ຕາມການລາຍງານຂອງ ອົງການພຸດທະສາສນາສັມພັນລາວ ແຂວງໄຊຍະບູລີ ໃຫ້ຮູ້ວ່າ ໃນຕອນແລງຂອງວັນທີ 05 ກໍລະກົດ 2021 ເວລາ 16:00 ນາທີ ພຣະຫຼັກຄຳ ໄຊຍະບຸຣິນສຸເມທາຈານ (ປທ. ບຸນທຽນ ພຸດທະວະໂຣ) ເຈົ້າຄະນະແຂວງໄຊຍະບູລີ ພ້ອມດ້ວຍຄະນະສົງວັດສີສະຫວ່າງວົງສ໌ໄດ້ຕ້ອນຮັບ ຄະນະທີມງານຮ່ວມບໍລິຈາກເຄື່ອງອຸທົກກະໄພນໍ້າຖ້ວມ ທີ່ແຂວງໄຊຍະບູລີ.

ຄະນະທີມງານຕ່າງໜ້າຈາກ ວັດຕົງຫົວ ກວາງຕົງ ສປ ຈີນ-ອົງການກອງທືນການກຸສົນກວາງຈີ ແຂວງ ກວາງຕຸງ ສປ ຈີນ ເຊິ່ງນຳພາໂດຍ ພຣະຍອດຄຳ ສຸວັນນະເມທີ(ສຸຂີ ເຮືອນມຸງຄຸນ) ຄະນະປະຈຳການສູນກາງ ອພສ, ຮອງຫົວໜ້າາກຳມາທິການປົກຄອງສົງສູນກາງ ພ້ອມດ້ວຍທີມງງານ ເຊິ່ງເຄື່ອງທີ່ນຳມາບໍລິຈາກປະກອບດ້ວຍ:

  • ໄຟຟ້າແສງອາທິດ(ມອບໃຫ້ໂຮງຮຽນສົງທົ່ວແຂວງໄຊຍະບູລີ)
  • ຜ້າເສື່ອ 150 ຊຸດ
  • ຜ້າຫົ່ມ 150 ຊຸດ
  • ໝອນ 150 ໝ່ວຍ
  • ເຂົ້າສານ 150 ເປົາ(ຂະໜາດນ້ອຍ)
  • ລວມມູນຄ່າທັງໝົດ: 100.000.000₭ (ໜຶ່ງຮ້ອຍລ້ານກີບ)

ຄະນະທີມງານຈາກເມືອງສີໂຄດຕະບອງ ນະຄອນຫຼວງວຽງຈັນ ເຊິ່ງນຳພາໂດຍ ພຣະຫຼັກຄຳ ປຸນຍະສາທອນໂພທິຄຸນ(ບຸນເສີຍ ເພົາພາສິດ)ເຈົ້າຄະນະເມືອງສີໂຄດ​ຕະບອງ ພ້ອມດ້ວຍຄະນະສົງເມືອງສີໂຄດຕະບອງ ເຄື່ອງທີ່ນຳມາບໍລິຈາກປະກອບດ້ວຍ: ເຂົ້າສານ, ນ້ຳດື່ມ, ໝີ່ໄວໆ, ປາກະປ໋ອງ, ເຂົ້າໜົມ, ນ້ຳປາ, ນ້ຳແມັກກີ້, ຊັນໄລ ແລະ ເຄື່ອງໃຊ້ໄຟຟ້າ ລວມເປັນມູນຄ່າທັງໝົດ: 168.366.000₭(ໜຶ່ງຮ້ອຍຫົກສິບແປດລ້ານສາມແສນຫົກສິບຫົກພັນກີບ)

ທາງອົງການພຸດທະສາສະໜາສຳພັນແຂວງ ຕ່າງໜ້າໃຫ້ອອກຕົນຍາດໂຍມຜູ້ທີ່ໄດ້ຮັບຜົນກະທົບ ຂໍຂອບໃຈເປັນຢ່າງຍິ່ງຕໍ່ນ້ຳໃຈອັນປະເສີດທີ່ພໍ່ແມ່ຄູບາອາຈານໄດ້ສະຫຼະຊັບ ແລະ ເຫື່ອເເຮງເພື່ອຂົນຂວາຍລະດົມທຶນວັດຖຸປັດໄຈຕ່າງໆເພື່ອສົ່ງຕໍ່ນ້ຳໃຈໃຫ້ອອກຕົນຍາດໂຍມຜູ້ປະສົບໄພໃນຄັ້ງນີ້ ແລະ ຫວັງວ່າຈະໄດ້ຮັບການຊ່ວຍເຫຼືອຈາກພໍ່ແມ່ຄູບາອາຈານ-ອອກຕົນຍາດໂຍມທັງພາຍໃນ ແລະ ຕ່າງປະເທດທີ່ມີສ່ວນຮ່ວມໃນຄັ້ງຕໍ່ໆໄປ. ທ້າຍນີ້, ຂໍອວຍພອນໄຊແດ່ບັນດາທ່ານ ສຸກໃດອັນອັນປະເສີດພອນໃດທີ່ລ້ຳເລີດ ຈົ່ງເກີດມີແດ່ທຸກໆທ່ານ .

LEAVE A REPLY

Please enter your comment!
Please enter your name here