ຕາມການລາຍງານຂອງ ທ່ານ ນາງ ບົວສະຫວັນ ລຸຍບົວ ທອງ ຮອງຫົວໜ້າພະແນກການ ເງິນແຂວງ, ໄດ້ລາຍງານໃນກອງ ປະຊຸມສະຫຼຸບການຈັດຕັ້ງປະຕິບັດ ແຜນງົບປະມານປະຈຳ 6 ເດືອນ ຕົ້ນປີ ແລະວາງທິດທາງແຜນ ການຄາດຄະເນຈັດຕັ້ງປະຕິບັດ 6 ເດືອນທ້າຍປີ 2021 ຂອງພະ ແນກການເງິນແຂວງ. ເຊິ່ງກອງ ປະຊຸມດັ່ງກ່າວໄດ້ຈັດຂຶ້ນໃນລະ ຫວ່າງວັນທີ 8-9 ກໍລະກົດ 2021 ຢູ່ທີ່ຫໍວັດທະນະທຳໄກ ສອນ ພົມວິຫານ, ໂດຍການເຂົ້າ ຮ່ວມເປັນປະທານຂອງທ່ານ ວຽງ ທະວີສອນ ເທບພະຈັນ ຮອງເຈົ້າ ແຂວງສະຫວັນນະເຂດ ຜູ້ຊີ້ນຳ ວຽກງານເສດຖະ ກິດຂອງແຂວງ, ທ່ານ ປອ ແສນສັກ ສຸລິສັກ ຫົວໜ້າພະແນກການເງິນແຂວງ, ພ້ອມດ້ວຍບັນດາພະແນກການ ອ້ອມຂ້າງ, ນະຄອນ-ເມືອງຕ່າງໆ ເຂົ້າຮ່ວມ.

ໃນໂອກາດດັ່ງກ່າວ ທ່ານ ນາງ ບົວສະຫວັນ ລຸຍບົວທອງ ກໍ່ໄດ້ຍົກໃຫ້ເຫັນສະພາບການຈັດ ຕັ້ງປະຕິບັດການຈັດເກັບງົບປະ ມານ ໃນ 6 ເດືອນຕົ້ນປີ, ເຊິ່ງສາ ມາດຈັດເກັບ ໄດ້ທັງໝົດ 743,46 ຕື້ກີບ, ເທົ່າກັບ 48,11% ຂອງແຜນການປີ ໃນນີ້ພູດຂອງ ສູນກາງປະຕິບັດຢູ່ແຂວງໄດ້ ທັງໝົດ 464,86 ຕື້ກີບ, ເທົ່າກັບ 55,22% ຂອງ ແຜນການປີ, ໂດຍລາຍຮັບແມ່ນ ໄດ້ມາຈາກ: ພາສີຂາອອກ, ພາສີ-ອາກອນຂາ ເຂົ້າ, ສິນຄ້ານຳເຂົ້າ ເພື່ອສົ່ງອອກ ຕໍ່, ນອກນັ້ນກໍ່ມີຄ່າປັບໃໝ-ຂາຍ ເຄື່ອງຮິບ, ຄ່າທຳນຽມຕ່າງໆ. ຕາມການວິໄຈໃຫ້ເຫັນວ່າ: ລາຍ ຮັບພາສີທີ່ເກີນແຜນຈຳນວນ 5,22% ຫຼື ເປັນເງິນ 43,94 ຕື້ກີບ, ແມ່ນໄດ້ມາຈາກການນຳ ເຂົ້ານ້ຳມັນເຊື້ອໄຟ ແລະຄ່າທຳ ນຽມຕ່າງໆເປັນສ່ວນໃຫຍ່. ສ່ວນ ພູດລາຍຮັບຂອງທ້ອງຖິ່ນ, ໃນ 6 ເດືອນຜ່ານມາສາມາດເກັບ ລາຍຮັບໄດ້ 280,07 ຕື້ກີບ, ເທົ່າ ກັບ 39,81% ຂອງແຜນການ ປີ, ທຽບໃສ່ໄລຍະດຽວກັນເພີ່ມ ຂຶ້ນ 10,65%, ແຕ່ຖ້າທຽບໃສ່ 6 ເດືອນຕົ້ນປີ ຖືວ່າບໍ່ໄດ້ຕາມແຜນ ຈຳນວນ 72,12 ຕື້ກີບ. ໂດຍລາຍ ຮັບພູດຂອງທ້ອງຖິ່ນ ແມ່ນໄດ້ມາ ຈາກອາກອນແຕ່ລະປະເພດດັ່ງນີ້: ອາກອນມູນຄ່າເພີ່ມກວມ 34,82%, ອາກອນຊົມໃຊ້ກວມ 30,08%, ອາກອນລາຍໄດ້ປະເພດຕ່າງໆ ກວມ 20,77%, ອາກອນລາຍ ໄດ້ຈາກຈຸນລະວິສາຫະກິດກວມ 2,50%, ພາສີທີ່ດິນກວມ 4,78%, ຄ່າທຳນຽມອື່ນໆ ກວມ 2,91%, ລາຍຮັບວິຊາການ ກວມ 4,14%. ຕາມການວິໄຈໄດ້ຊີ້ໃຫ້ເຫັນວ່າ: ສຳລັບການເກັບລາຍຮັບບໍ່ໄດ້ ຕາມແຜນ ແມ່ນຍ້ອນຕົວເລກລາຍ ຮັບທີ່ມອບໃຫ້ໃນເບື້ອງຕົ້ນສູງ ເກີນກວ່າຖານລາຍຮັບທີ່ມີ, ອີກຢ່າງກໍ່ຍ້ອນຜົນກະທົບຈາກ ການແຜ່ລະບາດຂອງພະຍາດ ໂຄວິດ-19, ເຮັດໃຫ້ຜູ້ປະກອບ ການບໍ່ສາມາດດຳເນີນທຸລະກິດ ໄປຕາມແຜນທີ່ຂຶ້ນໄວ້ ຈຶ່ງເຮັດ ໃຫ້ການປະຕິບັດພັນທະປະເພດ ຕ່າງໆຫຼຸດລົງ, ເຊິ່ງລາຍຮັບທີ່ ເກັບບໍ່ໄດ້ຈາກທຸລະກິດຈຳນວນ ໜຶ່ງທີ່ຢຸດເຊົາການເຄື່ອນໄຫວປະ ມານ 5 ຕື້ກີບ, ຈາກນັ້ນ, ຍັງຕິດ ພັນກັບນະໂຍບາຍຜ່ອນຜັນອາ ກອນເງິນເດືອນ ແລະອາກອນຈຸນ ລະວິສາຫະກິດຂອງລັດຖະບານ ເຊິ່ງໄດ້ຍົກເວັ້ນໄລຍະ 3 ເດືອນ (4,5,6) ຈຳນວນ 7,8 ຕື້ກີບ, ນອກນັ້ນ ຍັງໄດ້ຮັບຜົນກະທົບຈາກ ການເກັບອາກອນລາຍໄດ້ ຈາກ ຜູ້ທີ່ບໍ່ມີພູມລຳເນົາຂອງບໍລິສັດ ຊັນເປເປີ້, ເຊິ່ງປີ 2020 ທີ່ຜ່ານມາ ສາມາດເກັບໄດ້ 20 ຕື້ກີບ, ມາໃນ ປີ 2021 ຄາດວ່າຈະເກັບໄດ້ປະ ມານ 8,6 ຕື້ກີບ.
ສຳລັບລາຍຈ່າຍໃນ 6 ເດືອນ ຕົ້ນປີ ປະຕິບັດໄດ້ 347,37 ຕື້ກີບ, ເທົ່າກັບ 47,06% ຂອງແຜນ ການປີ, ໃນນັ້ນປະກອບດ້ວຍ: ຈ່າຍເງິນເດືອນ ແລະເງິນອຸດໜູນ, ຈ່າຍເງິນນະໂຍບາຍ ແລະຊ່ວຍ ໜູນ, ລາຍຈ່າຍບໍລິຫານ, ຈ່າຍ ເງິນ ດັດສົມສົ່ງເສີມ, ລາຍຈ່າຍ ອື່ນໆ, ນອກນັ້ນຍັງມີລາຍຈ່າຍ ຊື້ຊັບສົມບັດ ແລະລາຍຈ່າຍການ ລົງທຶນຂອງລັດ.

ທ່ານ ນາງ ບົວສະຫວັນ ລຸຍບົວທອງ ຍັງໄດ້ລາຍງານໃຫ້ ຮູ້ອີກວ່າ: ສຳລັບຄາດຄະເນປະ ຕິບັດແຜນງົບປະມານ 6 ເດືອນ ທ້າຍປີກໍ່ຄືການຈັດຕັ້ງປະຕິບັດ ລາຍຮັບໝົດປີ 2021 ສູ້ຊົນ ໃຫ້ໄດ້ 1.447,88 ຕື້ກີບ ຫຼືເທົ່າ ກັບ 93,70%, ໃນນັ້ນພູດຂອງ ສູນກາງ ໃຫ້ໄດ້ 844,57 ຕື້ກີບ, ເທົ່າກັບ 100,33%, ພູດຂອງ ທ້ອງຖິ່ນຄາດຄະເນປະຕິບັດໃຫ້ ໄດ້ 603,31 ຕື້ກີບ, ເທົ່າກັບ 85,76%. ສ່ວນລາຍຈ່າຍໝົດປີ 2021 ຈະປະຕິບັດໃຫ້ໄດ້ 737,58 ຕື້ກີບ, ເທົ່າກັບ 99,93% ຂອງ ແຜນການປີ.
ໃນກອງປະຊຸມຍັງໄດ້ມີການ ປະກອບຄຳຄິດຄຳເຫັນຈາກ ພາກສ່ວນຕ່າງໆ, ທັງນີ້ກໍ່ເພື່ອເຮັດ ໃຫ້ການຈັດເກັບລາຍຮັບກໍ່ຄືການ ຈັດຕັ້ງປະຕິບັດລາຍຈ່າຍໃຫ້ໄປ ຕາມລະບຽບກົດໝາຍ, ມີຄວາມ ໂປ່ງໃສ ແລະໄດ້ຕາມແຜນການ ທີ່ວາງໄວ້./.

ສະຫວັນພັດທະນາ

LEAVE A REPLY

Please enter your comment!
Please enter your name here