ແຈ້ງເຕືອນ

ປົກປັກຮັກສາ ແລະ ຮັກຫອມທາງລົດໄຟລາວ-ຈີນ ຮັບປະກັນຄວາມປອດໄພດ້ານການດໍາເນີນການ ແລະ ຄວາມປອດໄພຂອງຄົນ

ຜ່ານຄວາມດຸໝັ່ນຂະຫຍັນແຂງມາເປັນເວລາຫຼາຍປິ ຂອງປະຊາຊົນສອງຊາດ ລາວ-ຈີນ,ໃນຂະນະນີ້,ທາງລົດໄຟລາວ-ຈີນກໍໃກ້ຈະເປີດດຳເນີນການແລ້ວ,ວຽກງານກໍ່ສ້າງທາງລົດໄຟກໍໃກ້ຈະສໍາເລັດຢ່າງຈົບງາມ.ຫຼັງທີ່ທາງລົດໄຟເປີດການບໍລິການແລ້ວ, ການດໍາເນີນການທາງລົດໄຟໃຫ້ມີຄວາມປອດໄພ ແມ່ນສິ່ງທີ່ປະຊາຊົນລາວ-ຈີນສອງປະເທດໃຫ້ສຳຄັນສູງ. ການສະໜອງໄຟຟ້າໃຫ້ແກ່ລະບົບຈ່າຍໄຟເໜືອຫົວ ແລະ ສາຍໄຟຕາມເສັ້ນທາງລົດໄຟໃຫ້ເປັນປົກກະຕິ ແລະ ໝັ້ນຄົງແມ່ນເປັນການຮັບປະກັນຄວາມປອດໄພໃນການເປີດດໍາເນີນການທາງລົດໄຟທີ່ສໍາຄັນ,ການທໍາລາຍວັດສະດຸອຸປະກອນໄຟຟ້າຂອງທາງລົດໄຟບໍ່ພຽງແຕ່ເປັນອັນຕະລາຍຕໍ່ຄວາມປອດໄພດ້ານການດໍາເນີນການຂອງທາງລົດໄຟ ແຕ່ຍັງຈະເຮັດໃຫ້ເກີດເຫດການໄຟຟ້າຊັອດຈົນເຖິງແກ່ຊີວິດໄດ້. ເຄື່ອງອຸປະກອນໄຟຟ້າຂອງທາງລົດ ໄຟລາວ-ຈີນ ເລີ່ມມີການຊັກນໍາໄຟຟ້າຕັ້ງແຕ່ ເດືອນ 8 ປີ 2021 ນີ້, ສ່ວນລະບົບຈ່າຍໄຟ ເໜືອຫົວ ແມ່ນຈະເລີ່ມຊັກນໍາໄຟຟ້າແຕ່ຕົ້ນເດືອນ 10 ເປັນຕົ້ນໄປ,ເພື່ອຮັບປະກັນໃຫ້ທາງລົດໄຟລາວ-ຈີນສາມາດເປີດການບໍລິການໄດ້ຕາມກໍານົດ ແລະ ຮັບປະກັນດ້ານຄວາມປອດໄພຂອງປະຊາຊົນ ແລະ ຄວາມປອດໄພໃນການດໍາເນີນການ ສະນັ້ນ, ທາງລົດໄຟລາວ-ຈີນ ຈໍາກັດຈຶ່ງຂໍແຈ້ງເຕືອນມາຍັງພໍ່ແມ່ພີ່ນ້ອງປະຊາຊົນທັງປວງໃຫ້ປະຕິບັດຕາມກົດລະບຽບດ້ານຄວາມປອດໄພດັ່ງຕໍ່ໄປນີ້: 1.ຫ້າມລັກ,ທໍາລາຍສາຍເຄເບິ້ນ,ສາຍໄຟຂອງທາງລົດໄຟ ແລະ ເຄື່ອງອຸປະກອນ ລະບົບຈ່າຍໄຟເໜືອຫົວ ແລະ ເຄື່ອງຕິດຕັ້ງໄຟຟ້າອື່ນໆ ຢ່າງເດັດຂາດ. ກໍລະນີຫາກພົບເຫັນ ນອກຈາກຈະໃຫ້ຊົດເຊີຍຄ່າເສຍຫາຍທາງເສດຖະກິດແລ້ວ ຍັງຈະຕ້ອງມອບໃຫ້ໜ່ວຍງານກົດໝາຍທີ່ກ່ຽວຂ້ອງດໍາເນີນຄະດິຕາມກົດໝາຍ. 2.ມວນຊົນໃນສັງຄົມຖ້າຫາກພົບເຫັນເຄື່ອງອຸປະກອນໄຟຟ້າຂອງທາງລົດໄຟຖືກລັກ, ທໍາລາຍ,ມ້າງເພ,ເກີດອັກຄີໄຟ ແລະ ອື່ນໆ,ຈະຕ້ອງໄດ້ລາຍງານຕໍ່ພະນັກງານທີ່ຢູ່ໃນສະຖານີທີ່ໃກ້ຄຽງ ຫຼື ເຈົ້າໜ້າທີ່ຕໍາຫຼວດທີ່ຮັບຜິດຊອບດ້ານຄວາມປອດໄພຂອງທາງລົດໄຟທັນທີ. 3.ຫ້າມຖິ້ມ ຫຼື ໂຍນ ວັດຖຸສິ່ງຂອງໃສ່ລະບົບຈ່າຍໄຟເໜືອຫົວ ຂອງທາງລົດຢ່າງເດັດຂາດ, ຫ້າມປັດສະວະໃສ່ສາຍສົ່ງກາງຫາວທີ່ຢູ່ບໍລິເວນຂົວເທິງທາງລົດໄຟເດັດຂາດ. 4.ຫ້າມປ່ອຍວ່າວ, ລູກປູມເປົ້າ ແລະ ວັດຖຸທີ່ສາມາດລອຍໃນອາກາດພາຍໃນຂອບເຂດ 500 ເເມັດ ທັງສອງເບື້ອງຂອງລະບົບຈ່າຍໄຟເໜືອຫົວ ຢ່າງເດັດຂາດ. 5.ຫ້າມປີນໄຕ່ຂຶ້ນເສົາໄຟຟ້າທີ່ຢູ່ຕາມທາງລົດໄຟ ຫຼື ຕິດຕັ້ງອຸປະກອນຕ່າງໆໃສ່ເທິງເສົາໄຟຟ້າ. 6.ຫ້າມຂຸດດິນ,ຕອກເສົາເຂັມ,ເຈາະຂຸດຄົ້ນ ຫຼື ປ່ອຍນ້ຳເປື້ອນ,ຖີ້ມຂີ້ເຫຍື້ອຍ ແລະ ວັດຖຸຕ່າງໆທີ່ເປັນອັນຕະລາຍຕໍ່ຄວາມປອດໄພຂອງທາງລົດໄຟພາຍໃນຂອບເຂດ 20 ເເມັດຂອງເສົາໄຟຟ້າ...

ແຈ້ງການຮັບມື ການປ່ອຍນໍ້າຂອງເຂື່ອນໄຟຟ້າເຊລະນອງ1

ແຈ້ງການຈາກຫ້ອງວ່າການແຂວງສະຫວັນນະເຂດ ເລື່ອງ: ກະກຽມຮັບມືໄພພິບັດນ້ໍາຖ້ວມ ຈາກການປ່ອຍນໍ້າຂອງເຂື່ອນໄຟຟ້າ ເຊລະນອງ1. ຫ້ອງວ່າການແຂວງ ສະຫວັນນະເຂດ ຂໍຖືເປັນກຽດແຈ້ງການ ມາຍັງທ່ານຊາບວ່າ: ບໍລິສັດເຂື່ອນໄຟຟ້າ ເຊລະນອງ1 ມີແຜນຄາດຄະ ນເປີດປະຕູລະບາຍນ້ໍາຂອງເຂື່ອນໄຟຟ້າເຊລະນອງ 1 ເພື່ອບໍລິຫານລະດັບນໍ້າໃນອ່າງເກັບນ້ໍາພາຍໃນເຮືອນ ເລີ່ມແຕ່ເວລາ 00:00ໂມງ ຂອງວັນທີ 13/10/2011 ຫາເວລາ 24:00ໂມງ ຂອງວັນທີ 21/10/2011 ຄາດວ່າປະລິມານນໍ້າໄຫຼເຂົ້າອ່າງສູງສຸດແມ່ນ 8500 m/s, ປະລິມານນໍ້າທີ່ ລະບາຍອອກສູງສຸດແມ່ນ 8500 m/s ແລະ ລະດັບນ້ໍາທ້າຍເຂື່ອນສູງສຸດຈະຢູ່ທີ່ 187 masl. ສະນັ້ນ, ຈຶ່ງແຈ້ງເຕືອນເຖິງອໍານາດການປົກຄອງເມືອງ ແລະ ປະຊາຊົນບັນດາເຜົ່າທີ່ອາໃສຢູ່ແຄມແມ່ນໍ້າ ເຊລະນອງ, ເຊບັງຫຽງ ຈົ່ງມີສະຕິລະມັດລະວັງໄພພິບັດນ້ໍາຖ້ວມ ທີ່ຈະເກີດຂຶ້ນໃນໄລຍະເຂື່ອນໄຟຟ້າເຊລະ ນອງ1 ເປີດປະຕູລະບາຍນ້ໍາ ພ້ອມທັງກະກຽມ ຍົກຍ້າຍວັດຖຸສິ່ງຂອງມີຄ່າ ແລະ ສັດລ້ຽງໄປໄວ້ປອນສູງ ແລະ ປອດໄຜ ແລະ ຂໍໃຫ້ຕິດຕາມຂ່າວສະພາບພະຍາກອນອາກາດຈາກທາງການຢ່າງຕໍ່ເນື່ອງ. ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຮັບຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.

ຈຸດກວດກາໃນນະຄອນຫຼວງວຽງຈັນ ໄລຍະລັອກດາວຮອດ 30 ກັນຍາ 2021

ຈຸດກວດກາໃນນະຄອນຫຼວງວຽງຈັນ ໄລຍະລັອກດາວຮອດ 30 ກັນຍາ 2021 ກະລຸນາກວດສອບ! ຢູ່ເຮືອນປອດໄພ! ເພື່ອຕົວທ່ານເອງ, ເພື່ອຄອບຄົວທ່ານ ແລະ ທຸກຄົນໃນສັງຄົມ ກວດສອບຕາມແຜນທີ່ຂ້າງລຸ່ມ ຈຸດທີ່ມີການຕັ້ງດ່ານ ແລະ ຕັນການສັນຈອນ ແຕ່ວັນທີ 19-30 ກັນຍາ 2021

ຄະນະສະເພາະກິດເຕືອນ ການສັກຢາວັກຊິນ ປົນກັນແມ່ນບໍ່ຮັບປະກັນຄວາມປອດໄພ

ຂໍ້ຫ້າມ ແລະ ຄວນລະວັງ ຫ້າມບໍ່ໃຫ້ສັກວັກຊີນປະສົມກັນຫຼາຍຊະນິດ ແລະ ບໍ່ຄວນສັກບຸດສະເຕີ ເນື່ອງຈາກວ່າປັດຈຸບັນນີ້ຍັງບໍ່ມີຂໍ້ມູນຄໍາແນະນໍາດ້ານຄວາມປອດໄພ ແລະ ປະສິດທິພາບຈາກອົງການອະນາໄມໂລກ ແລະ ກະຊວງສາທາລະນະສຸກ ການສັກວັກຊີນກັນພະຍາດໂຄວິດ-19 ແມ່ນເພື່ອຫຼຸດຄວາມສ່ຽງໃນການເຈັບເປັນຮຸນແຮງ ແລະ ເສຍຊີວິດຈາກເຊື້ອດັ່ງກ່າວ ແຕ່ຄຽງຄູ່ກັນນັ້ນທ່ານກໍ່ຍັງຕ້ອງສືບຕໍ່ປະຕິບັດມາດຕະການປ້ອງກັນຄື ຮັກສາໄລຍະຫ່າງ, ໃສ່ຜ້າອັດປາກ-ດັງ, ໝັ່ນລ້າງມື, ຫຼີກລ່ຽງການສໍາຜັດຕາ, ດັງ, ປາກ, ຫຼີກລ່ຽງການເຕົ້າໂຮມ ແລະ ຢູ່ບ່ອນອາກາດຖ່າຍເທສະດວກເປັນຕົ້ນ ເພື່ອປ້ອງກັນຕົນເອງ, ຄອບຄົວ ແລະ ຜູ້ທີ່ບໍ່ທັນມີໂອກາດເຂົ້າເຖິງວັກຊີນເທື່ອ. ເພື່ອໃຫ້ທ່ານ ສາມາດເຂົ້າໄປເບິ່ງຂໍ້ມູນທີ່ຖືກຕ້ອງ ແລະ ເປັນທາງການ ໂຄວິດ-19, ເຂົ້າໄປທີ່ເວັບໄຊທາງການ www.covid19.gov.la ເດີ ຫຼືທ່ານ ສາມາດສອບຖາມຜ່ານເບີ 165 ຫຼື 166, ແລະ ທາງເພຈຄະນະສະເພາະກິດ https://www.facebook.com/CCEH.MoH.Lao

ແຂວງຈໍາປາສັກ ເພີ່ມມາດຕະການກວດກາ ຢ່າງເຂັ້ມງວດ

ແຂວງຈໍາປາສັກ ເພີ່ມມາດຕະການກວດກາ ຢ່າງເຂັ້ມງວດ. . .
All countries
245,781,828
Total confirmed cases
Updated on October 28, 2021 03:48
Italy
4,752,368
Total confirmed cases
Updated on October 28, 2021 03:48
Spain
5,006,675
Total confirmed cases
Updated on October 28, 2021 03:48
Iran
5,888,100
Total confirmed cases
Updated on October 28, 2021 03:48
Germany
4,527,120
Total confirmed cases
Updated on October 28, 2021 03:48

Frequently Asked Questions

spot_img