ຂ່າວໂຄວິດ-19

ຂໍໃຫ້ແຮງງານລາວ ເດີນທາງກັບຄືນປະເທດຢ່າງຖືກຕ້ອງຕາມລະບຽບການ

ນາຍົກລັດຖະມົນຕີ ຮຽກຮ້ອງໃຫ້ແຮງງານລາວ ເດີນທາງກັບຄືນປະເທດຢ່າງຖືກຕ້ອງຕາມລະບຽບການ ຕາມ Lao National Radio ລາຍງານ: ທ່ານ ພັນຄໍາ ວິພາວັນ, ນາຍົກລັດຖະມົນຕີ ຮຽກຮ້ອງໃນໂອກາດຖະ ແຫຼງຂ່າວຕໍ່ສື່ມວນຊົນກ່ຽວກັບການສືບຕໍ່ປະຕິບັດມາດຕະການສະກັດກັ້ນ ແລະ ຕ້ານການແຜ່ລະບາດຂອງພະຍາດ ໂຄວິດ-19 ຢູ່ ສປປ ລາວ ໃນວັນທີ 20 ກໍລະກົດ 2021 ທີ່ສໍານັກງານນາຍົກລັດຖະມົນຕີ ວ່າ: ປະຊາຊົນລາວ ກໍ່ຄືຊາວຕ່າງປະເທດ ທີ່ມີຄວາມປະສົງຈະເຂົ້າ-ອອກ ສປປ ລາວ ໃຫ້ປະຕິບັດຖືກຕ້ອງຕາມຂັ້ນຕອນຂອງລະບຽບການ ບໍ່ໃຫ້ລັກລອບເຂົ້າ-ອອກ ຕາມລຳພັງ ເຊິ່ງຈະເປັນການນຳເອົາເຊື້ອພະຍາດໂຄວິດ-19 ເຂົ້າມາແຜ່ລະບາດເປັນວົງກວ້າງຢູ່ ສປປ ລາວ ແລະ ກໍ່ຢູ່ປະເທດເພື່ອນບ້ານເຊັ່ນກັນ ເຊິ່ງຈະເຮັດໃຫ້ຄວບຄຸມໄດ້ຍາກທີ່ສຸດ. ພິເສດ ຕໍ່ກັບແຮງງານລາວ ທີ່ໄປອອກແຮງງານຢູ່ປະ ເທດໃກ້ຄຽງ ກໍ່ຂໍໃຫ້ປະຕິບັດເຂັ້ມງວດຕາມລະບຽບການ ຂອງປະເທດເພື່ອນບ້ານທີ່ຕົນເອງອາໃສຢູ່ ໃນຂະນະດຽວກັນ ຖ້າຕ້ອງການກັບຄືນ ສປປ ລາວ ເຊິ່ງເປັນບ້ານເກີດເມືອງນອນຂອງຕົນເອງ ກໍ່ໃຫ້ດຳເນີນຢ່າງຖືກຕ້ອງຕາມຂັ້ນຕອນຂອງກົດໝາຍ ເຖິງວ່າເວລາອອກໄປຕ່າງປະເທດ ໄດ້ລັກລອບອອກໄປກໍ່ຕາມ ແຕ່ເວລາກັບເຂົ້າມາ ຂໍໃຫ້ກັບມາຢ່າງຖືກຕ້ອງ ໂດຍໃຫ້ພົວພັນກັບເຈົ້າໜ້າທີ່ສະຖານທູດ, ກົງສູນລາວ ແລະ ເຈົ້າໜ້າທີ່ກ່ຽວຂ້ອງ ແລ້ວເດີນທາງມາຜ່ານດ່ານຕ່າງໆຢ່າງເປັນທາງການ. ທ່ານ ພັນຄໍາ ວິພາວັນ ກ່າວຕື່ມວ່າ:...

ຄຳມ່ວນສືບຕໍ່ຈັດຕັ້ງປະຕິບັດມາດຕະການຕ້ານໂຄວິດ-19 ແຕ່ 21/07-5/08/2021

ແຈ້ງການຈາກຫ້ອງວ່າການແຂວຄຳມ່ວນ ເລື່ອງ ສືບຕໍ່ປະຕິບັດຄຳສັ່ງ ວ່າດ້ວຍການສືບຕໍ່ເພີ່ມທະວີຄວາມເຂັ້ມງວດໃນການຈັດຕັ້ງປະຕິບັດມາດຕະການສະກັດກັ້ນຄວບຄຸມ ແລະ ປ້ອງກັນການແຜ່ລະບາດຂອງໂຄວິດ-19 ແຕ່ວັນທີ 21 ກໍລະກົດ ຫາ ວັນທີ 5 ສິງຫາ 2021.

ຫົວໜ້າກອງບັນຊາການ ປກສ ແຂວງສະຫວັນນະເຂດ ລົງຊຸກຍູ້ ແລະ ຕິດຕາມການສະກັດກັ້ນຕ້ານໂຄວິດ-19

ຫົວໜ້າກອງບັນຊາການ ປກສ ແຂວງສະຫວັນນະເຂດລົງຊຸກຍູ້ແລະຕິດຕາມການສະກັດກັ້ນການແຜ່ລະບາດຂອງພະຍາດໂຄວິດ-19 ຕາມການລາຍງານປົກກັນຄວາມສະຫງົບ ແຂວງສະຫວັນນະເຂດໃຫ້ຮູ້ວ່າ: ວັນທີ 16 ກໍລະກົດ 2021 ນີ້ ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ ສະຫວັນນະເຂດ ພ້ອມຄະນະ ໄດ້ລົງເຄື່ອນໄຫວຕິດຕາມກວດກາການສະກັດກັ້ນ ແລະ ຕ້ານພະຍາດໂຄວິດ-19 ຢູ່ຈຸດກວດກາ ຄົນເຂົ້າ-ອອກ ເມືອງດ່ານສາກົນ ຂົວມິດຕະພາບລາວ-ໄທແຫ່ງທີ II ສະຫວັນນະເຂດ -ມຸກດາຫານ ທີ່ຍັງມີແຮງງານລາວ ໄປເຮັດວຽກຢູ່ປະເທດເພື່ອນບ້ານໄດ້ເດີນທາງກັບປະເທດທີ່ທາງການອະນຸຍາດຢ່າງຖືກຕ້ອງ ຕາມລະບຽບ ເຊິ່ງຜ່ານດ່ານກໍ່ໄດ້ກວດກາວັດແທກອຸນະພູມ, ຮັກສາໄລຍະຫ່າງຕາມຂັ້ນຕອນຂອງເຈົ້າໜ້າທີ່ວິຊາສະເພາະຢ່າງຖືກຕ້ອງ ແລະນຳໄປກັກຕົວ 14ວັນຢູ່ສູນກັກຕົວທີ່ໄດ້ກໍານົດໄວ້ ຈາກນັ້ນທ່ານກໍ່ໄດ້ໄປ ຕິດຕາມກວດກາຢູ່ ສູນປິ່ນປົວຜູ້ຕິດເຊື່ອພະຍາດໂຄວິດ-19 ຢູ່ຫຼັກ 9 ແລະ ສູນກັກກັນ ຫຼື ກັ່ນກອງແຮງງານລາວທີ່ກັບມາແຕ່ໄປເຮັດວຽກຢູ່ປະເທດເພື່ອນບ້ານ, ເຊິ່ງ ການລົງເຄື່ອນໄຫວໃນແຕ່ລະຈຸດ ນັ້ນ ແມ່ນໄດ້ຮັບຟັງ ການລາຍງານຂອງຄະນະສະເພາະກິດໃນແຕ່ລະຈຸດ, ສະພາບການຈັດຕັ້ງປະຕິບັດ ວິທີການກວດຫາເຊື້ອພະຍາດໂຄວິດ19 ຕາມຫຼັກວິຊາການຂອງເເພດ ເພາະວ່າ ແຂວງ ສະຫວັນນະເຂດ ອາດຍັງມີຜູ້ຕິດເຊື່ອພະຍາດເພີມຂຶ້ນເລື້ອຍໆ. ດັ່ງນັ້ນກຳລັງປ້ອງກັນຄວາມສະຫງົບແຂວງສະຫວັນນະເຂດ ໄດ້ເພີ່ມທະວີການຈັດຕັ້ງປະຕິບັດ ມາດຕະການຜ່ອນຜັນ ເພື່ອປ້ອງກັນ, ຄວບຄຸມ ສະກັດກັ້ນ ການແຜ່ລະບາດຂອງພະຍາດ ໂຄວິດ COVID-19...

ສືບຕໍ່ປະຕິບັດມາດຕະການ ແລະ ຜ່ອນຜັນ ຕື່ມອີກ 15 ວັນ 20/07/2021-3/08/2021

ອີງຕາມການຖະແຫຼງຂ່າວ ຂອງ ທ່ານ ນາງ ທິບປະກອນ ຈັນທະວົງສາ ຮອງນາຍົກລັດຖະມົນຕີ ຫ້ອງວ່າການສຳນັກງານນາຍົກ ໂຄສົກລັດຖະບານ ແຈ້ງການ ສືບຕໍ່ປະຕິບັດມາດຕະການ ປ້ອງກັນ, ຄວບຄຸມ ສະກັດກັ້ນ ແລະ ແກ້ໄຂການລະບາດໂຄວິດ-19 ອອກໄປຕື່ມອີກ 15 ວັນ ໂດຍເລີ່ມແຕ່ເວລາ 00:00 ໂມງ ຂອງວັນທີ 20 ກໍລະກົດ ຫາ ເວລາ 24:00 ໂມງ ຂອງວັນທີ 03 ສິງຫາ 2021. ອີງຕາມການປະເມີນສະພາບການລະບາດ ແລະ ການຈັດຕັ້ງປະຕິບັດມາດຕະການຕ່າງໆໃນຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021, ແຈ້ງການ ສະບັບເລກທີ 745/ຫສນຍ, ລົງວັນທີ 05 ກໍລະກົດ 2021 ແລະ ມາດຕະການຕ່າງໆ ທີ່ໄດ້ວາງອອກ ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19 ຂັ້ນສູນກາງ ຄັ້ງວັນທີ 16 ກໍລະກົດ 2021 ເຫັນວ່າ ປະເທດພວກເຮົາສາມາດຄວບຄຸມການລະບາດໄດ້ໃນລະດັບດີ,...

ມ້ຽນສົບຜູ້ເສຍຊີວິດຈາກ ໂຄວິດ-19 ຄົນ ທີ 5 ໃນ ສປປ ລາວ

ໃນຕອນເຊົ້າຂອງມື້ນີ້ 17 ກໍລະກົດ 2021, ແຂວງສະຫວັນນະເຂດ ມີຜູ້ຕິດເຊື້ອໂຄວິດ-19 ໂດຍເຈົ້າໜ້າທີ່ສະເພາະກິດໄດ້ທຳການຊາປະນະກິດສົບແລ້ວ ໂດຍທີມງານ 1629 ແຂວງສະຫວັນນະເຂດ ປະຕິບັດໜ້າທີມ້ຽນສົບຜູ້ເສຍຊີວິດຈາກໂຄວິດ-19. ຂໍ້ມູນເບື້ອງຕົ້ນ ຂອງຜູ້ເສຍຊີວິດຈາກໂຄວິດ-19 ຄົນທີ 5 ແມ່ນ ເພດຊາຍ ອາຍຸ 49 ປີ, ເປັນຄົນ ບ້ານໜອງບົວທ່າ,ເມືອງສອງຄອນ ແຂວງສະຫວັນນະເຂດ ເຊິ່ງຜູ້ກ່ຽວເປັນແຮງງານ ທີ່ກັບມາຈາກປະເທດໄທ. ຂໍສະແດງຄວາມເສຍໃຈ ມາຍັງຄອບຄົວຜູ້ເສຍຊີວິດກໍລະນີທໍາອິດ ທີ່ ສະຫວັນນະເຂດ, ກໍລະນີທີ່ 5 ທົ່ວປະເທດຄົນຕິດ ໂຄວິດ-19 ເສຍຊີວິດ 17 ກໍລະກົດ 2021 ລາຍງານໂດຍ: 1629 ໜ່ວຍກູ້ໄພແຂວງສະຫວັນນະເຂດ
All countries
194,104,665
Total confirmed cases
Updated on July 24, 2021 08:54
Italy
4,307,535
Total confirmed cases
Updated on July 24, 2021 08:54
Spain
4,280,429
Total confirmed cases
Updated on July 24, 2021 08:54
Iran
3,645,654
Total confirmed cases
Updated on July 24, 2021 08:54
Germany
3,760,270
Total confirmed cases
Updated on July 24, 2021 08:54

Frequently Asked Questions

spot_img