Home Blog Page 71

ຕ້ອນຮັບຄະນະຜູ້ແທນຄະນະໂຄສະນາສຶກສາ ສູນກາງພັກກອມມູນິດຫວຽດນາມ

0

ການນຳຂັ້ນສູງຂອງລາວ ຕ້ອນຮັບຄະນະຜູ້ແທນຄະນະໂຄສະນາສຶກສາ ສູນກາງພັກກອມມູນິດຫວຽດນາມ.

ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນຄະນະໂຄສະນາສຶກສາ ສູນກາງພັກກອມມູນິດຫວຽດນາມ ນໍາໂດຍ ສະຫາຍ ຫງວຽນ ຈ້ອງ ເງ້ຍ ເລຂາທິການສູນກາງພັກ ຫົວໜ້າຄະນະໂຄສະນາສຶກສາ ສູນກາງພັກກອມມູນິດຫວຽດນາມ ໃນວັນທີ 25 ເມສາ ທີ່ຫ້ອງວ່າການສູນກາງພັກ, ໃນໂອກາດທີ່ຄະນະຜູ້ແທນດັ່ງກ່າວເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ວັນທີ 24-27 ເມສານີ້.

ໃນໂອກາດນີ້, ສະຫາຍ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ສະແດງຄວາມຕ້ອນຮັບ ຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງຄະນະຜູ້ແທນດັ່ງກ່າວ ເຊິ່ງເປັນການປະກອບສ່ວນຮັດແໜ້ນສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ ອ້າຍນ້ອງທີ່ມີມູນເຊື້ອມາແຕ່ດົນນານແລ້ວນັ້ນໃຫ້ນັບມື້ແໜ້ນແຟ້ນຍິ່ງໆຂຶ້ນ.

ການມາຢ້ຽມຢາມຂອງຄະນະ ໂຄສະນາສຶກສາ ສູນກາງພັກກອມມູນິດຫວຽດນາມ ຄັ້ງນີ້ ຍັງຢູ່ທ່າມກາງທີ່ສອງພັກ-ສອງລັດ ລາວ-ຫວຽດນາມ ກະກຽມຄວາມພ້ອມໃຫ້ແກ່ການສະເຫລີມສະຫລອງປີສາມັກຄີມິດຕະພາບ ກໍຄື ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລະຫວ່າງລາວ-ຫວຽດນາມ ຄົບຮອບ 45 ປີ ທີ່ຈະໝູນວຽນມາຮອດໃນມໍ່ໆນີ້ໃຫ້ມີບັນຍາກາດຟົດຟື້ນ.

ສະຫາຍ ຫົວໜ້າຄະນະໂຄສະນາສຶກສາ ສູນກາງພັກກອມມູນິດຫວຽດນາມ ໄດ້ສະແດງຄວາມຂອບໃຈຕໍ່ສະຫາຍ ເລຂາທິການໃຫຍ່ ປະທານປະເທດ ທີ່ໄດ້ໃຫ້ການຕ້ອນ ຮັບຢ່າງອົບອຸ່ນ ພ້ອມນັ້ນຍັງໄດ້ລາຍງານຫຍໍ້ ກ່ຽວກັບຈຸດປະສົງຂອງການມາຢ້ຽມຢາມ ແລະ ເຮັດວຽກຢູ່ ສປປ ລາວ ໃຫ້ ສະຫາຍ ທອງລຸນ ສີສຸລິດ ໄດ້ຮັບຊາບ ໂດຍສະເພາະຜົນຂອງການພົບປະ ແລະ ເຊັນສັນຍາຮ່ວມມືລະຫວ່າງຄະນະໂຄສະນາສຶກສາ ສູນກາງພັກກອມມູນິດຫວຽດນາມ ແລະ ຄະນະໂຄສະນາອົບຮົມສູນກາງພັກ ປະຊາຊົນ ປະຕິວັດລາວ ໄລຍະປີ 2022-2026.ໃນວັນດຽວກັນ, ສະຫາຍ ຫງວຽນ ຈ້ອງ ເງ້ຍ ພ້ອມຄະນະ ຍັງໄດ້ເຂົ້າຢ້ຽມຂ່ຳນັບ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາແຫ່ງຊາດ; ເຂົ້າຢ້ຽມຂ່ຳນັບ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແລະ ຢ້ຽມຢາມພົບປະກັບ ສະຫາຍ ນາງ ສວນສະຫວັນ ວິຍະເກດ ກຳມະການສູນກາງພັກ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ.

ແຫຼ່ງຂ່າວ: ປະເທດລາວ

ມອບລາຍ​ຮັບ​ທັງ​ໝົດ​ໃຫ້​ລັດ​ຖະ​ບານ​ລາວ​ ກວ່າ 40,84 ລ້ານໂດ​ລາ​ໃນ​ປີ 2021

0

ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ມອບລາຍ​ຮັບ​ທັງ​ໝົດ​ໃຫ້​ລັດ​ຖະ​ບານ​ລາວ​ ກວ່າ 40,84 ລ້ານໂດ​ລາ​ສະ​ຫະ​ລັດ ໃນ​ປີ 2021

20 ເມ​ສາ 2022 – LXML ມອບ​ເງິນ ຈຳ​ນວນ​ 5.582.907,81 ໂດລາ​ສະ​ຫະ​ລັດ ສຳ​ລັບ​ຄ່າຊັບ​ພະ​ຍ​າ​ກອນ​ແຮ່​ທາດ​ ໄຕຼ​ມາດ​ທີ 4 ​ປີ 2021 ຈາກ ການ​ຜະ​ລິດ-ຈຳ​ໜ່າຍ​ໂລ​ຫະ​ຄຳ ແລະ ທອງ (ລວມ​ທັງ​ໝົດກວ່າ 17,24 ລ້ານໂດ​ລາ​ສະ​ຫະ​ລັດ ໃນ​ປີ 2021), ຊຶ່ງ​ລວມຍອດ​ລາຍ​ຮັບ​ມອບ​ໃຫ້​ແກ່​ລັດ​ຖະ​ບານ ສ​ປ​ປ ລາວ ໃນ​ສົກ​ປີ 2021 (ລວມ​ທັງ​ອາ​ກອນ​ຕ່າງໆ ແລະ ຄ່າ​ຊັບ​ພະ​ຍາ​ກອນ​ແຮ່​ທາດ) ກວ່າ 40,84 ລ້ານ​ໂດ​ລາ​ສະ​ຫະ​ລັດ.

ທ່ານ ພຸດ​ທະ​ສິນ ເຮືອງ​ທະ​ວົງ, ຫົວ​ໜ້າ​ກົມຄຸ້ມ​ຄອງ​ຊັບ​ສິນແຫ່ງລັດ, ກະ​ຊວງ​ການ​ເງິນ (ຂວາ) ໄດ້ຮັບ ​ຄ່າຊັບ​ພະ​ຍ​າ​ກອນ​ແຮ່​ທາດ​ ຈາກ ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫ​ຍ່ ບໍ​ລິ​ສັດ ລ້ານ​ຊ້າງ ມິ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ (ລ​ຊມ​ລ) ໂດຍ​ການ​ເປັນ​ສັກ​ຂີ​ພິ​ຍານ​ຂອງ ​ຫົວ​ໜ້າ​ພະ​ແນກ​ຂອງ​ກະ​ຊວງ​ການ​ເງິນ ທ່ານ ວົງ​ພະ​ສິດ ສີ​ລາ​ວົງ, ​ໜ່ວຍ​ງານ​ຄຸ້​ມຄ​ອງ​ຊັບ​ພະ​ຍາ​ກອນ ທ່ານ​ນາງ ມີ​ນາ​ລັດ ພັດ​ມະ​ນີ​ຈັນ ແລະ ວິ​ຊາ​ການ​ພະ​ແນກ ທ່ານ ສຸກ​ສັນ ວັນ​ນະ​ລາດ, ຫົວ​ໜ້າ​ພົວ​ພັນ​ພາຍນອກ ຂອງ ລ​ຊມ​ລ ທ່ານ​ນາງ ດາວ​ມະ​ນີ ຈັນ​ພະ​ແກ້ວ ແລະ ຮອງ​ຫົວ​ໜ້າ​ພົວ​ພັນ​ພາຍນອກ ທ່ານ​ນາງ ປາ​ນີ ສີ​ວົງ​ຄຳ​ຈັນ ກໍ່​ໄດ້​ເຂົ້າ​​ຮ່ວມ. 

ນັບ​ເປັນ​ນິ​ມິດ​ໝາຍ​ທີ່​ດີ ທີ່​ທ​າງຂັ້ນ​ສູນ​ກາງ​ໄດ້​ເລີ່ມ​ຕົ້ນມີ​ການ​ກະ​ຈາຍ​ລາຍຮັບ​ລົງ​ສູ່​ທ້ອງ​ຖິ່ນ ຊຶ່ງ​ທາງ​ກົມ​ຄຸ້ມ​ຄອງຊັບ​ສິນ​ແຫ່​ງ​ລັດ ກໍ່​ໄດ້​ໃຫ້​ຊາບ​ວ່າ ລາຍ​ຮັບ​ຈາກ​ຄ່າ​ຊັບ​ພະ​ຍາ​ກອນ​ແຮ່​ທາດ​ໃນ​ສົກ​ປີ 2021 ແມ່ນ​ໄດ້​ຖືກ​ແບ່ງ​ປັນ​ລົງ​ສູ່​ແຂວງ​ສະ​ຫວັນ​ນະ​ເຂດ​ປະ​ມານ 7,5 ລ້ານ​ໂດ​ລາ​ສະ​ຫະ​ລັດ ຊຶ່ງ​ໄດ້​ກາຍເປັນ​ຄວາມ​ພາກ​ພູມ​ໃຈ​ຂອງ​ຜູ້​ພັດ​ທະ​ນາກໍ່​ຄື​ບໍ​ລິ​ສັດ ລ​ຊມ​ລ ແລະ ແຂວງ​ສະ​ຫວັນ​ນະ​ເຂດກໍ່​ຄື​ແຂວງ​ເຈົ້າ​ພາບ.

ນັບຕັ້ງແຕ່​ເລີ່ມ​ມີການ​ຂຸດ​ຄົ້ນ-ປຸງ​ແຕ່ງ-​ຜະ​ລິດ​ຄຳ-ທອງ ມາ​ແຕ່​​ປີ 2003 ເປັນ​ຕົ້ນ​ມາ, ​ທາງບໍ​ລິ​ສັດ ລ້ານ​ຊ້າງ​ ມີ​ເນ​ໂຣນ​ສ໌​ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ໄດ້​ປະ​ກອບ​ສ່ວນພັນ​ທະ​ຂອງ​ຕົນ​ທີ່​ເປັນ​ ລາຍ​ຮັບ​ໂດຍ​ກົງໃຫ້ແກ່​ລັດ​ຖະ​ບານ​ ແຫ່ງ ສ​ປ​ປ ລາວ ​ເປັນ​ເງິນ​ທັງໝົດ ຫຼາຍກວ່າ 1,6 ຕື້ໂດ​ລາ​ສະ​ຫະ​ລັດ ລວມ​ທັງ ຄ່າ​​ຊັບ​ພະ​ຍາ​ກອນ​ແຮ່​ທາດ​ທັງ​ໝົດຫຼາຍກ່​ວາ ​383 ລ້ານໂດ​ລາ​ສະ​ຫະ​ລັດ.

ຊ່ວຍເຫຼືອໂຮງຮຽນປະຖົມສົມບູນບ້ານຜາແກ້ວທີ່ຖືກພາຍຸພັດ

0

ຫຼາຍພາກສ່ວນມອບເງິນຊ່ວຍເຫຼືອໂຮງຮຽນປະຖົມສົມບູນບ້ານຜາແກ້ວ.

ພະຍຸລະດູຮ້ອນໄດ້ພັດເຂົ້າບ້ານຜາແກ້ວ ເມືອງປາກລາຍ ແຂວງໄຊຍະບູລີ ເມື່ອວັນທີ 11 ເມສາ 2022 ເວລາ 18:00 ຜ່ານມານີ້ ໄດ້ສ້າງຜົນເສຍຫາຍໃຫ້ໂຮງຮຽນບ້ານດັ່ງກ່າວຈຳນວນສອງຫຼັງ, ປັດຈຸບັນໂຮງຮຽນດັ່ງກ່າວນັ້ນກຳລັງຕ້ອງການຄວາມຊ່ອຍເຫຼືອ ເລື່ອງ:ວັດສະດຸກໍ່ສ້າງ ເພື່ອສ້ອມແປງໂຮງຮຽນທີ່ເປ່ເພໃຫ້ໄດ້ເຂົ້າໂຮງຮຽນເປັນປົກກະຕິ.

ດັ່ງນັ້ນມາໃນວັນທີ 22 ເມສາ 2022 ນີ້ຢູ່ທີ່ໂຮງຮຽນປະຖົມສົມບູນບ້ານຜາແກ້ວ,ບັນດານັກທຸລະກິດຜູ້ປະກອບການທາງພາກລັດແລະເອກະຊົນໄດ້ນໍາເງີນໄປຊ່ວຍເຫື່ລອໂຮງຮຽນບ້ານດັ່ງກ່າວເຊິງເປັນກຽດເຂົ້າຮ່ວມໃນພິທີຂອງທ່ານ ຄໍາຝັ້ນ ວົງສະຫັວນ ຮອງເຈົ້າເມືອງໆປາກລາຍ,ຜູ້ຊີ້ນຳວຽກງານເສດຖະກິດຂັ້ນເມືອງ,ທັງເປັນຫົວໜ້າຄະນະຊີ້ນໍາບ້ານໃຫ່ຍພັດທະນາບວມເລົາ-ຜາແກ້ວເມືອງປາກລາຍ ແຂວງໄຊຍະບູລີ,ມີບັນດາຄູ,ອາຈານ,ອໍານາດການປົກຄອງບ້ານເຂົ້າຮ່ວມ.

ພາກສ່ວນທີ່ໄດ້ມອບເງີນຊ່ວຍເຫືລອໂຮງຮຽນປະຖົມບ້ານຜາແກ້ວລວມມີ 11 ພາກສ່ວນໃນນີ້ມີ 7 ບໍລິສັດ,ສໍານັກງານຫ້ອງການພາກລັດ 4 ຫ້ອງການລວມມູນຄ່າທັງໝົດ 27ລ້ານກ່ວາກີບ.

ໃນໂອກາດດັ່ງກ່າວ ທ່ານ ຄໍາຝັ້ນ ວົງສະຫັວນ ໄດ້ມີຄໍາເຫັນໂອ້ລົມແລະຂອບໃຈມາຍັງມາຍັງຜູ້ປະກອບການທຸລະກິດທັງພາກລັດແລະເອກະຊົນທີ່ໄດ້ເສຍສະຫລະປັດໃຈປະກອບສ່ວນເຂົ້າໃນວຽກງານການສຶກສາກໍ່ຄືຜົນເສຍຫາຍທີ່ຖືກພະຍຸພັດເຮັດໃຫ້ອາຄານໂຮງຮຽນຖືກກະທົບເປເພ, ການຊ່ອຍເຫຼືອໃນຄັ້ງນີ້ແບບລັກສະນະ ແກ້ໄຂສຸກເສີນ ຕໍ່ເຫດການນີ້ ໄດ້ຊ່ອຍເຫຼືອເບື້ອງຕົ້ນ ດ້ານອຸປກອນສ້ອມແປງແລ້ວຈໍານວນໜຶ່ງໂດຍແມ່ນຫ້ອງການສຶກສາທິການ ແລະ ກິລາເມືອງ, ໄດ້ນໍາເອົາສັງກະສີ ແລະ ເປັນອຸປກອນຕ່າງໆ, ພະຍຸພັດ ເຂົ້າບ້ານຜາແກ້ວ ເມືອງປາກລາຍ ແຂວງໄຊຍະບູລີ ຕາມການສະຫຼຸບ ຂອງຫ້ອງການສຶກສາທການ ແລະ ກິລາເມືອງໄດ້ລາຍງານໃຫ້ຮູ້ວ່າ:ມູນຄ່າຜົນເສຍຫາຍ ທັງໝົດ 100 ຮ້ອຍລ້ານກ່ວາກີບ ແລະ ໃນພິທີຍັງໄດ້ມອບໃບຍ້ອງຍໍໃຫ້ກັບຜູ້ປະກອບສ່ວນນໍາອີກ.

ແຫຼ່ງຂ່າວ: ສະຖານີວິທະຍຸ FM98,00 ເມືອງປາກລາຍຂ່າວສານ ແລະ ບັນເທີງ

ເອົາຫຍັງເຮັດໃຈ! ໂຈນໃຈບາບລັກຂ້າຄວາຍປະຊາຊົນ

0

ໂຈນໃຈບາບລັກຂ້າຄວາຍປະຊາຊົນ ເຂດເມືອງປາກງື່ມ.

ຕາມການລາຍງານ ຂອງຄວາມສະຫງົບ ໃຫ້ຮູ້ວ່າ:ໃນລະຫວ່າງວັນທີ 21-22 ເມສາ 2022 ໃນເວລາກາງຄືນ ໄດ້ມີຄົນຮ້າຍບໍ່ຊາບຊື່ ແລະ ຈຳນວນມາລັກຂ້າຄວາຍຂອງປະຊາຊົນ ຈຳນວນ 1 ໂຕ ຢູ່ບ້ານສົມຫວາດ ເມືອງປາກງື່ມ ນະຄອນຫຼວງວຽງຈັນ.

ເຈົ້າຫນ້າທີ່ ເມືອງປາກງື່ມ ລາຍງານວ່າ: ຜູ້ເສຍຫາຍ ຜູ້ເສຍຫາຍທ້າວ ສະຫ່ວາງ ອາຍຸ 68 ປີ, ເຮັດນາ ບ້ານ ສົມສະຫວາດ ເມືອງ ປາກງື່ມ ຜົນເສຍ: ຄວາຍແມ່ດຳໃຫ່ຍ 1 ໂຕ ( ມູນຄ່າ: 10.000.000 ກີບ) ສິບລ້ານກີບ.

ປັດຈຸບັນ ໜ່ວຍງານວິຊາສະເພາະ ປກສ ເມືອງ ສືບຕໍ່ລົງເອົາຂໍ້ມູນຕື່ມອີກ ແລະ ລົງຕິດຕາມເປົ້າສົງຄາດກະວ່າມີ ສ່ວນກ່ຽວພັນກັບເຫດການທີ່ເກີດຂຶ້ນແມ່ນຈະລາຍງານພາຍຫຼັງ.

.

ຈຳນວນຜູ້ຕິດເຊື້ອບໍ່ໄດ້ເພີ່ມຂື້ນຄືດັ່ງທີ່ຄາດຄະເນໄວ້!

0

ຕາມການລາຍງານຈາກຄະນະສະເພາະກິດປະຈຳວັນທີ 25 ເມສາ 2022 ໂດຍ ທ່ານ ດຣ ພອນປະເສີດ ໄຊຍະມຸງຄຸນ ໃຫ້ຮູ້ວ່າ:

ສຳລັບ ສປປ ລາວ ເຮົາ ເຫັນວ່າໂຕເລກລາຍງານຜູ້ຕິດເຊື້ອໃໝ່ ແລະ ເສຍຊີວິດໃໝ່ກໍ່ຫຼຸດລົງຫຼາຍທຽບໃສ່ໄລຍະຜ່ານມາ, ມື້ນີ້ຈຳນວນຜູ້ຕິດເຊື້ອໃໝ່ກໍ່ເປັນອີກມື້ໜື່ງທີ່ມີລາຍງານໜ້ອຍກວ່າ 300 ກໍລະນີ , ນີ້ຖືວ່າເປັນສັນຍານທີ່ດີ ເພາະຕາມຄາດຄະເນໃນເບື້ອງຕົ້ນທີ່ຄາດວ່າໂຕເລກຜູ້ຕິດເຊື້ອຈະເພີ່ມຂື້ນຫຼາຍພາຍຫຼັງການສະເຫຼີມສະຫຼອງປີໃໝ່ລາວໃນອາທິດຜ່ານມາ, ຜ່ານການເຝົ້າລະວັງ 7 ວັນເຫັນວ່າຈຳນວນຜູ້ຕິດເຊື້ອບໍ່ໄດ້ເພີ່ມຂື້ນຄືດັ່ງທີ່ຄາດຄະເນໄວ້ ທັງນີ້ກໍ່ຍ້ອນທຸກຄົນ ໄດ້ຮ່ວມແຮງຮ່ວມໃຈກັນເອົາໃຈໃສ່ປະຕິບັດມາດຕະການປ້ອງກັນຕົນເອງຢ່າງເຂັ້ມງວດໃນການປ້ອງກັນການຕິດເຊື້ອ ລວມທັງຫຼາຍຄົນໄດ້ມີພຸມຄຸ້ມກັນ ເປັນຕົ້ນ ແມ່ນພູມຄຸ້ມກັນຈາກການສັກຢາວັກຊີນ ລວມທັງພູມຄຸ້ມກັນຈາກທີ່ເຄີຍຕິດເຊື້ອມາກ່ອນ.

ເຖີງຢ່າງໃດກໍ່ຕາມ, ເພື່ອຂໍການຮ່ວມມື ມາຍັງບັນດາທ່ານຈົ່ງເອົາໃຈໃສ່ສືບຕໍ່ປະຕິບັດມາດຕະການປ້ອງກັນການຕິດເຊື້ອຢ່າງເຄັ່ງຄັດ ເພື່ອສ້າງເງື່ອນໄຂໃຫ້ພວກເຮົາສາມາດຜ່ອນຜັນມາດຕະການຕ່າງໆເຮັດໃຫ້ທຸກຄົນສາມາດໃຊ້ຊີວິດປົກກະຕິແບບໃໝ່ ໃນການທຳມາຫາກີນ ແລະ ຟື້ນຟູເສດຖະກິດທີ່ໄດ້ຮັບຜົນກະທົບຢ່າງໜັກຈາກການລະ ບາດພະ ຍາດໂຄວິດ-19 ເລີ້ມ ແຕ່ ທ້າຍປີ 2019 ເປັນຕົ້ນມາ.

ສຳລັບຜູ້ທີ່ຍັງລັງເລໃຈບໍ່ໝັ້ນໃຈທີ່ຈະຮັບວັກຊີນຈົ່ງພ້ອມກັນໄປສັກຢາວັກຊີນຕາມສະຖານທີ່ ບໍລິການທີໃກ້ບ້ານ,ໂດຍສະເພາະຜູ້ສູງອາຍຸ, ຜູ້ທີ່ມີພະຍາດປະຈຳໂຕ, ແມ່ຍິງຖືພາ ແລະ ກຸ່ມອາຍຸຕາມເປົ້້າໝາຍ, ສຳລັບຜູ້ທີ່ສັກເຂັມທີ່1,2 ຄົບກຳນົດແລ້ວ ກໍ່ໃຫ້ພາກັນໄປສັກເຂັມກະຕຸ້ນຫຼືເຂັມ 3, ເຂັມ 4 , ສຳລັບຜູ້ທີ່ຕິດເຊື້ອແລະ ປີ່ນປົວຫາຍດີກໍ່ໃຫ້ໄປສັກຢາວັກຊີນເຂັມຕໍ່ໄປພາຍຫຼັງຄົບກຳນົດປີ່ນປົວ 2 ເດືອນ ຂື້ນໄປ .

ກອງປະຊຸມສະຫຼຸບຕີລາຄາ ການຮັບ ແລະ ພິຈາລະນາຄຳຮ້ອງຂໍຄວາມເປັນທຳ

0

(ສພຊ) ເພື່ອສະຫຼຸບ, ຕີລາຄາ ແລະ ຖອດຖອນບົດຮຽນ ກ່ຽວກັບການຄົ້ນຄວ້າ, ພິຈາລະນາຄໍາຮ້ອງຂໍຄວາມເປັນທຳໃນໄລຍະຜ່ານມາ ແລະ ທິດທາງກົນໄກການພິຈາລະນາຄຳຮ້ອງຂໍຄວາມເປັນທຳ ໃນຕໍ່ໜ້າ; ເພື່ອສ້າງຄວາມ ເປັນເອກະພາບໃນການປະຕິບັດພາລະບົດບາດຂອງພາກສ່ວນກ່ຽວຂ້ອງໃນການຄົ້ນຄວ້າ, ພິຈາລະນາຄໍາຮ້ອງທຸກ ໃຫ້ມີຄວາມສອດຄ່ອງກັບພາລະບົດບາດ, ສິດ ແລະ ໜ້າທີ່ຕາມທີ່ໄດ້ກຳນົດໄວ້ໃນກົດໝາຍ; ເພື່ອກວດກາຄືນເນື້ອໃນ ຮອບດ້ານ ຂອງຮ່າງປັບປຸງກົດໝາຍວ່າດ້ວຍການແກ້ໄຂຄຳຮ້ອງທຸກກ່ອນນຳເຂົ້າສູ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີIX ທີ່ຈະມາເຖິງນີ້.

ເນື້ອໃນທີ່ນໍາເຂົ້າກອງປະຊຸມຄັ້ງນີ້ ປະກອບມີ: ບົດສະຫຼຸບ, ຕີລາຄາ ແລະຖອດຖອນບົດຮຽນ ການຮັບ ແລະ ພິ ຈາລະນາຄໍາຮ້ອງຂໍຄວາມເປັນທຳ ໃນໄລຍະຜ່ານມາ ແລະ ທິດທາງໃນຕໍ່ໜ້າ ຂອງຄະນະປະຈຳສະພາແຫ່ງຊາດ;ບົດ ສະເໜີບົດຮຽນການຕິດຕາມກວດກາ ຂອງລັດຖະສະພາຂອງຕ່າງປະເທດໃນຂົງເຂດວຽກງານຍຸຕິທຳ; ຮ່າງກົດໝາຍ ວ່າດ້ວຍການແກ້ໄຂຄໍາຮ້ອງທຸກສະບັບປັບປຸງ (ກວດກາເນື້ອໃນຄືນກ່ອນນໍາເຂົ້າກອງປະຊຸມເຫັນຕໍ່ບັນດາເນື້ອໃນຕ່າງໆຢ່າງກົງໄປກົງມາ.

ໃນລະຫວ່າງວັນທີ 22-23 ເມສາ 2022 ທີ່ເມືອງວັງວຽງ ແຂວງວຽງຈັນກໍາມາທິການຍຸຕິທໍາ (ກມຍທ) ສະ ພາແຫ່ງຊາດ ໄດ້ຈັດກອງປະຊຸມ ສະຫຼຸບຕີລາລາຄາ ການຮັບ ແລະ ພິຈາລະນາຄໍາຮ້ອງຂໍຄວາມເປັນທໍາຂອງ ຄະນະ ປະຈໍາ ແລະ ທາບທາມກົດໝາຍວ່າດ້ວຍ ການແກ້ໄຂຄໍາຮ້ອງທຸກ ໂດຍການເປັນປະທານຂອງທ່ານ ຄໍາແພງ ວິລະພັນ ປະທານ ກໍາມາທິຍຸຕິທໍາສະພາແຫ່ງຊາດມີບັນດາທ່ານຄະນະຮັບຜິດຊອບປັບປຸງກົດໝາຍ, ຮອງລັດຖະມົນຕີ, ຮອງຫົວໜ້າອົງການ, ຮອງປະທານສານປະຊາຊົນສູງສຸດ, ປະທານ ແລະ ຮອງປະທານສະພາປະຊາຊົນນຂັ້ນແຂວງ, ຮອງ ປະທານກໍາມາທິການ, ສະມາຊິກສະພາປະຊາຊົນຂັ້ນແຂວງ, ບັນດາທ່ານອະດິດການນໍາ, ຕາງໜ້າຈາກສໍານັກງານ ແລະ ອົງການຕ່າງໆອ້ອມຂ້າງສູນກາງ ແລະ ແຂກທີ່ຖືກເຊີນເຂົ້າຮ່ວມ.

ນ້ອງໆນັກສຶກສາທີ່ຈົບສາຂາຕໍ່ໄປນີ້ ສະໝັກໄດ້ເລີຍ!

0

ກົມຈັດຕັ້ງ-ພະນັກງານ ສະຖາບັນການເມືອງ ແລະ ການປົກຄອງແຫ່ງຊາດ ປະກາດ ຮັບສະໝັກລັດຖະກອນໃໝ່ ປະຈໍາປີ 2022

ກົມຈັດຕັ້ງ-ພະນັກງານ ສະຖາບັນການເມືອງ ແລະ ການປົກຄອງແຫ່ງຊາດ ຂໍຖືເປັນກຽດແຈ້ງມາຍັງທ່ານທີ່ ມີຄວາມສົນໃຈຢາກສະຫມັກສອບເສັງເຂົ້າເປັນລັດຖະກອນໃຫມ່ ສໍາລັບນັກສຶກສາທີ່ຮຽນຈົບຈາກພາຍໃນ ແລະ ຕ່າງປະເທດ ຕ້ອງການສະຫມັກເຂົ້າເຮັດວຽກ ຢູ່ສະຖາບັນການເມືອງ ແລະ ການປົກຄອງແຫ່ງຊາດ ປະຈໍາປີ 2022 ຈໍານວນ 02 ຕໍາແຫນ່ງງານ ເຊິ່ງມີລາຍລະອຽດດັ່ງນີ້:

ລະດັບວິຊາສະເພາະ ປະລິນຍາຕີ ແລະ ວິຊາສະເພາະທີ່ຕ້ອງການລະອຽດດັ່ງລຸ່ມນີ້:

  • ການເມືອງວິທະຍາ
  • ລັດທິສັງຄົມນິຍົມວິທະຍາສາດ
  • ໂລຊິກສາດ
  • ປັດຊະຍາ
  • ກໍ່ສ້າງພັກ
  • ປະຫວັດສາດພັກ
  • ບັນຊີ-ການທະນາຄານ
  • ການບໍລິຫານທຸລະກິດ

I. ເງື່ອນໄຂສະຫມັກເຂົ້າເປັນລັດຖະກອນ:

  • ຖືສັນຊາດລາວໂດຍກໍາເນີດ ຫຼື ໄດ້ຮັບສັນຊາດລາວແຕ່ 03 ປີຂຶ້ນໄປ
  • 2. ມີມະນຸດສໍາພັນດີ, ບໍ່ເຄີຍຖືກໂທດ ຫຼື ຖືກປະຕິບັດວິໄນໃດໆ ມາກ່ອນ ແລະ ມີຄວາມຕັ້ງໃຈຢາກປະກອບ ສ່ວນເຂົ້າໃນການພັດທະນາວຽກງານສະຖາບັນການເມືອງ ແລະ ການປົກຄອງແຫ່ງຊາດແທ້

ອ່ານລາຍລະອຽດໃນແຈ້ງການ

ບ້ານຈ່ານໃຕ້ ເມືອງຈອມເພັດ ແຂວງຫຼວງພະບາງ ຈະກາຍເປັນແຫຼ່ງທ່ອງທ່ຽວ

0

ບໍລິສັດ ລາວກຣີນພາວເວີຄອບໄປເຣຊັນ ຈໍາກັດ ຈົກທຶນ 15 ລ້ານໂດລາສະຫະລັດ ສໍາປະທານທີ່ດິນຂອງລັດ ໃນເນື້ຶອທີ່ 33 ເຮັກຕາ 3.294 ຕາແມັດ ຢູ່ບ້ານຈ່ານໃຕ້ ເມືອງຈອມເພັດ ແຂວງຫຼວງພະບາງ ເພື່ອພັດທະນາເປັນໂຮງແຮມ-ຣີສອດ,ບ້ານຈັດສັນ,ບ້ານພັກ, ສວນສັດ,ສວນຟື້ນຟູສຸຂະພາບ(ສວນ ສາທາລະນະອອກກໍາລັງກາຍ), ສວນພຶດສາສາດ ແລະ ແຫຼ່ງທ່ອງທ່ຽວແບບທໍາມະຊາດ.

ເຊິ່ງໄດ້ຈັດພິທີລົງນາມເຊັນສັນຍາໃນ ວັນທີ 20 ເມສາ 2022 ນີ້ທີ່ຫ້ອງປະຊຸມພະແນກແຜນການ ແລະ ການລົງທຶນ ແຂວງຫຼວງພະບາງ ລະຫວ່າງ ທ່ານ ຈິນດາວົງ ໂພສີຄໍາ ຫົວໜ້າພະແນກແຜນການ ແລະ ການລົງທຶນ ແຂວງ ກັບ ທ່ານ ໄຊຊະນະ ທອງຄໍາຈັນ ຮອງອໍານວຍການ ບໍລິສັດ ລາວກຣີນ ພາວເວີຄອບໄປເຣຊັນ ຈໍາກັດ, ມີທ່ານເຈົ້າເມືອງໆຈອມເພັດ, ມີບັນດາຫົວຫນ້າພະແນກການອ້ອມຂ້າງທີ່ກ່ຽວ ຂ້ອງ ພ້ອມດ້ວຍພະນັກງານຂອງບໍລິສັດເຂົ້າຮ່ວມເປັນສັກຂີພິຍານ.

ສໍາລັບເນື້ອທີ່ດິນທີ່ສໍາປະທານ 33 ເຮັກຕາ 3.294 ຕາແມັດ, ມີອາຍຸສັນຍາ 30 ປີ, ມູນຄ່າການລົງທຶນ 15 ລ້ານໂດລາ ສະຫະລັດ ແລະ ທຶນຈົດທະບຽນ 5 ລ້ານໂດລາສະຫະລັດ, ສ່ວນປະຊາຊົນຜູ້ທີ່ຖືກຜົນກະທົບໃນເຂດຂອງການກໍ່ສ້າງໂດຍແມ່ນບໍລິສັດເປັນຜູ້ຊົດເຊີຍໃຫ້ປະຊາຊົນ.

ພ້ອມນັ້ນບໍລິສັດຈະໄດ້ມອບເງິນຄໍ້າປະກັນໂຄງການຈໍານວນ 30.000 ໂດລາສະຫະລັດ, ເຊິ່ງເງິນດັ່ງກ່າວຈະໄດ້ສົ່ງຄືນບໍລິສັດ ພາຍຫຼັງໄດ້ ກໍ່ສ້າງພື້ນຖານໂຄງລ່າງຂອງໂຄງການສໍາເລັດເກີນ 25%. ສ່ວນຄ່າສໍາປະທານແມ່ນປະຕິບັດຕາມລັດຖະບັນຍັດຂອງປະທານປະເທດແຫ່ງ ສປປ.ລາວ ວ່າດ້ວຍອັດຕາຄ່າເຊົ່າ ແລະ ສໍາປະທານທີ່ດິນຂອງລັດ ສະບັບເລກທີ 02/ປປທ,ລົງວັນທີ18/11/2009, ສະ ນັ້ນທາງພະແນກການເງິນແຂວງໄດ້ຄິດໄລ່ຄ່າສໍາປະທານນໍາບໍລິສັດເນື້ອທີ່ສ້າງໂຮງແຮມ-ຣີສອດ 1. ເຮັກຕາແມ່ນ 70.000 ໂດລາສະຫະລັດຕໍ່ປີ,ຄ່າສໍາປະທານເນື້ອທີ່ສ້າງແຫຼ່ງທ່ອງທ່ຽວ 27 ເຮັກຕາ 3.294 ຕາແມັດ 10.932 ໂດລາສະຫະລັດຕໍ່ປີ,ຄ່າສໍາປະທານທີ່ສ້າງບ້ານຈັດສັນ-ບ້ານພັກ ລວມ 5 ເຮັກຕາ ແມ່ນ 50.000 ໂດລາສະຫະລັດຕໍ່ປີ.

ລວມຄ່າສໍາປະທານທີ່ດິນທັງໝົດ 130.932 ໂດລາ ສະຫະລັດຕໍ່ປີ.

ແຫຼ່ງຂ່າວ: ຂ່າວສານຫຼວງພະບາງ

ເພື່ອພັດທະນາເຂດຊົນນະບົດຫ່າງໄກສອກຫຼີກ ທີ່ຍັງທຸກຍາກໃຫ້ໄດ້ຮັບການພັດທະນາ

0

ກອງປະຊຸມສະໄໝສາມັນຄັ້ງທີ 25 ຂອງສະພາບໍລິຫານ ກອງທຶນຫຼຸດຜ່ອນຄວາມທຸກຍາກ

ກອງປະຊຸມສະໄໝສາມັນຄັ້ງທີ 25 ຂອງສະພາບໍລິຫານ ກອງທຶນຫຼຸດຜ່ອນຄວາມທຸກຍາກ (ທລຍ) ໄດ້ໄຂຂື້ນໃນຕອນເຊົ້າ ຂອງວັນທີ 22 ເມສາ 2022 ຜ່ານມາ ທີ່ນະຄອນຫລວງວຽງຈັນ. ກອງປະຊຸມ ເທື່ອນີ້ ແມ່ນມີຄວາມໝາຍ ຄວາມສໍາຄັນຫຼາຍ ເຊິ່ງໄດ້ໄຂຂຶ້ນ ໃນທ່າມກາງທີ່ທົ່ວພັກ, ທົ່ວລັດ, ທົ່ວປວງຊົນລາວທັງຊາດ ກໍາລັງຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຢ່າງເປັນຂະບວນຟົດຟື້ນ ທີ່ໄດ້ກໍານົດ 6 ເປົ້າໝາຍໃຫຍ່ ແລະ 25 ແຜນວຽກຈຸດສຸມ ໂດຍສະເພາະແມ່ນເປົ້າໝາຍທີ 3 ກ່ຽວກັບແຜນວຽກຈຸດສຸມ ເພື່ອພັດທະນາເຂດຊົນນະບົດຫ່າງໄກສອກຫຼີກ ທີ່ຍັງທຸກຍາກ ໃຫ້ໄດ້ຮັບການພັດທະນາ ແລະ ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນ.

ກອງປະຊຸມ ໄດ້ໃຫ້ກຽດເຂົ້າຮ່ວມເປັນປະທານໂດຍ ທ່ານ ປະລິນຍາເອກ ເພັດ ພົມພິພັກ, ລັດຖະມົນຕີ ກະຊວງກະສິກໍາ ແລະ ປ່າໄມ້, ປະທານສະພາບໍລິຫານ ທລຍ ພອ້ມດ້ວຍບັນດາ ຮອງລັດຖະມົນຕີຈາກກະຊວງ, ອົງການທຽບເທົ່າກະຊວງ ແລະ ທ່ານຮອງເຈົ້າແຂວງ 10 ແຂວງເປົ້າໝາຍທີ່ ທລຍ ໃຫ້ການສະໜັບສະໜູນ ເຊິ່ງເປັນກຳມະການສະພາບໍລິຫານ. ພິເສດໄດ້ມີຜູ້ຕາງໜ້າ ທະນາຄານໂລກ ແລະ ອົງການເພື່ອການພັດທະນາ ແລະ ຮ່ວມມືຂອງປະເທດສະວິດເຊີແລນ (SDC) ຊຶ່ງລວມຜູ້ເຂົ້າຮ່ວມທັງໝົດ 75 ທ່ານ, ຍິງ 18 ທ່ານ.

ໃນກອງປະຊຸມ ທ່ານ ພັດນະຄອນ ຄັນທະມີໄຊ, ຜູ້ອໍານວຍການບໍລິຫານ ກອງທຶນຫລຸດຜອ່ນຄວາມທຸກຍາກ ໄດ້ລາຍງານ ຕໍ່ທີ່ປະຊຸມວ່າ: “ຕະຫຼອດໄລຍະ 18 ປີ ຜ່ານມາ (2003-2021) ພາຍໃຕ້ການຊີ້ນໍາ-ນໍາພາຂອງພັກ-ລັດຖະບານ ກໍ່ຄືອົງການປົກຄອງທ້ອງຖິ່ນໃນແຕ່ລະຂັ້ນ ແລະ ການສະໜັບສະໜູນຈາກອົງການສາກົນ ເພື່ອຊ່ວຍປັບປຸງເງື່ອນໄຂການດໍາລົງຊີວິດຂອງພໍ່ແມ່ປະຊາຊົນ ໂດຍຜ່ານຂະບວນການມີສ່ວນຮ່ວມ ແລະ ຕັດສິນໃຈຂອງປະຊາຊົນ ໂດຍສະເພາະແມ່ຍິງ ແລະ ຊົນເຜົ່າ ໃນພື້ນທີ່ເປົ້າໝາຍທີ່ທຸກຍາກທຸລະກັນດານ ຢູ່ 11 ແຂວງ ຄື:

ຈໍາປາສັກ (ໄດ້ຖອນອອກໃນປີ 2011), ສາລະວັນ, ເຊກອງ, ອັດຕະປື, ສະຫວັນນະເຂດ, ຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ຫຼວງພະບາງ, ອຸດົມໄຊ ກວມເອົາທັງໝົດ 55 ເມືອງ ເທົ່າກັບ 37% ຂອງເມືອງທັງໝົດໃນທົ່ວປະເທດ (148 ເມືອງ) ໃນນັ້ນ 44 ເມືອງ ທີ່ນອນໃນ 47 ເມືອງ ແລະ 72 ເມືອງທຸກຍາກ ແລະ ທຸກທີ່ສຸດ ໃນປີ 2002. ປະກອບມີ 413 ກຸ່ມບ້ານ, ກວມເອົາ 2.841 ບ້ານ, ມີ 2.262 ບ້ານ ທີ່ເປັນບ້ານທຸກຍາກທີ່ສຸດ ແລະ ກວມເອົາປະຊາກອນທັງໝົດຫຼາຍກວ່າ 1.3 ລ້ານຄົນ.

ແຫຼ່ງຂ່າວ ແລະ ຮູບພາບຈາກ: ທລຍ

ນາຍົກລັດຖະມົນຕີ ເດີນທາງເຂົ້າຮ່ວມກອງປະຊຸມ ທີ່ປະເທດຍີ່ປຸ່ນ

0

ນາຍົກລັດຖະມົນຕີ ເດີນທາງເຂົ້າຮ່ວມກອງປະຊຸມສຸດຍອດອາຊີ-ປາຊີຟິກ ວ່າດ້ວຍນໍ້າ ຄັ້ງທີ 4 ທີ່ປະເທດຍີ່ປຸ່ນ.

ໂດຍຕອບສະໜອງຕາມຄຳເຊີນຂອງ ທ່ານ ກິຊິດະ ຟຸມິໂອະ (H.E. Mr. KISHIDA Fumio) ນາຍົກລັດຖະມົນຕີ ແຫ່ງ ປະເທດຍີ່ປຸ່ນ ໃນວັນທີ 22 ເມສາ 2022 ນີ້.

ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະໄດ້ເດີນເຖິງ ແຂວງຄຸມາໂມໂຕະ, ປະເທດຍີ່ປຸ່ນ ເພື່ອຢ້ຽມຢາມ, ເຮັດວຽກ ແລະ ເຂົ້າຮ່ວມກອງປະຊຸມສຸດຍອດ ອາຊີ-ປາຊີຟິກ ວ່າດ້ວຍນໍ້າ ຄັ້ງທີ 4 “The 4^thAsia-Pacific Water Summit (APWS)”.

ກອງປະຊຸມສຸດຍອດ ອາຊີ-ປາຊີຟິກ ວ່າດ້ວຍນໍ້າ ຄັ້ງທີ 4 ແມ່ນ ເວທີປຶກສາຫາລື ແລະ ແລກປ່ຽນຄໍາຄິດເຫັນ ລະຫວ່າງ ບັນດາປະເທດໃນພາກພື້ນອາຊີ-ປາຊິຟິກ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງພາກພື້ນໃຫ້ມີຄວາມຍືນຍົງໂດຍຜ່ານກົນໄກການຄຸ້ມຄອງນໍ້າ ໂດຍຈະດໍາເນີນໄປພາຍໃຕ້ຫົວຂໍ້ “ນໍ້າເພື່ອການພັດທະ ນາແບບຍືນຍົງ-ບົດຮຽນທີ່ດີ ແລະ ອະນາຄົດຕໍ່ໄປ”

ໂດຍແນໃສ່ຮ່ວມມືກັນເພື່ອຮັບມືກັບໄພພິບັດ ໂດຍສະເພາະຜົນກະທົບຂອງການແພ່ລະບາດຂອງພະຍາດໂຄວິດ-19, ການພື້ນຟູເສດຖະກິດຈາກການແພ່ລະບາດຂອງພະຍາດໂຄວິດ-19, ການນໍາໃຊ້ງົບປະມານ, ການບໍລິຫານປົກຄອງ ແລະ ການນໍາໃຊ້ເຕັກໂນໂລຊີວິທະຍາສາດ ເຂົ້າໃສ່ວຽກງານການຄຸ້ມຄອງນໍ້າ ເພື່ອບັນລຸເປົ້າໝາຍການພັດທະນາແບບຍືນຍົງ, ທົດສະວັດສາກົນໃນການຈັດຕັ້ງປະຕິບັດວຽກງານນໍ້າ ເພື່ອການພັດທະນາແບບຍືນຍົງ ແລະ ວາລະ 2030.

ແຫຼ່ວງຂ່າວ: ປະເທດລາວ