ຂ່າວເຫດການ

ປະກາດຫາເຈົ້າຂອງລົດ! ໝາຍເລກທະບຽນ ກທ 0099 ກໍາແພງນະຄອນ

ປະກາດຫາເຈົ້າຂອງລົດ ຮຸນໄດ໋ ໝາຍເລກທະບຽນ ກທ 0099 ກໍາແພງນະຄອນ ທີ່ຮັກສາໄວ້ ປກສ ກຸ່ມວັງຊາຍ ພັທ ຊື່ຫວ່າງ ກ່າລໍ່ ຫົວໜ້າ ປກສ ກຸ່ມວັງຊາຍ ເມືອງໄຊເສດຖາ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮັບການແຈ້ງ ວ່າ: ພົບເຫັນລົດ ກທ 0099 ຈອດໄວ້ ຢູ່ທາງເຂົ້າໂຮງແຮມຈິມມີ່ ຕິດຈັກໄວ້ ແຕ່ບໍ່ພົບເຫັນຜູ້ຂັບຂີ່, ເວລາແຕ່ 1 ໂມງ ຂອງວັນທີ 15 ພະຈິກ 2021, ພາຍຫຼັງ ປກສ ກຸ່ມໄດ້ຮັບແຈ້ງ ຈຶ່ງໄດ້ລົງກວດກາແລ້ວພົບເຫັນລົດຄັນດັ່ງກ່າວຕາມການແຈ້ງຄວາມແທ້ ຈື່ງໄດ້ນຳລົດຄັນດັ່ງກ່າວມາຮັກສາໄວ້ ຢູ່ຫ້ອງການ ປກສ ກຸ່ມວັງຊາຍ.ຜ່ານການກວດກາພາຍໃນລົດ ພົບເຫັນເອກະສານຄື: ປື້ມຜ່ານແດນຕ່າງປະເທດ 1 ຫົວ, ໃບອະນຸຍາດພັກເຊົາ 1 ຫົວ, ໃບຢັ້ງຢືນການຮັບວັກຊີນ ແລະ ບັດອະນຸຍາດເຮັດວຽກ ບໍລິສັດລາວຄ້າຍຢວນບໍ່ແຮ່ ທັງໝົດແມ່ນອອກ ຊື່ ທ້າວ ຟູລິນ ອາຍຸ 25 ປີ ສັນຊາດຈີນ ພັກເຊົາຢູ່ບ້ານສີສະຫວາດ ເມືອງຈັນທະບູລີ ນວ.

ເຫດລົດໃຫຍ່ຢຽບເດັກນ້ອຍ ເສຍຊີວິດຄາທີ່! ນະຄອນຫຼວງ​ພະບາງ​

ເຫດລົດໃຫຍ່ຢຽບເດັກນ້ອຍ ອາຍຸ​ 02​ ປີ ປັດຈຸບັນ ​ຢູ່​ ບ້ານ​ດອນເກົ່າ​ ນະຄອນຫຼວງ​ພະບາງ​ ອີງຕາມການລາຍງານ ຂອງຫນ່ວຍກູ້ຊີບອົງການກາແດງລາວ ຫລວງພະບາງ ໃຫ້ຮູ້ວ່າ: ໃນວັນທີ 15.11.2021 ເວລາ​ ​09:36 ນາທີ ໄດ້ຮັບແຈ້ງຈາກປະຊາຊົນເຂົ້າເບີ 0711625 ວ່າມີອຸບັດຕິເຫດຂັບຂີ່ລົດໃຫຍ່(ລົດຮຸນໄດຂົນສົ່ງນ້ຳດື່ມ) ຢຽບເດັກນ້ອຍ ຢູ່ທີ່ບ້ານ ດອນເກົ່າ​ ນະຄອນ​ຫລວງ​ພະບາງ​. ເມື່ອທີມງານກູ້ຊີບອົງການກາແດງລາວອອກກວດສອບພົບຜູ້ເສຍຊີວິດຄາທີ່ ເພດຊາຍ 01 ຄົນ ຊື່​: ທ້າວລາຍອີ ອາຍຸ​ 02 ​ປີ ປັດຈຸບັນ​ຢູ່​ບ້ານ​ ດອນເກົ່າ​ ນະຄອນຫຼວງ​ພະບາງ​ ທາງຫນ່ວຍ​ກູ້ຊີບອົງກ​ານກາແດງລາວ​ແຂວ​ງຫລວງພະບາງ​ໄດ້ທຳການຫໍ່ສົບຂອງຜູ້ເສຍຊີວິດແລ້ວ​ນຳສົ່ງ​ໂຮງ​ເຢັນ​ໂຮງໝໍ​ແຂວງ​ຫລວງພະບາງ​ທາງທີ່. ທີມງານຫນ່ວຍກູ້ຊີບອົງການກາແດງລາວ ຫລວງພະບາງພວກເຮົາຂໍສະແດງຄວາມເສຍໃຈມາຍັງຍາດຕິພີ່ນ້ອງຜູ້ເສຍຊີວິດ ແລະ​ ຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເທີ້ນນ

ສະເໜີລັດແກ້ໄຂບັນຫາ ການຈັບຈອງທີ່ດິນ ແຕ່ບໍ່ມີການພັດທະນາ

ສະເໜີລັດ ແກ້ໄຂບັນຫາ ການຈັບຈອງທີ່ດິນ ແຕ່ບໍ່ມີການພັດທະນາ ຕົວແທນຈາກສູນກາງແນວລາວສ້າງຊາດ ໄດ້ສະເໜີຕໍ່ສະພາແຫ່ງ ໃຫ້ດຳເນີນການຕິດຕາມກວດກາ ຕໍ່ບັນຫາທີ່ດິນ ບໍ່ວ່າຈະເປັນ ການຈັບຈອງທີ່ດິນປ່າ, ດິນຫວງຫ້າມ, ດິນບ້ານ ແລະ ດິນປະເພດຕ່າງໆ ເປັນຈໍານວນຫຼາຍໄວ້ຫລາຍປີ ແຕ່ບໍ່ໄດ້ມີການພັດທະນາຫຍັງ ທັງບໍ່ທັນໄດ້ເສຍພັນທະຕໍ່ລັດ ຂອງບຸກຄົນ, ນິຕິບຸກຄົນ ຍັງມີຢູ່ທ້ອງຖິ່ນຕ່າງໆ ແຕ່ປະຊາຊົນຈໍານວນບໍ່ໜ້ອຍ ບໍ່ມີບ່ອນປຸກສ້າງທີ່ຢູ່ອາໄສ, ບໍ່ມີທີ່ດິນທໍາການຜະລິດ, ບໍ່ມີລາຍຮັບທີ່ໝັ້ນຄົງ, ມີຄວາມທຸກຍາກ ຕໍ່ສະພາບການດັ່ງກ່າວ ຄວນໄດ້ເອົາໃຈໃສ່ກວດກາຄືນ ແລະ ມີການຈັດສັນ, ມີຊ່ອງທາງເພື່ອຊ່ວຍ ເຫຼືອແກ້ໄຂ. ທ່ານ ນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດໄດ້ສະຫນີຕໍ່ສະພາແຫ່ງຊາດ ໃຫ້ກວດກາຕື່ມຕໍ່ສະພາບການຊື້-ຂາຍດິນ ແລະ ເຮືອນ ໃຫ້ຄົນຕ່າງປະເທດ ແຕ່ອອກຊື່ເປັນຄົນລາວ ເກີດມີຢ່າງແຜ່ຫຼາຍ, ເກີດມີສະພາບການສໍ້ໂກງກັນລະຫວ່າງຜູ້ຊື້ດິນ ແລະ ຜູ້ອອກຊື່ ໃນໃບຕາດິນ ພາໃຫ້ເກີດມີຄວາມບໍ່ສະຫງົບ ສະເໜີໃຫ້ມີວິທີການແກ້ໄຂເປັນຮູບປະທໍາ; ບັນຫາຂໍ້ຂັດແຍ່ງ ໃນການຊົດເຊີຍຜົນເສຍ ຫາຍຕໍ່ການຜະລິດກະສິກໍາ ຂອງປະຊາຊົນບັນດາເຜົ່າ ທີ່ຖືກຜົນກະທົບ ຈາກໂຄງການກໍ່ສ້າງ, ສໍາປະທານ ເພື່ອເຮັດກິດຈະກໍາຕ່າງໆຂອງລັດ ແລະ ເອກະຊົນຈໍານວນໜຶ່ງ ຍັງບໍ່ທັນຖືກຕ້ອງສອດຄ່ອງກັບແນວທາງ, ກົດໝາຍ ສະພາບຕົວຈິງຍັງມີຫາງສຽງ, ມີການສະເໜີ, ຮ້ອງທຸກ ຕໍ່ການຈັດ ຕັ້ງກ່ຽວຂ້ອງຂັ້ນຕ່າງໆ ແຕ່ການແກ້ໄຂຕົວຈິງຍັງມີຄວາມຫຍຸ້ງຍາກ,...

ສຶກສາອົບຮົມ ພ້ອມປັບໃໝກຸ່ມໄວລຸ້ນ 2 ກຸ່ມ ຕັ້ງວົງຊຸມແຊວ

ປກສ ກຸ່ມທ່າເດື່ອ ສຶກສາອົບຮົມ ປັບໃໝກຸ່ມໄວລຸ້ນ 2 ກຸ່ມ ຕັ້ງວົງຊຸມແຊວ. ວັນທີ 3 ພະຈິກ 2021, ເວລາ 00:46 ໂມງ ປກສ ກຸ່ມທ່າເດື່ອ ໄດ້ສົມທົບກັບການຈັດຕັ້ງບ້ານດົງໂພສີ ເມືອງຫາດຊາຍຟອງ ນວ, ສຶກສາອົບຮົມ ແລະ ປັບໄໝກຸ່ມໄວລຸ້ນ 2 ກຸ່ມ ມີ 16 ຄົນ, ຍິງ 3 ຄົນ ຕັ້ງວົງຊຸມແຊວ ຢູ່ເຂດປ່າສະຫງວນ ແລະ ຢູ່ເຮືອນເຊົ່າ, ໜ່ວຍ 18 ບ້ານດົງໂພສີ; ເຊິ່ງເປັນການ ລະເມີດຕໍ່ແຈ້ງຂອງຄະນະສະເພາະກິດ ເລກທີ 40/ສພກ.ນວ ລົງວັນທີ 30 ຕຸລາ 2021 ວ່າດ້ວຍການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19. ຈິ່ງໄດ້ເຊີນຕົວ ຂຶ້ນມາຫ້ອງການ ປກສ ກຸ່ມ ທ່າເດື່ອ ເພື່ອເຮັດບົດບັນທຶກສຶກສາອົບຮົມ ກ່າວເຕືອນ ແລະ ປັບໃໝ ຕາມລະບຽບການ.ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພໍ່ແມ່ປະຊາຊົນ ຊາວ ນວ...

ເຫດການໄຟໄໝ້ ຢູ່ບ້ານໜອງບົວທອງເໜືອ ເສຍຫາຍ 800 ລ້ານກີບ

ເສຍຫາຍ 800 ລ້ານກີບ ເຫດການໄຟໄໝ້ ຢູ່ບ້ານໜອງບົວທອງເໜືອ ຈາກເຫດການໄຟໄໝ້ ເຮືອນປະຊາຊົນ ຢູ່ບ້ານໜອງບົວທອງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ເມື່ອເວລາ 11: 15 ໂມງ ຂອງວັນທີ 31 ຕຸລາ 2021 ສ້າງຜົນເສຍຫາຍລວມມູນຄ່າ 800 ລ້ານກວ່າກີບ ເຊິ່ງເຮືອນຫຼັງດັ່ງກ່າວ ເປັນເຮືອນສອງຊັ້ນ ຂັ້ມລຸ່ມແມ່ນກໍ່ສ່ວນຊັ້ນສອງ ແອ້ມດວ້ຍໄມ້ ເປັນເຮືອນຂອງ ແມ່ຕູ້ ອ່ອນຕາ ອາຍຸ 85 ປີ.ເຈົ້າໜ້າທີ່ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ນວ ໃຫ້ຮູ້ວ່າ: ພາຍຫຼັງໄດ້ຮັບແຈ້ງວ່າມີເຫດໄຟໄໝ້ ຢູ່ບ້ານໜອງບົວທອງເໜືອ ເຈົ້າໜ້າທີ່ພວກເຮົາກໍໄດ້ຈັດກໍາລັງ 25 ສະຫາຍ ພ້ອມດ້ວຍພະຫານະມອດໄຟ 2 ຄັນ ລົງສະຖານທີ່ເກີດເຫດຢ່າງຮີບດ່ວນ ໂດຍໃຊ້ເວລາ 1 ຊົ່ວໂມງ ຈິ່ງສາມາດຄວບຄຸມໄຟໄດ້. ສ່ວນສາເຫດທີ່ພາໃຫ້ເກີດອັກຄີໄພຄັ້ງນີ້ ແມ່ນເກີດຈາກ ໄຟຟ້າລັດວົງຈອນ ຢູ່ຊັ້ນສອງ.ກອງບັນຊາການ ປກສ ນວ ຮຽກຮ້ອງມາຍັງທຸກຄົນໃນສັງຄົມ ໃຫ້ມີສະຕິໃນການນຳໃຊ້ໄຟຟ້າ ຖອດປັກໄຟທຸກຄັ້ງກ່ອນອອກຈາກເຮືອນ, ການນຳໃຊ້ຟືນ-ໄຟ ແຕ່ງຢູ່ຄົວກິນ ການຈູດຂີ້ເຫຍື້ອ ແລະ ອື່ນໆ ຄວນກວດເບີ່ງຄືນວ່າດັບມອດດີແລ້ວຫຼືບໍ່ ເພື່ອຄວາມປອດໄພ ທາງດ້ານຊີວິດ...
All countries
262,995,897
Total confirmed cases
Updated on December 1, 2021 00:17
Italy
5,028,547
Total confirmed cases
Updated on December 1, 2021 00:17
Spain
5,164,184
Total confirmed cases
Updated on December 1, 2021 00:17
Iran
6,117,445
Total confirmed cases
Updated on December 1, 2021 00:17
Germany
5,881,423
Total confirmed cases
Updated on December 1, 2021 00:17

Frequently Asked Questions

spot_img