ຂ່າວຕ່າງປະເທດ

ບ່າວນັກບິນລົງມືຄາດຕະກຳເມຍ ຍ້ອນໃຈຮ້າຍ ທີ່ເມຍຂໍແຍກທາງ

ວັນທີ 18 ມິຖຸນາ 2021 ເວັບໄຊ້ໃດລີເມວ ລາຍງານ, ຄວາມຄືບໜ້າ ຂອງຄະດີຄາດຕະກຳ ນາງ ແຄໂລລິນ ຄາວ ສັນຊາດ ອັງກິດ ແມ່ລູກໜຶ່ງ ອາຍຸ 20 ປີ ເຊິ່ງຖືກຄາດຕະກຳຢູ່ບ້ານພັກຂອງຕົນເອງ ໃນປະເທດກຣີດ (Greece) ຈົນສ້າງຄວາມສະເທືອນໃຈໃຫ້ກັບ ທ້າວ ບາບິນ ອາແນນໍປູລໍ ອາຍຸ 33 ປີ ອາຊີບ ນັກບິນ ເຊິ່ງເປັນສາມີ ຂອງຜູ້ເສຍຊີວິດ. ແຕ່ຫຼັງຈາກເຈົ້າໜ້າທີ່ຕຳຫຼວດ ໄດ້ສອບຖາມຫາຄວາມຈິງກັບຜູ້ເປັນສາມີ ໃຊ້ເວລາ 8 ຊົ່ວໂມງ ຈົນສຸດທ້າຍກໍຍອມຮັບວ່າ ຕົນເປັນຄົນລົງມືຂ້າເມຍຂອງຕົນເອງ. ກ່ອນໜ້ານີ້ ທ້າວ ບາບິນ ເລົ່າວ່າ: ມີໂຈນເຂົ້າມາບຸກບ້ານຂອງຕົນ ແລະ ໄດ້ຂ້າຜູ້ເປັນເມຍ ຈົນເສຍຊີວິດ ສ່ວນຕົນນັ້ນຖືກໂຈນມັດມ້ຽນຢູ່ຫຼັງບ້ານ ເຊິ່ງຕັ້ງຢູ່ ກີຄາ ນິຣາ ນະຄອນເອເທັນ (Athens) ເມືອງຫຼວງ ຂອງປະເທດກຣີດ ໃນຊ່ວງເຊົ້າ ຂອງວັນທີ 11 ມິຖຸນາ ທີ່ຜ່ານມາ. ສາເຫດການຄາດຕະກຳໃນຄັ້ງນີ້ ຍ້ອນຄວາມໂມໂຫໃຈຮ້າຍ ທີ່ເມຍຄູ່ແຍກທາງ ແລະ ຈະເອົາລູກໄປນຳ ເລີຍຕັດສິນໃຈໃຊ້ໝອນອັດໜ້າເມຍ ຈົນຫາຍໃຈບໍ່ອອກແລ້ວກໍເສຍຊີວິດ...

ສັກວັກຊີນຕ້ານໂຄວິດ-19 ແຖມຟຣີກັນຊາ ທີ່ລັດວໍຊິງຕັນ ອາເມຣິກາ

ຄະນະກຳມະການເຄື່ອງດື່ມ ແລະ ກັນຊາຂອງລັດວໍຊິງຕັນ ຖະແຫຼງເມື່ອວັນທີ 7 ມິຖຸນາ ທີ່ຜ່ານມາ ຈະອະນຸຍາດໃຫ້ປະຊາຊົນທີ່ເປັນຜູ້ໃຫຍ່ແລ້ວ ຮັບກັນຊາແບບພັນລຳຟຣີ ເມື່ອມາສັກວັກຊີນຕ້ານໂຄວິດ-19 ພາຍໃຕ້ແຄມເປນ ''Joints for jabs'' ເຊິ່ງແມ່ນເບີ່ມປະຕິວັດແລ້ວ ຈົນເຖິງ ວັນທີ 12 ກໍລະກົດ ແລະ ຖືວ່າເປັນສ່ວນໜຶ່ງໃນຍຸດທະສາດຂອງລັດ ໃນການດຶງດູດໃຈປະຊາຊົນໃຫ້ມາສັກວັກຊີນ ເພື່ອປ້ອງກັນການແຜ່ລະບາດຂອງພະຍາດໂຄວິດ-19 ສາຍພັນໃໝ່. ຄະນະກຳມະການເຄື່ອງດື່ມ ແລະ ກັນຊາແຫ່ງລັດວໍຊິງຕັນ ປະເທດອາເມລິກາ ກຳນົດໃຫ້ຮ້ານຄ້າຂາຍຍ່ອຍກັນຊາ ທີ່ເຂົ້າຮ່ວມແຄມເປນ ສະເພາະຊະນິດແບບມ້ວນສູບ ແຈກໃຫ້ລູກຄ້າ ທີ່ມີອາຍຸ 21 ປີ ຂຶ້ນໄປ ຖ້າຫາກພວກເຂົາໄດ້ສັກວັກຊີນ ເຂັມທີ 1 ຫຼື ຄົບ 2 ເຂັມ. ປັດຈຸບັນ, ລັດວໍຊີງຕັນ ມີປະຊາກອນ 4.4 ລ້ານ ຄົນທີ່ໄດ້ຮັບວັກຊີນ ເຂັມທີ 1 ແລະ 3,7 ລ້ານຄົນໄດ້ຮັບວັກຊີນຄົບທົງ 2 ເຂັມ ແລະ ມາດຕະການກັນຊານັ້ນ ບໍ່ແມ່ນເລື່ອງແປໃໝ່ສຳລັບອາເມລິກາ ເພາະກ່ອນໜ້ານີ້ ລັດແອຣິໂຊ ໄດ້ເຮັດໂຄງການແຈກກັນຊາໃຫ້ກັບຄົນມາສັກວັກຊີນ ກ່ອນໜ້າແລ້ວ.

ສຸດຍອດ! ຍິງຊາວອັບຟຣິກາໃຕ້ ອາຍຸ 37 ປີ ໃຫ້ກຳເນີດລູກ 10 ຄົນ ໃນຄັ້ງດຽວ

ຍິງທ່ານໜຶ່ງ ຊື່ວ່າ Gosiame Thamara Sithole ອາຍຸ 37 ປີ ຊາວອັບຟຣິກາໃຕ້ ໃຫ້ກຳເນີດລູກ 10 ຄົນໃນຄັ້ງດຽວ ເຊິ່ງເປັນການຖືພາຄັ້ງທີ່ສອງຂອງລາວ. ຖືພາຄັ້ງທຳອິດກໍແມ່ນແຝດ 2 ຄົນ ປັດຈຸບັນອາຍຸ 6 ປີ ເຊິ່ງລາວມີລູກທັງໝົດຕອນນີ້ 12 ຄົນ. ຂໍ້ມູນໄດ້ຖືກເປີດເຜີຍໃນວັນທີ 8 ມິຖຸນາ 2021 ວ່າ ແຝດທັງ 10 ຄົນປະກອບໄດ້ດ້ວຍ ຊາຍ 7 ຄົນ, ຍິງ 3 ຄົນ ລາວບອກວ່າ ເປັນການຖືພາທີ່ເກີດຂຶ້ນໂດຍທຳມະຊາດ ເຊິ່ງຕອນທຳອິດແພດວິໄຈວ່າລາວຖືພາແຝດ 6 ຄົນເຊິ່ງເປັນການເບິ່ງຈາກການສະແກນກວດທັງ 2 ຄັ້ງ ແຕ່ລາວກໍບໍ່ເຊື່ອ ແລະ ຄິດວ່າລູກແຝດໃນທ້ອງມີພຽງແຕ່ 2-3 ຄົນເທົ່ານັ້ນ. ແຕ່ເມື່ອເວລາຜ່ານໄປທ້ອງຂອງລາວກໍໄດ້ໃຫຍ່ຂຶ້ນເລື້ອຍໆ ລາວກໍເລີຍເຊື່ອ ເຮັດໃຫ້ນອນບໍ່ຫຼັບ ແລະ ເປັນຫ່ວງລູກໆໃນທ້ອງ ແຕ່ເມື່ອຮອດມື້ເກີດລູກກໍພົບວ່າມີເຖິງ 10 ຄົນດ້ວຍກັນ ໂດຍເປັນການຜ່າເອົາລູກອອກ ເຊິ່ງລູກໆຕ້ອງຢູ່ໃນຄວາມດູແລຂອງແພດຢ່າງໜ້ອຍ 2 ເດືອນ.

ເດີນທາງໄປອາວະກາດ ດ້ວຍຈະຫຼວດ ຂອງ Blue Origin ໃນເດືອນກໍລະກົດ ນີ້

ຫຼາຍຄົນທຄົງຈະຮູ້ຈັກ Jeff Bezos ຫຼື ຜູ້ກໍຕັ້ງ Amazon ເວບໄຊ້ ແລະ ແອັບພິເຄຊັນ ຊື້-ຂາຍ ສິນຄ້າທີ່ໃຫຍ່ທີ່ສຸດ ໃນອາເມລິກາ ແລະ ເມື່ອບໍ່ດົນມານີ້ Jeff Bezos ໄດ້ເປີດເຜີຍວ່າ ຈະເດີນທາງໄປອາວະກາດກັບນ້ອງຊາຍ ໃນວັນທີ 20 ກໍລະກົດ ໃນທ່ຽວບິນ ຂອງ New Shepard ຊຶ່ງເປັນຈະຫຼວດ ຂອງບໍລິສັດ Blue Origin. ສ່ວນສະມາຊິກຄົນທີ 3 3 ຈະໄດ້ຂຶ້ນດວງຈັນປນຳ ແມ່ນຈະຕ້ອງປະມູນທີ່ນັ່ງ ເຊິ່ງລາຄາຕອນນີ້ ແມ່ນ 2,8 ລ້ານ ໂດລາ, ທ່ຽວບິນດັ່ງກ່າວຈະໃຊ້ເວລາພຽງບໍ່ເທົ້າໃດນາທີ ຕັ້ງຕົ້ນຈົນຈົບ ແລະ ຈະລົງຈອດໂດຍອັດຕະໂນມັດໃນ 7 ນາທີ ຫຼັງຈາກຂຶ້ນເຄື່ອງຈະຫຼວດ ແລະ ແຄັບຊູນລູກເຮືອຈະລອຍອອກສູ່ພື້ນໂລກດ້ວຍຊູຊີບໃນອີກ 3 ນາທີ ຫຼັງຈາກນັ້ນ ໂດຍມີແຜນທີ່ຈະຈອດລົງໃນທະເລສາຍເວສເທັກຊັດ ເຊິ່ງວັນທີ 20 ກໍລະກົດ ກໍຈະເປັນວັນຄົບຮອບ 52 ປີ ຂອງການລົງຈອດເທິງດວງຈັນ ຂອງ Apollo ໃນປີ 1969 ໂດຍ ນິວ...

ເສຍຊີວິດຍ້ອນເອົາຮູບຜູ້ສາວອື່ນມາໂຊເມຍ

ເຫດເກີດຂຶ້ນ ວັນທີ 4 ມິຖຸນາ 2021 ທີ່ຜ່ານມາ ທີ່ແຂວງລຳພູນ,ປະເທດໄທ. ບ່ອນເກີດເຫດເປັນບ້ານ 2 ຊັ້ນ, ພົບສົບຜູ້ເສຍຊີວິດ ອາຍຸ 57 ປີ ເປັນເຈົ້າຂອງບ້ານ ຖືກຍິງດ້ວຍອາວຸດປືນ ຂະໜາດ.38 ທີ່ບໍລິເວນແກ້ມ ແລະ ໜ້າເອິກ ລວມ 3 ນັດ. ສ່ວນຜູ້ກໍ່ເຫດກໍແມ່ນເມຍ ຂອງຜູ້ເສຍຊີວິດເອງ ອາຍຸ 52 ປີ ໄດ້ເຂົ້າມອບໂຕກັບຕຳຫຼວດ ແລະ ສາລະພາບວ່າ ເປັນຄົນຍິງຜູ້ເປັນຜົວ ຈົນເສຍຊີວິດເອງ. ຈາກການສອບຖາມຜູ້ກໍ່ເຫດ ກໍຄືເມຍຜູ້ເສຍຊີວິດ ໄດ້ເລົ່າວ່າ: ຕົນເອງກັບຜົວນັ້ນ ຢູ່ນຳກັນມາດົນ ຮ່ວມທຸກຮ່ວມສຸກກັນມາຫຼາຍປີ ໂດຍການຄ້າຂາຍຫອມແດງ ຈຶ່ງມີຖານະຂຶ້ນມາເລື້ອຍໆເມື່ອຖານະປ່ຽນໄປ ຜູ້ເປັນຜົວກໍເລີ່ມມີນິໄສເຈົ້າຊູ້ຂຶ້ນ ມັກຫາເລື່ອງຜິດຖຽງກັບຕົນເອງ ແລະ ລູກຕະຫຼອດ. ເຊິ່ງໃນມື້ເກີດເຫດ ຕົນເອງ ແລະ ຜົວຜິດຖຽງກັນຮ້າຍແຮງ ເພາະວ່າຜູ້ເປັນຜົວມາຢົວະເຢີ້ຍ ໂດຍການໂຊຮູບຜູ້ສາວ ງາມໆ ມາອ້າງ ພ້ອມທັງໂຊຂໍ້ຄວາມແຊັດກັນໃນລັກສະນະຊູ້ສາວ, ຕອນນັ້ນ ຕົນເອງໃຈຮ້າຍແຮງ ທົນບໍ່ໄດ້ ເລີຍຈັບປືນມາຍິງຜູ້ເປັນຜົວ ແລະ ຍິງຊໍ້າອີກຈົນເສຍຊີວີດ. ເບື້ອງຕົ້ນ, ຕຳຫຼວດໄດ້ເກັບພາບບ່ອນເກີດເຫດໄວ້ເປັນຫຼັກຖານ ກ່ອນຈະຄຸມໂຕຜູ້ກໍ່ເຫດໄປສອບສວນຕື່ມ ເພື່ອດຳເນີນຄະດີຕໍ່ໄປ.
All countries
180,477,133
Total confirmed cases
Updated on June 24, 2021 15:14
Italy
4,255,434
Total confirmed cases
Updated on June 24, 2021 15:14
Spain
3,773,032
Total confirmed cases
Updated on June 24, 2021 15:14
Iran
3,140,129
Total confirmed cases
Updated on June 24, 2021 15:14
Germany
3,732,615
Total confirmed cases
Updated on June 24, 2021 15:14

Frequently Asked Questions

spot_img