ຂ່າວວັກຊີນ

ຂ່າວດີສົ່ງທ້າຍເດືອນ! ລາວໄດ້ຮັບວັກຊີນເພີ່ມ 6 ແສນໂດສ

COVAX Facility ໃຫ້ການຊ່ວຍເຫຼືອ ວັກຊີນກັນພະຍາດ ໂຄວິດ-19 ຈໍານວນ 600,000 ກ່ວາໂດສ໌​ ເເກ່ ສປປ ລາວ    ຈຳນວນໂດສ໌​ດັ່ງກ່າວເເມ່ນປະກອບມິການບໍລິຈາກໂດຍກົງຈາກ COVAX Facility ພ້ອມດ້ວຍການຊ່ວຍເຫຼືອຈາກປະເທດ ຟິນແລນ, ສວີເດນ ເເລະ ເນເທີແລນ ໂດຍຜ່ານ COVAX. ນະຄອນຫຼວງວຽງຈັນ, ວັນທີ 28 ເດືອນພະຈິກ 2021 – ໃນມື້ນີ້,ສປປ ລາວ ໄດ້ຮັບການບໍລິຈາກ​ວັກຊີນປ້ອງກັນພະຍາດ ໂຄວິດ-19 AstraZeneca ຈໍານວນ600,000 ກ່ວາໂດສ໌​ ໂດຍຜ່ານ COVAX Facility - ເຊີ່ງແມ່ນ​ການຮ່ວມມືກັນລະຫວ່າງອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), ອົງການກາວີ (Gavi) ແລະ ອົງການອະນາໄມໂລກ (WHO), ໂດຍມີ ອົງການຢູນິເຊັບ ເປັນຄູ່ຮ່ວມງານສຳຄັນໃນການຈັດສົ່ງ - ເເລະ ເປັນການຈັດສົ່ງວັກຊີນຊຸດທີ 6 ພາຍໃຕ້ COVAX, ພາຍຫຼັງການບໍລິຈາກໃນຕົ້ນເດືອນພະຈິກທີ່ຜ່ານມານີ້. ການຈັດສັນວັກຊີນກັນພະຍາດ ໂຄວິດ-19 ຊຸດໃໝ່ນີ້​ປະກອບມີ​​ວັກຊີນ AstraZeneca 132,000 ໂດສ໌ ເຊີ່ງເປັນການປະກອບສ່ວນໂດຍກົງຈາກ COVAX Facility, ແລະ ການບໍລິຈາກວັກຊີນຊະນີດດຽວກັນຈາກປະເທດ ຟິນແລນ,...

ຂ່າວດີ! ວັກຊີນ 1.900.000 ໂດສ ຮອດລາວຮຽບຮ້ອຍແລ້ວ

ຂອບໃຈຫຼາຍໆ! ເດີນທາງ​ມາຮອດ​ ສປປ​ ລາວ​ ແລ້ວວັກຊິນຊ່ວຍເຫຼືອຮອບໃຫມ່ຈາກ ສປ​ ຈີນ​ ຈຳນວນ​ 1.900.000 ໂດສ ພ້ອມທັງ ຊາແລັງເຂັມສັກຢາ ຈຳນວນ 1,801,600 ອັນ. ໃນ​ຕອນແລງ ເວລາ 16:00 ​ຂອງວັນທີ​ 17​ ພະຈິກ​ 2021​ ນີ້​ ທີ່​ສະໜາມບິນ​ສາກົນ​ວັດ​ໄຕ, ນະຄອນຫຼວງວຽງຈັນ​ ໄດ້ມີພິທີຕ້ອນຮັບວັກຊິນຊ່ວຍເຫຼືອລ້າຮອບໃຫມ່ຈາກ ສປ​ ຈີນ​ ມອບ​ໃຫ້ແກ່​ ສປປ​ ລາວ​ ຍີ່ຫຍໍ້ຊີໂນຟາມ ຈຳນວນ​ 1.900.000​ ໂດສ ແລະ ຊາແລັງເຂັມສັກຢາ ຈຳນວນ 1,801,600 ອັນ. ວັກຊີນຈໍານວນດັ່ງກ່າວຈະຖືກນຳໃຊ້ໂດຍລັດຖະບານແຫ່ງ ສປປ ລາວ ເພື່ອໃຫ້ການປ້ອງກັນແກ່ປະຊາຊົນລາວຢ່າງຕໍ່ເນື່ອງ ແລະ ບັນລຸເປົ້າໝາຍການສັກວັກຊິນກັນພະຍາດ ໂຄວິດ-19 ປະຊາກອນໃນທົ່ວປະເທດພາຍໃນທ້າຍປີນີ້. ຂອບໃຈຫຼາຍໆ

ວັກຊີນ 523,200 ໂດສ໌ ຈາກ COVAX Facility ມາຮອດລາວແລ້ວ!

ວັກຊີນກັນພະຍາດ ໂຄວິດ-19 Astra Zeneca/Oxford ຈໍານວນ 523,200 ໂດສ໌ ຈາກ COVAX Facility ໄດ້ມາຮອດ ສປປ ລາວ ແລ້ວ. ນະຄອນຫຼວງວຽງຈັນ, ວັນທີ 31 ຕຸລາ 2021 - ມື້ນີ້ ສປປ ລາວ ໄດ້ຮັບວັກຊີນກັນພະຍາດ ໂຄວິດ-19 Astra Zeneca/Oxford ຊຸດໃໝ່ ຈໍານວນ 523,200 ໂດສ໌ ໂດຍຜ່ານ COVAX Facility, ຊຶ່ງແມ່ນ​ການຮ່ວມມືກັນລະຫວ່າງອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), Gavi ຊຶ່ງເປັນ​ພັນທະມິດວັກຊີນ ແລະ ອົງການອະນາໄມໂລກ (WHO), ໂດຍມີ ອົງການຢູນິເຊັບ ເປັນຄູ່ຮ່ວມງານສຳຄັນໃນການຈັດສົ່ງ. ການສົ່ງມອບວັກຊີນຄັ້ງລ່າສຸດນີ້ແມ່ນເປັນສ່ວນໜຶ່ງຂອງຄວາມພະຍາຍາມຢ່າງຕໍ່ເນື່ອງຂອງ COVAX Facility ເພື່ອຮັບປະກັນການເຂົ້າເຖິງວັກຊີນປ້ອງກັນພະຍາດ ໂຄວິດ-19 ຢ່າງເທົ່າທຽມກັນໃນທົ່ວໂລກ ແລະ ເປັນການສົ່ງມອບຕໍ່ຈາກການປະກອບສ່ວນຊ່ວຍເຫຼືອວັກຊີນກັນພະຍາດ ໂຄວິດ-19 ໃຫ້ເເກ່ ສປປ ລາວ ຜ່ານ COVAX Facility ໂດຍລັດຖະບານຍີ່ປຸ່ນ ໃນເດືອນສິງຫາ 2021. ວັກຊີນຈໍານວນດັ່ງກ່າວຈະຖືກນຳໃຊ້ໂດຍລັດຖະບານແຫ່ງ ສປປ ລາວ ເພື່ອໃຫ້ການປ້ອງກັນແກ່ປະຊາຊົນລາວຢ່າງຕໍ່ເນື່ອງ ແລະ...

ສປ ຈີນ ຈະຊ່ວຍເຫຼືອວັກຊີນໃຫ້ ສປປ ລາວ ຕື່ມອີກ!

ສປ ຈີນ ຈະຊ່ວຍເຫຼືອວັກຊີນໃຫ້ ສປປ ລາວຕື່ມອີກໃນຈໍານວນຫຼາຍກວ່າຜ່ານມາ. ຕາມການລາຍງານ ຂອງແຟນເພຈ CRI-FM93 ໃຫ້ຮູ້ວ່າ: ບໍ່ດົນນີ້, ທ່ານ ຈ່ຽງຈ້າຍຕົ່ງ ເອກອັກຄະລັດຖະທູດຈີນປະຈໍາລາວ ໃຫ້ສໍາພາດການຮ່ວມມືໃນຂົງເຂດສາທາລະນະສຸກລະຫວ່າງລາວ-ຈີນ, ບາງຕອນທ່ານໄດ້ກ່າວວ່າ ສປ ຈີນຈະສະໜອງວັກຊີນປ້ອງກັນໂຄວິດ-19 ໃຫ້ ສປປ ລາວຕື່ມອີກ ໃນຈໍານວນທີ່ຫຼາຍກວ່າຍອດການຊ່ວຍເຫຼືອຜ່ານມາ ເພື່ອປະກອບສ່ວນໃນການບັນລຸເປົ້າໝາຍຂອງລັດຖະບານລາວທີ່ະສັກວັກຊີນໃຫ້ປະຊາກອນໃຫ້ໄດ້ 50% ພາຍໃນປີ 2021. ທ່ານເອກອັກຄະລັດຖະທູດຈີນກ່າວວ່າ: ແຜນແມ່ບົດທີ່ໄດ້ກໍານົດວ່າສອງຝ່າຍຕ້ອງເພີ່ມທະວີການແລກປ່ຽນຂໍ້ມູນຂ່າວສານ, ຊຸກຍູ້ການປ້ອງກັນ ແລະຄວບຄຸມພະຍາດຂ້າມຊາດຮ່ວມກັນ ເຊິ່ງມີຄວາມໝາຍສໍາຄັນຫຼາຍ ໂດຍສະເພາະພາຍໃຕ້ສະຖານະການຕ້ານໂຄວິດ-19 ໃນປັດຈຸບັນນີ້, ຝ່າຍຈີນຍິ່ງຕ້ອງເພີ່ມທະວີການຮ່ວມມືດ້ານການຕ້ານພະຍາດໂຄວິດ-19 ກັບຝ່າຍລາວ ແລະຈະມອບວັກຊິນປ້ອງກັນໂຄວິດ-19 ໃຫ້ແກ່ຝ່າຍລາວຕື່ມອີກ ໃນຈໍານວນທີ່ຫຼາຍກວ່າຍອດການຊ່ວຍເຫຼືອຜ່ານມາ ເພື່ອປະກອບສ່ວນໃນການບັນລຸເປົ້າໝາຍຂອງລັດຖະບານລາວທີ່ວາງໄວ້ຄື 50% ຂອງປະຊາກອນທົ່ວປະເທດຕ້ອງໄດ້ຮັບການສັກວັກຊິນຕ້ານໂຄວິດ-19ພາຍໃນປີ 2021 ນີ້ ເພື່ອສ້າງເງື່ອນໄຂອໍານວຍຄວາມສະດວກໃຫ້ກັບການຮ່ວມມືທີ່ແທ້ຈິງ ໂດຍສະເພາະແມ່ນບັນດາໂຄງການໃຫຍ່ຂອງສອງປະເທດເຊັ່ນ ໂຄງການທາງລົດໄຟລາວ-ຈີນ ເຊິ່ງອັນນີ້ເປັນການປະກອບສ່ວນເຂົ້າໃນການສ້າງຄູ່ຮ່ວມຊາຕາກໍາລາວ-ຈີນຢ່າງແທ້ຈິງ.

ໃກ້ແລ້ວ! ບໍລິສັດ ໄຟເຊີ ໄດ້ເລີ່ມທົດລອງຢາປ້ອງກັນໂຄວິດ-19 ຊະນິດເມັດໃນຂັ້ນຕອນສຸດທ້າຍ

ບໍລິສັດ ໄຟເຊີ ໄດ້ເລີ່ມທົດລອງຢາປ້ອງກັນໂຄວິດ-19 ຊະນິດເມັດໃນຂັ້ນຕອນສຸດທ້າຍ ໃນວັນທີ 28 ກັນຍາ 2021 ບໍລິສັດ ໄຟເຊີ ໄດ້ເລີ່ມທົດລອງຢາປ້ອງກັນໂຄວິດ-19 ຊະນິດເມັດໃນຂັ້ນຕອນສຸດທ້າຍ ໃຫ້ແກ່ບຸກຄົນທີ່ຢູ່ທ່າມກາງການລະບາດຂອງພະຍາດໂຄວິດ-19 ທີ່ສະແດງອາການ ໂດຍຢາຊະນິດເມັດນີ້ມີຊື່ເອີ້ນວ່າ PF-07321332. ຢາເມັດຂອງບໍລິສັດໄຟເຊີເອີ້ນໄດ້ວ່າເປັນຢາປະເພດ protease inhibitors ທີ່ເຮັດວຽກໂດຍການຄັດລອກໂຕເອງພາຍໃນຮ່າງກາຍຂອງມະນຸດ ຈຶ່ງເຮັດໃຫ້ບໍ່ສາມາດກໍ່ໃຫ້ເກີດການຕິດເຊື້ອໂຄວິດ-19 ຮອບໃໝ່ໄດ້. ທີມນັກວິທະຍາສາດຂອງບໍລິສັດໄຟເຊີຈະມີການທົດສອບຢາຊະນິດເມັດໃນຂັ້ນຕອນສຸດທ້າຍກັບອາສາສະໝັກທີ່ຮ່າງກາຍແຂງແຮງຈໍານວນ 2,660 ຄົນ ອາຍຸ 18 ປີຂຶ້ນໄປ ທີ່ອາໄສຢູ່ໃນບ່ອນພັກທີ່ມີຜູ້ຕິດເຊື້ອໂຄວິດ-19  ເຊິ່ງອາສາສະໝັກຖືກແບ່ງອອກເປັນສອງກຸ່ມ ໂດຍກຸ່ມໜຶ່ງໃຫ້ກິນຢາເມັດຂອງບໍລິສັດໄຟເຊີ ແລະ ຕ້ອງກິນຢາມື້ລະສອງເມັດເປັນເວລາ 5-10 ມື້ ແລະ ກິນກຸ່ມໜຶ່ງແມ່ນໃຫ້ກິນຢາທີ່ບໍ່ມີຜົນຫຍັງ(ຢາປອມ). ຈາກນັ້ນນັກວິທະຍາສາດຈະປະເມີນປະສິດທິພາບຂອງຢາ PF-07321332 ໃນການປ້ອງກັນການຕິດເຊື້ອ ແລະ ອາການຕ່າງໆ ພາຍໃນ 14 ມື້ ຫຼັງຈາກທີ່ອາໄສຢູ່ຮ່ວມກັບຜູ້ຕິດເຊື້ອໂຄວິດ-19. ນອກຈາກນີ້, ບໍລິສັດໄຟເຊີ ຍັງໄດ້ເລີ່ມສຶກສາຢາປ້ອງກັນໂຄວິດ-19 ກັບຜູ້ຕິດເຊື້ອໃນໄວຜູ້ໃຫຍ່ ທີ່ມີອາການບໍ່ຮຸນແຮງ ແລະ ລວມທັງຜູ້ປ່ວຍທີ່ຕິດເຊື້ອໂຄວິດ-19 ນໍາອີກດ້ວຍ. ແຫຼ່ງຂ່າວ: Thairath 
All countries
262,995,897
Total confirmed cases
Updated on December 1, 2021 00:17
Italy
5,028,547
Total confirmed cases
Updated on December 1, 2021 00:17
Spain
5,164,184
Total confirmed cases
Updated on December 1, 2021 00:17
Iran
6,117,445
Total confirmed cases
Updated on December 1, 2021 00:17
Germany
5,881,423
Total confirmed cases
Updated on December 1, 2021 00:17

Frequently Asked Questions

spot_img