ຕາມການລາຍງານ ຂອງໜ່ວຍກູ້ໄພມູນນິທິຊ່ວຍເຫຼືອຄົນຍາກ ແຫ່ງ ສປປ ລາວ 1623 ໃຫ້ຮູ້ວ່າ: ໃນວັນທີ 14 ສິງຫາ 2021 ເວລາປະມານ 09:35 ໂມງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ 1623 ໄດ້ຮັບແຈ້ງເຫດວ່າ ມີຄົນຈົມນ້ຳ.

ຈຸດເກີດເຫດແມ່ນ ຄອງນ້ຳບຶງທາດຫຼວງ ຜູ້ເສຍຊີວິດ ເປັນເພດຊາຍ ອາຍຸ 45 ປີ ອາຊີບ ກຳມະກອນ ບ້ານຮ່ອງແກ ເມືອງໄຊເຊດຖາ ນະຄອນຫຼວງວຽງຈັນ.

ທາງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ຈຶ່ງໄດ້ທຳການຄົ້ນຫາ ແລະໄດ້ພົບສົບໃນເວລາປະມານ 11:27 ໂມງ.

ສ່ວນສາເຫດ ໃນການຈົມນ້ຳໃນຄັ້ງນີ້ ແມ່ນຍັງບໍ່ຮູ້ລາຍລະອຽດທີ່ແນ່ນອນ ດັ່ງນັ້ນ ຈຶ່ງໄດ້ມອບໃຫ້ເຈົ້າໜ້າທີ່ສືບສວນ ແລະສອບສວນຕໍ່ໄປ.

ທາງຫນ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ຈິ່ງໄດ້ທຳການມ້ຽນສົບແລ້ວນຳສົ່ງໃຫ້ຍາດຕິພີ່ນ້ອງ ແລະຄອບຄົວເພື່ອເຮັດພິທີທາງສາສະໜາ.

LEAVE A REPLY

Please enter your comment!
Please enter your name here