Home Blog

ການນຳພັກ-ລັດວາງພວງມາລາ ແລະ ກະຕ່າດອກໄມ້ໃນໂອກາດ ສະຫລອງ ວັນຊາດ ທີ 2 ທັນວາ

0

ໃນຕອນເຊົ້າວັນທີ 1 ທັນວາ 2021 ການນຳພັກ-ລັດ ນຳໂດຍ ທ່ານ ທອງລຸນ ສີສຸລິດເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ໄດ້ເຂົ້າວາງພວງມາລາຢູ່ອານຸສາວະລີນັກຮົບນິລະນາມ (ດາວແດງ) ນະ ຄອນຫລວງວຽງຈັນ, ເນື່ອງໃນໂອກາດ ສະ ຫລອງວັນຊາດ ທີ 2 ທັນວາ ຄົບຮອບ 46 ປີ ແລະ ວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 110 ປີ.

ການວາງພວງມາລາໃນຄັ້ງນີ້, ແມ່ນເພື່ອເປັນການສະແດງຄວາມເຄົາລົບຮັກ, ຄວາມກະຕັນຍູຮູ້ບຸນ ຄຸນເຖິງຄຸນງາມຄວາມດີ, ນໍ້າໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈໍານົນຂອງບັນພະບູລຸດລາວ ກໍຄືບັນດານັກຮົບປະຕິວັດ ທີ່ໄດ້ເສຍສະຫລະຊີວິດ, ເລືອດເນື້ອເພື່ອພາລະກິດປະຕິວັດຢ່າງອົງອາດກ້າຫານພາຍໃຕ້ການຊີ້ນຳ-ນຳພາຂອງພັກປະຊາ ຊົນປະຕິວັດລາວ ຈົນສາມາດຍາດໄດ້ໄຊຊະນະອັນໃຫຍ່ຫລວງແລະ ປະກາດເອກະລາດ, ສະຖາປະນາເປັນສາທາ ລະນະລັດ ປະຊາທິປະໄຕປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.

ພາຍຫລັງສຳເລັດການວາງພວງມາລາ ທີ່ອານຸສາວະລີນັກຮົບນິລະນາມແລ້ວ, ຄະນະການນຳພັກ-ລັດ ໄດ້ສືບຕໍ່ໄປວາງກະຕ່າດອກໄມ້ຢູ່ຕໍ່ໜ້າອານຸສາວະລີປະທານ ໄກສອນ ພົມວິຫານ ອະດີດຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ເພື່ອສະແດງຄວາມກະຕັນຍູຮູ້ບຸນຄຸນ ທີ່ໄດ້ສຸມສະຕິປັນຍາເຂົ້າໃນການນຳພາ ຂະບວນການຕໍ່ສູ້ຕ້ານການຮຸກຮານຂອງພວກຕ່າງດ້າວ ສາມາດຍາດໄດ້ໄຊຊະນະ ແລະ ນຳເອົາຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າ, ຊຶ່ງຜົນງານ ແລະ ຄຸນງາມຄວາມດີຂອງທ່ານແມ່ນໄດ້ຈາລຶກໃນຄວາມຊົງຈຳຂອງປະຊາຊົນລາວບັນດາເຜົ່າຕະຫລອດໄປ.

ຂ່າວ: ທະນູທອງ ພາບ:ເກດສະໜາ

Lao National Radio

ກວດກາພັກ ແຂວງຄຳມ່ວນ ປະກາດ ການຈັດຕັ້ງຂອງຂະແໜງການພາຍໃນ

0

ໃນວັນທີ 26 ພະຈິກ 2021 ຄະນະກວດກາພັກແຂວງຄໍາມ່ວນ ໄດ້ປະກາດການຈັດຕັ້ງຂອງບັນດາຂະ ແໜງການພາຍໃນ ຢ່າງເປັນທາງການ ໂດຍການເປັນປະ ທານຂອງທ່ານ ຄໍາສອນ ອ້ວນທະວີ ຄະນະປະຈໍາພັກແຂວງ , ປະທານກວດກາພັກ-ລັດແຂວງ, ມີຕາງໜ້າຄະນະຈັດຕັ້ງແຂວງ , ຄະນະໂຄສະນາອົບຮົມແຂວງ , ສະຫະພັນກໍາມະບານແຂວງ , ຕາງໜ້າພະແນກ ການອ້ອມຂ້າງ ແລະ ພະນັກງານວິຊາການເຂົ້າຮ່ວມ .

ໃນພິທີທ່ານ ແກ້ວອຸລາ ພິມມະສອນ ຫົວໜ້າຂະແໜງປ້ອງກັນພັກ ໄດ້ຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການແຕ່ງຕັ້ງຫົວໜ້າຂະແໜງ , ຮອງຫົວໜ້າຫ້ອງການ ແລະ ຊັບຊ້ອນຫົວໜ້າຂະແໜງຈໍານວນໜຶ່ງຕາມລໍາດັບ ຄື:

ຕົກລົງແຕ່ງຕັ້ງທ່ານ ໄຊຍະກອນ ຈະເລີນສຸກ ວິຊາການຫ້ອງການບໍລິຫານ , ຈັດຕັ້ງ ແລະ ຄົ້ນຄວ້າ-ສັງລວມເປັນຮອງຫົວໜ້າຫ້ອງການບໍລິຫານ, ຈັດຕັ້ງ ແລະ ຄົ້ນຄວ້າ-ສັງ ລວມຂອງຄະນະກວດກາພັກແຂວງຄໍາມ່ວນ; ແຕ່ງຕັ້ງທ່ານ ນາງ ຄໍາໄທ ເຫລືອງທໍາມະວົງສາ ຫົວໜ້າຂະແໜງຄົ້ນຄວ້າຄໍາຮ້ອງ-ຄໍາສະເໜີ ເປັນຫົວໜ້າຂະແໜງສະກັດກັ້ນ – ຕ້ານການສໍ້ລາດບັງຫລວງ ແລະ ສືບສວນ-ສອບສວນ; ແຕ່ງຕັ້ງທ່ານ ສະໄໝ ບົງສຸວັນ ຮັກສາການຫົວໜ້າຂະແໜງວິທະຍາສາດ-ເຕັກໂນໂລຊີ ແລະ ນະວັດຕະກໍາເປັນຫົວໜ້າຂະແໜງກວດກາພັກ ແລະ ຕົກລົງແຕ່ງຕັ້ງທ່ານ ນາງ ບຸນມາ ວົງຫາຈັກ ຫົວໜ້າຂະແໜງສະກັດກັ້ນ-ຕ້ານການສໍ້ລາດບັງຫລວງ ແລະ ສືບສວນ-ສອບສວນເປັນຫົວໜ້າຂະແໜງຄົ້ນຄວ້າຄໍາຮ້ອງ-ຄໍາສະເໜີ .

ໃຫ້ກຽດມອບຂໍ້ຕົກລົງ ແລະ ປະດັບຊັ້ນໃຫ້ຜູ້ຖືກແຕ່ງ ຕັ້ງໂດຍທ່ານ ຄໍາສອນ ອ້ວນທະວີ ຄະນະປະຈໍາພັກແຂວງ, ປະທານກວດກາພັກ-ລັດແຂວງ .

ເປີດ-ຮັບ ຄະດີປົກຄອງ ມາພິຈາລະນາຕາມກົດໝາຍ

0

ສານປະຊາຊົນສູງສຸດ ແຫ່ງ ສປປ ລາວ ໄດ້ຈັດພິທີເປີດ-ຮັບ ຄະດີປົກຄອງມາດໍາເນີນພິຈາລະນາຕັດສິນ-ພິພາກສາຄະດີ ໃນລະບົບສານປະຊາຊົນ ໄດ້ຈັດຂຶ້ນຫວ່າງບໍ່​ດົນ​ມານີ້ ທີ່ສານປະຊາຊົນສູງສຸດ, ພາຍໃຕ້ການເປັນປະທານຂອງ ທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ແຫ່ງ ສປປ ລາວ ຊຶ່ງມີ ຮອງປະທານສານປະຊາຊົນສູງສຸດ, ຮັກສາການປະທານ-ຮອງປະທານສານປະຊາຊົນພາກກາງ, ປະທານ-ຮອງປະທານສານປະຊາຊົນນະ ຄອນຫຼວງວຽງຈັນ, ຜູ້ພິພາກສາ, ຜູ້ຊ່ວຍຜູ້ພິພາກສາ ແລະ ພາກກ່ຽວຂ້ອງເຂົ້າຮ່ວມ.ທ່ານ ນາງ ວຽງທອງ ສີພັນດອນ ກ່າວໃນພິທີວ່າ:

ພັກ ແລະ ລັດຖະບານ ຍາມໃດກໍຖືເອົາການຄຸ້ມຄອງລັດ ແລະ ຄຸ້ມຄອງສັງຄົມ ດ້ວຍກົດໝາຍເປັນບັນຫາສຳຄັນ ຄ່ຽງຄູ່ກັບການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີຄວາມໝັ້ນຄົງທາງດ້ານການເມືອງ, ເສດຖະກິດມີການຂະຫຍາຍຕົວ, ສັງຄົມສີວິໄລ ແລະ ປົກປັກຮັກສາສິ່ງແວດລ້ອມໃຫ້ມີຄວາມຍືນຍົງ ສະແດງອອກໃນໄລຍະຜ່ານມາສະພາແຫ່ງຊາດ ໄດ້ຮັບຮອງເອົາກົດໝາຍຫຼາຍສະບັບໃນທຸກຂົງເຂດວຽກງານ ເພື່ອເປັນບ່ອນອີງໃນການຈັດຕັ້ງ ແລະ ເຄື່ອນໄຫວຂອງອົງການລັດແຕ່ລະຂັ້ນ ລວມທັງການເຄື່ອນໄຫວພົວພັນທາງສັງຄົມ ທີ່ນັບມື້ນັບຂະຫາຍຕົວຢ່າງເລິກເຊິ່ງ, ກວ້າງຂວາງ, ສະລັບສັບຊ້ອນຫຼາຍຂຶ້ນກວ່າເກົ່າ.

ບັນຫາປະກົດການຫຍໍ້ທໍ້ ແລະ ຂໍ້ຂັດແຍ່ງໃນສັງຄົມກໍນັບມື້ເກີດຂຶ້ນຫຼາຍທີ່ພົວພັນເຖິງຄະດີອາຍາ, ຄະດີແພ່ງ, ຄະດີຄອບຄົວ ແລະ ອື່ນໆ ຊຶ່ງຈຳນວນໜຶ່ງແມ່ນພົວພັນເຖິງດ້ານປົກຄອງ ຫຼື ທາງບໍລິຫານລະຫວ່າງອົງການຈັດຕັ້ງລັດ, ພະນັກງານ-ລັດຖະກອນ, ອົງການຈັດຕັ້ງ ແລະ ພົນລະເມືອງ ແຕ່ຍັງບໍ່ທັນມີບ່ອນອີງສະເພາະໃນການດຳເນີນຄະດີ.

ສະນັ້ນ, ຄະນະປະຈຳສະພາແຫ່ງຊາດ ຈຶ່ງໄດ້ອອກມະຕິ ສະບັບເລກທີ 15/ຄປຈ, ລົງວັນທີ 7 ກຸມພາ 2019 ວ່າດ້ວຍການສ້າງຕັ້ງຄະນະສານປົກຄອງ ຕາມການສະເໜີຂອງສານປະຊາຊົນສູງສຸດ ໂດຍໄດ້ສ້າງຕັ້ງຄະນະສານປົກຄອງຢູ່ສານປະຊາຊົນສູງສຸດ, ສານປະຊາຊົນພາກກາງ ແລະ ສານປະຊາຊົນນະຄອນຫຼວງວຽງຈັນ.

ນອກນັ້ນ ປະທານປະເທດແຫ່ງ ສປປ ລາວ ກໍໄດ້ອອກລັດຖະບັນຍັດ ສະບັບເລກທີ 001/ປທ, ລົງວັນທີ 19 ມີນາ 2021 ຂອງປະທານປະເທດ ວ່າດ້ວຍການດໍາເນີນຄະດີປົກຄອງ ຊຶ່ງໄດ້ກໍານົດຫຼັກການ, ລະບຽບການ ແລະ ມາດຕະການ ກ່ຽວກັບການດຳເນີນຄະດີປົກຄອງ ເພື່ອໃຫ້ຖືກຕ້ອງຕາມຄວາມເປັນຈິງ, ສອດຄ່ອງຕາມກົດໝາຍ, ມີຄວາມຍຸຕິທຳ ແລະ ປົກປັກຮັກສາລະບອບການເມືອງ,​ ການປົກຄອງ, ເສດຖະກິດ-ສັງຄົມ, ປົກປ້ອງສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ສົ່ງເສີມການຕ້ານ, ສະກັດກັ້ນ ແລະ ຕ້ານການ.

ຂໍ້ມູນ: ປະຊາຊົນ

ນຳສົ່ງຜູ້ເສຍຊີວິດຍ້ອນໂຄວິດ-19 ອີກ 1 ກໍລະນີ ຢູ່ແຂວງໄຊຍະບູລີ

0

ກູ້ໄພນຳສົ່ງຜູ້ເສຍຊີວິດຈາກໂຄວິດ-19 ອີກ 1 ກໍລະນີ ຢູ່ແຂວງໄຊຍະບູລີ.

ເມື່ອເວລາ 10:15 ນາທີ ຂອງວັນທີ 29 ພະຈິກ 2021, ໜວ່ຍກູ້ຊີບອົງການກາແດງແຂວງໄຊຍະບູລີ ໄດ້ຮັບແຈ້ງເຫດຂໍຄວາມຊ່ວຍເຫຼືອຜ່ານເບີ 074 1625 ວ່າ: ມີຄົນເສຍຊີວິດຈາກການຕິດເຊື້ອໂຄວິດ-19 ຢູ່ໂຮງໝໍແຂວງ ໄຊຍະບູລີ ເມື່ອໜ່ວຍກູ້ຊີບ-ກູ້ໄພສຸກເສີນໄປຮອດສະຖານທີ່ພົບເຫັນຜູ້ເສຍຊີວິດ 01 ຄົນ, ເປັນເພດຍິງ,ອາຍຸ 69 ປີ ຢູ່ ເມືອງໄຊຍະບູລີ ແຂວງໄຊຍະບູລີ.

ດັ່ງນັ້ນ, ໜ່ວຍກູ້ຊີບອົງການກາແດງແຂວງໄຊຍະບູລີຈື່ງໄດ້ຫໍ-ມ້ຽນສົບ ຜູ້ເສຍຊີວິດແລ້ວນຳໄປສົ່ງສະການ ທີ່ປ່າຊ້ານາໄຮ

ສະຫະລັດ ມອບ 2,4 ລ້ານໂດລາເຂົ້າໃນວຽກງານສັກວັກຊິນໃນລາວ

0

ໃນວັນທີ 29 ພະຈິກ ປີ 2021 ສະຫະລັດອາເມລິກາ ສະໜັບສະໝູນເງິນ 2,4 ລ້ານໂດລາສະຫະລັດ, ໂດຍຜ່ານອົງການ USAID ເຊິ່ງຈັດຕັ້ງປະຕິບັດໂດຍອົງການຢູນິເຊັບ ແລະ ອົງການອາ ນາໄມໂລກ ເພື່ອສ້າງຄວາມເຂັ້ມແຂງໃນວຽກງານການສັກວັກຊິນກັນພະຍາດໂຄວິດ-19 ໃນສປປ ລາວ.

ເຊິ່ງຈະແບ່ງອອກຕໍ່ໄປນີ້, ທຶນຈໍານວນ 1 ລ້ານໂດລາສະຫະລັດ ຂອງຈໍານວນທຶນທັງໝົດຈາກອົງການ USAID ຈະປະກອບ ສ່ວນເຂົ້າໃນການຊ່ວຍເຫລືອ ອົງການອານາໄມໂລກ ເພື່ອສ້າງຄວາມເຂັ້ມແຂງໃຫ້ເເກ່ລະບົບສາທາລະນະສຸກ ເພື່ອຮັບປະກັນການສັກວັກຊິນທີ່ປອດໄພສໍາລັບປະຊາຊົນລາວ, ຈັດຊື້ວັດສະດຸ ແລະ ອຸປະກອນູ ເພື່ອຊ່ວຍຕິດຕາມ ແລະ ແກ້ໄຂອາການຜົນຂ້າງຄຽງພາຍຫລັງ, ການພັດທະນາອຸປະກອນການສຶກສາ ແລະ ການຈັດການຝຶກອົບຮົມໃຫ້ແກ່ພະນັກງານສາທາລະນະສຸກ, ປັບປຸງຄຸນນະພາບ ແລະ ການເຂົ້າເຖິງຂໍ້ມູນສໍາລັບການວາງແຜນ ກ່ຽວກັບການສັກວັກຊີນ ເພື່ອຊ່ວຍໃຫ້ສາມາດເຂົ້າເຖິງ ປະຊາຊົນໃນເຂດຫ່າງໄກສອກຫຼີກ ທີ່ຢູ່ໃນກຸ່ມສ່ຽງເພື່ອໃຫ້ໄດ້ຮັບການສັກຢາວັກຊິນ

ສຳລັບເງິນທຶນຈຳນວນ 1,4 ລ້ານໂດລາສະຫະລັດ, ເຊິ່ງຈັດຕັ້ງປະຕິບັດໂດຍອົງການຢູນິເຊັບ ໃນການໃຫ້ຄໍາແນະນໍາດ້ານວິຊາການ ຕໍ່ລັດຖະບານ ກ່ຽວກັບການຕິດຕາມກວດກາ ລະບົບຄວາມເຢັນ ແລະ ການຂົນສົ່ງວັກຊິນ, ການສື່ສານກັບຊຸມຊົນເພື່ອສ້າງຄວາມເຂົ້າໃຈ ຕໍ່ການສັກວັກຊິນປ້ອງກັນພະຍາດໂຄວິດ-19 ແລະ ຕິດຕາມເຫດການປະຕິບັດພາຍ ຫລັງການສັກວັກຊິນ, ສະໜອງອຸປະກອນອະນາໄມໃຫ້ເເກ່ສູນກັກກັນ ເພື່ອຮັບມືກັບຈໍານວນຄົນເຈັບທີ່ເພີ່ມຂຶ້ນ ແລະ ຜົນລະເມືອງທີ່ກັບຄືນເຂົ້າ ສປປ ລາວ ຈາກຕ່າງປະເທດ.

ທ່ານ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ ໄດ້ກ່າວວ່າ: ການສະໜັບສະໜູນດັ່ງກ່າວ, ແມ່ນຈະສຸມໃສ່ການກຽມຄວາມພ້ອມ ແລະ ການຈັດຕັ້ງປະຕິບັດການສັກວັກຊິນປ້ອງກັນພະຍາດໂຄວິດ-19 ໃນ ສປປ ລາວ ພ້ອມທັງຕິດຕາມອາການ ພາຍຫລັງການສັກວັກຊິນ ປັດຈຸບັນ ສປປ ລາວ ພົບຜູ້ຕີດເຊື້ອໂຄວິດ-19 ໃນຊຸມຊົນນັບມື້ນັບບຫລາຍຂຶ້ນ, ສະນັ້ນໂຄງການດັ່ງກ່າວ ຈະຊ່ວຍເສີມສ້າງຄວາມເຂັ້ມແຂງໃນການສັກວັກຊິນ ກໍ່ຄື ບູລິມະສິດອັນດັບໜຶ່ງຂອງລັດຖະບານ ໃຫ້ບັນລຸຕາມເປົ້າໝາຍ. ນອກຈາກນີ້, ທ່ານ ຮອງລັດຖະມົນຕີ ກະຊງສາທາລະນະສຸກ ຍັງໄດ້ສະແດງຄວາມຂອບໃຈ ຕໍ່ອົງການ USAID ແລະ ລັດຖະບານສະຫະລັດອາເມລິກາ, ອົງການຢູນິເຊັບ ແລະ ອົງການອານາໄມໂລກ ທີ່ໄດ້ໃຫ້ການສະໝັບສະໜູນອັນລໍ້າຄ່າແກ່ປະຊາຊົນລາວ ໃນຊ່ວງການລະບາດພະຍາດໂຄວິດ-19.

ໃນໂອກາດນີ້, ທ່ານ ດຣ. ບີເຕີ ເຮມອນ ເອກອັກຄະລັດຖະທູດ ສະຫະລັດອາເມລິກາ ປະຈໍາ ສປປ ລາວ ກ່າວວ່າ: ການຊ່ວຍເຫລືອຄັ້ງນີ້, ໄດ້ສະທ້ອນໃຫ້ເຫັນເຖິງການເປັນຄູ່ຮ່ວມງານທີ່ແໜ້ນແຟ້ນ ລະຫວ່າງລັດຖະບານ ແລະ ປະຊາຊົນຂອງສະຫະລັດອາເມລິກາ ແລະ ສປປ ລາວ, ມາຮອດປັດຈຸບັນ, ສະຫະລັດອາເມລິກາ ໄດ້ໃຫ້ການສະໜັບສະໜູນທຶນຈໍານວນທັ້ງໝດ 13 ລ້ານກວ່າໂດລາສະຫະລັດ ແກ່ ສປປ ລາວ ເພື່ອຮັບມືກັບພະຍາດໂຄວິດ-19. ນອກຈາກວຽກງານສາທາລະນະສຸກເເລ້ວ, ສະຫະລັດອາເມລິກາ ຈະສືບຕໍ່ໃຫ້ການຊ່ວຍເຫລືອແກ່ ສປປ ລາວ ເພື່ອແກ້ໄຂຜົນກະທົບຈາກພະຍາດໂຄວິດ-19 ຕໍ່ລະບົບການສຶກສາ, ເສດຖະກິດ ແລະ ລະບຽບກົດໝາຍ.

ຂ່າວດີສົ່ງທ້າຍເດືອນ! ລາວໄດ້ຮັບວັກຊີນເພີ່ມ 6 ແສນໂດສ

0

COVAX Facility ໃຫ້ການຊ່ວຍເຫຼືອ ວັກຊີນກັນພະຍາດ ໂຄວິດ-19 ຈໍານວນ 600,000 ກ່ວາໂດສ໌​ ເເກ່ ສປປ ລາວ   

ຈຳນວນໂດສ໌ດັ່ງກ່າວເເມ່ນປະກອບມິການບໍລິຈາກໂດຍກົງຈາກ COVAX Facility ພ້ອມດ້ວຍການຊ່ວຍເຫຼືອຈາກປະເທດ ຟິນແລນ, ສວີເດນ ເເລະ ເນເທີແລນ ໂດຍຜ່ານ COVAX.

ະຄອນຫຼວງວຽງຈັນ, ວັນທີ 28 ເດືອນພະຈິກ 2021 – ໃນມື້ນີ້,ສປປ ລາວ ໄດ້ຮັບການບໍລິຈາກ​ວັກຊີນປ້ອງກັນພະຍາດ ໂຄວິດ-19 AstraZeneca ຈໍານວນ600,000 ກ່ວາໂດສ໌​ ໂດຍຜ່ານ COVAX Facility – ເຊີ່ງແມ່ນ​ການຮ່ວມມືກັນລະຫວ່າງອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), ອົງການກາວີ (Gavi) ແລະ ອົງການອະນາໄມໂລກ (WHO), ໂດຍມີ ອົງການຢູນິເຊັບ ເປັນຄູ່ຮ່ວມງານສຳຄັນໃນການຈັດສົ່ງ – ເເລະ ເປັນການຈັດສົ່ງວັກຊີນຊຸດທີ 6 ພາຍໃຕ້ COVAX, ພາຍຫຼັງການບໍລິຈາກໃນຕົ້ນເດືອນພະຈິກທີ່ຜ່ານມານີ້.

ການຈັດສັນວັກຊີນກັນພະຍາດ ໂຄວິດ-19 ຊຸດໃໝ່ນີ້​ປະກອບມີ​​ວັກຊີນ AstraZeneca 132,000 ໂດສ໌ ເຊີ່ງເປັນການປະກອບສ່ວນໂດຍກົງຈາກ COVAX Facility, ແລະ ການບໍລິຈາກວັກຊີນຊະນີດດຽວກັນຈາກປະເທດ ຟິນແລນ, ສວີເດນ ແລະ ເນເທີແລນ ໂດຍຜ່ານ COVAX Facility,  ເຊິ່ງປະກອບມີ 100,800 ໂດສຈາກ​ປະເທດຟິນແລນ, 199,200 ໂດ​ສ໌ ​ຈາກປະເທດສວີເດນ ແລະ 199,200 ໂດ​ສ໌ ຈາກປະເທດເນເທີແລນ.

ໂດຍໃຫ້ກຽດເຂົ້ນຮ່ວມໃນຄັ້ງນີ້ ພະນະທ່ານ​ ດຣ. ດຣ ສະໜອງ ທອງຊະນະ , ຮອງລັດຖະມົນຕີກະຊວງສາທາລະນະສຸກກ່າວວ່າ: “ລັດຖະບານແຫ່ງ ສປປ ລາວ ຍິນດີຕ້ອນຮັບການຈັດສັນວັກຊີນຊຸດໃໝ່ນີ້ຈາກ COVAX Facility ພ້ອມດ້ວຍ ພະ​ນະທ່າ ນາງ​ ອີນາ ມາກຊີອູລີໂອນີເຕ,​ ເອກອັກຄະລັດຖະທູດສະຫະພາບເອີຣົບ ປະຈຳ ສປປ ລາວ, ດຣ. ຈູນ ກາວ​, ​ຜູ້ຕາງໜ້າ ອົງການອະນາໄມໂລກ ປະຈໍາ ສປປ ລາວ ແລະທ່ານນາງ ດຣ. ເພຍ ເຣເບລໂລ ບຣິດໂຕ, ຜູ້ຕາງໜ້າ ອົງການຢູນີເຊັບ ປະຈຳ ສປປ ລາວ ແລະ ບັນດາພາກສ່ວນທີ່ກ່ຽວຂ້ອງ.

ໂດຍຈະນຳເອົາວັກຊີນດັ່ງກ່າວມາເສີມຂະຫຍາຍຂະບວນການ​ສັກ​ວັກຊີນ​ກັນພະຍາດໂຄວິດ-19, ໂດຍສະເພາະໃນປັດຈຸບັນນີ້ທີ່ ສປປ ລາວ ໄດ້ກໍານົດເປົ້າໝາຍ​ໃໝ່​ຂອງການສັກ​ວັກຊີນໃຫ້ໄດ້ 70 ເປີເຊັນ ຂອງປະຊາກອນທັງໝົດ​ໃນທ້າຍປີ 2021 ນີ້.

6 ເນື້ອໃນສໍາຄັນ ຄະນະກໍາມະການສູນກາງແນວລາວສ້າງຊາດ ສະໄໝທີ XI ເອົາໃຈໃສ່

0

ເລຂາທິການໃຫຍ່ຄະນະບໍລິຫານງານສູນກາງພັກ ເນັ້ນໜັກໃຫ້ຄະນະກໍາມະການສູນກາງແນວລາວສ້າງຊາດ ສະໄໝທີ XI ເອົາໃຈໃສ່ 6 ເນື້ອໃນສໍາຄັນ

ທ່ານ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງສປປລາວ ໄດ້ໃຫ້ກຽດໂອ້ລົມຕໍ່ກອງປະຊຸມໃຫຍ່ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI ໃນຕອນເຊົ້າວັນທີ 26 ພະຈິກ 2021 ທີ່ຫໍປະຊຸມແຫ່ງຊາດ, ນະຄອນຫລວງວຽງຈັນ. ຊຶ່ງກ່ອນອື່ນທ່ານໄດ້ສະແດງຄວາມຊົມເຊີຍຕໍ່ການກະກຽມ ແລະ ຜົນສໍາເລັດຂອງກອງປະຊຸມຂອງກອງປະຊຸມໃນຄັ້ງນີ້, ພ້ອມນີ້ ທ່ານໄດ້ເນັ້ນໜັກໃຫ້ຄະນະກໍາມະການສູນກາງແນວລາວສ້າງຊາດ ສະໄໝທີ XI ເອົາໃຈໃສ່ 6 ເນື້ອໃນສໍາຄັນດັ່ງນີ້:

1. ສືບຕໍ່ຕັ້ງໜ້າເສີມຂະຫຍາຍບົດບາດ ຂອງແນວລາວສ້າງຊາດ ໃນການເຕົ້າໂຮມຄວາມເປັນປຶກແຜ່ນຂອງຊາດ, ເຊີດຊູສະຕິປັນເຈົ້າ ແລະ ຄວາມຮັບຜິດ ຊອບ ຂອງຄົນລາວ ຕໍ່ຊາຕາກໍາ ຂອງປະເທດຊາດ.

ກ່ອນອື່ນໝົດ ຕ້ອງສ້າງຄວາມຮັບຮູ້ເຂົ້າໃຈຕໍ່ວຽກງານແນວໂຮມ ແລະ ວຽກງານ ມະຫາຊົນຂອງພັກ ໃນໄລຍະໃໝ່ ໃຫ້ເລິກເຊິ່ງ ແລະ ກໍາໃຫ້ໄດ້ທັດສະນະພື້ນຖານ ທີ່ວ່າ: ” ພາລະກິດປະຕິວັດ ຍາມໃດກໍ່ແມ່ນພາລະກິດຂອງມະຫາຊນົ ແລະ ຕ້ອງຖືມະຫາຊົນເປັນກົກ ແລະ ເປັນຈຸດເລີ່ມ, ວຽກງານມະຫາຊົນຂອງພັກ ແມ່ນວຽກງານສຶກສາອົບຮົມ, ເຕາົ້ໂຮມຄວາມສາມັກຄີເປັນປຶກແຜ່ນ ແລະ ແມ່ນການເສີມຂະຫຍາຍສິດເປັນເຈົ້າຂອງປະຊາຊົນ”.

ສະນັ້ນ, ແນວລາວສ້າງຊາດແຕ່ລະຂັ້ນ ຕ້ອງກໍາໃຫ້ໄດ້ແນວຄິດຈິດຕະສາດ, ວັດທະນະທໍາຮີດຄອງປະເພນີ ຂອງປະຊາຊົນລາວບັນດາເຜົ່າ, ຄວາມຕ້ອງການອັນແທ້ຈິງຂອງປະຊາຊົນ, ແຕ່ລະກຸ່ມຄົນ, ແຕ່ລະສາຂາອາຊີບ ຂອງທຸກຊັ້ນຄົນໃນທົ່ວສັງຄົມ ເພື່ອເຕົ້າໂຮມຄວາມສາມັກຄີ ແລະ ສ້າງເປັນກໍາລັງແຮງສັງລວມ ເພື່ອປະຕິບັດແນວທາງ, ແຜນນະໂຍບາຍຂອງພກັ, ລັດຖະທໍາມະນູນ, ກົດໝາຍຂອງລັດ ແລະ ຮູ້ນໍາເອົາແຜນພັດທະນາເສດຖະກິດ-ສັງຄົມ ໃນແຕ່ລະໄລຍະໄປຈັດຕັ້ງຜັນຂະຫຍາຍ ແລະ ສຶກສາອົບຮົມ ໃຫ້ແທດເໝາະກັບຈຸດພິເສດ ຂອງແຕ່ລະຄົນ, ແຕ່ລະກຸ່ມຄົນ ແລະ ແຕ່ລະທ້ອງຖິ່ນ.

ການສ້າງຄວາມສາມັກຄີປອງດອງ ແມ່ນໝາກຫົວໃຈສໍາຄັນ ເພື່ອຕ້ານ ແລະ ສະກັດກັ້ນ ຄວາມແຕກແຍກໃນສັງຄົມ ເພາະວ່າຄວາມແຕກແຍກໃນສັງຄົມ ມັນເປັນໄພອັນຕະລາຍ ຕໍ່ສະຖຽນລະພາບຂອງປະເທດຊາດ, ຕໍ່ຜົນປະໂຫຍດອັນຊອບທໍາຂອງປະຊາຊົນ. ດັ່ງນັ້ນ, ການສຶກສາອົບຮົມ ໃຫ້ປະຊາຊົນລາວທຸກຊົນເຜົ່າ ມີຄວາມສະໝານສາມັກຄີທີ່ແໜ້ນແກ່ນ ເພື່ອສ້າງສະຕິຊາດ ທີ່ເປັນເອກະພາບ, ມີຄວາມຖະໜອມຫອມຮັກ ແລະ ຊ່ວຍເຫຼືອເຊິ່ງກັນ ແລະ ກັນ.

ຈາກຂະບວນການສ້າງບ້ານ ແລະ ຄອບຄົວສາມັກຄີປອງດອງ, ຂະບວນການພັດທະນາຊົນນະບົດໃໝ່ ຕິດພັນກັບການລຶບລ້າງຄວາມທຸກຍາກຂອງຄອບຄົວ, ຂອງບ້ານ, ຂອງເມືອງ, ຈຶ່ງຈະກາຍເປັນ ຊຸມຊົນ ທີ່ກ້າວໜ້າ, ພັດທະນາໄດ້, ເຮັດວຽກນີ້ໄດ້ດີເທົ່າໃດ ປະຊາຊົນເຮົາ ຈຶ່ງສາມາດປະລະໄດ້ ຄວາມເຊື່ອຖືງົມງວາຍ, ຮີດຄອງປະເພນີຫຼ້າຫຼັງ ທີ່ປັນການກົດໜ່ວງການພັດທະນາຊີວິດຄວາມເປັນຢູ່ທີ່ດີກວ່າ, ກ້າວໜາ້ກວ່າຂອງປະຊາຊົນບັນ ດາເຜົ່າຂອງພວກເຮົາ.

2. ສືບຕໍ່ຍົກລະດັບຄວາມສາມາດ ຂອງຄະນະກໍາມະການແນວລາວສ້າງຊາດ ຕໍ່ວຽກງານແນວໂຮມ ເປັນຕົ້ນໃນການນຳພາສຶກສາອົບຮົມ ແລະ ຍົກລະດັບຄວາມຕື່ນຕົວທາງການເມືອງ, ການເຂົ້າຮ່ວມການຄຸ້ມຄອງ, ການປະຕິບັດກົນໄກທາງການເມືອງ-ສັງຄົມ ຂອງລະບອບປະຊາທິປະໄຕປະຊາຊົນ ໃຫ້ເຂັ້ມແຂງ, ຮັບປະກັນສິດເປັນເຈົ້າ ຂອງປະຊາຊົນ, ຄວາມເປັນປະຊາທິປະໄຕ ແລະ ຍຸດຕິທຳໃນສັງຄົມ ບົນພື້ນຖານທຸກໆແນວທາງນະໂນບາຍພັກ ລະບຽບກົດໝາຍຂອງລັດ ຕ້ອງໃຫ້ປະຊາຊົນຮູ້, ປະຊາຊົນປຶກສາຫາລື, ປະຊາຊົນເຂົ້າຮ່ວມປະຕິບັດ, ປະຊາຊົນກວດກາ ແລະ ປະຊາ ຊົນໄດ້ຮັບຜົນປະໂຫຍດເຮັດໄດ້ແນວນີ້, ຈຶ່ງເຮັດໃຫ້ການຄຸ້ມຄອງລັດ-ຄຸ້ມຄອງສັງຄົມ ດ້ວຍກົດໝາຍ ໄດ້ຮັບການຈັດຕັ້ງປະຕິບັດ ຢ່າງຖືກຕ້ອງ, ເກີດໝາກຜົນ ແລະ ເປັນຮູບປະທາໍຕົວຈິງ; ຕ້ານໄດ້ບັນດາປັດໄຈໜໍ່ແໜງ, ສວຍໃຊ້ສາສະໜາ, ບັນຫາສິດທິມະນຸດ, ບັນຫາປະຊາທິປະໄຕແບບຈອມປອມເຂົ້າມ້າງຄວາມສາມັກຄີປອງ ດອງຂອງປະຊາຊົນ ເພື່ອຫັນເອົາແນວຄິດ ຂອງຄົນລາວເຜົ່າຕ່າງໆ ໄປສູ່ຄວາມແຕກແຍກ, ແບ່ງຊັ້ນວັນນະ, ແບ່ງເຜົ່າ ແລະ ອື່ນໆ.

3. ຕ້ອງຍົກສູງບົດບາດຕິດຕາມ, ກວດກາ ຂອງແນວລາວສ້າງຊາດໃຫ້ແຂງ ແຮງ ໂດຍຜ່ານຄໍາເຫັນ-ຄໍາສະເໜີ ຂອງປະຊາຊົນບັນດາເຜົ່າຕໍ່ການຈັດຕັ້ງປະຕິບັດແນວທາງ, ນະໂຍບາຍຂອງພັກໃນແຕ່ລະໄລຍະ, ທັງຕິດຕາມ, ກວດກາການເຄື່ອນ ໄຫວຂອງອົງການອໍານາດລັດ ຂອງສູນກາງ ແລະ ທ້ອງຖິ່ນ, ເບິ່ງແຍ່ງດູແລ ແລະ ຕິດຕາມກວດກາການປະຕິບັດໜ້າທີ່ຂອງຜູ້ທີ່ປະຊາຊົນເລືອກມາໃຫ້ເປັນຜູ້ຮັບໃຊ້ຊາດ, ຮັບໃຊ້ປະຊາຊົນນັ້ນວ່າ ເປັນຜູ້ບໍລິສຸດຜຸດຜ່ອງ ຫຼື ບໍ່, ເປັນຜູ້ຈົ່ງຮັກພັກດີຕໍ່ພັກ, ຕໍ່ປະເທດ ແລະ ມີນໍ້າໃຈຮັບໃຊ້ປະຊາຊົນ ຫຼືບໍ່,ຖ້າເຫັນຜູ້ທີ່ດີ, ຜູ້ທີ່ເດັ່ນ ກໍ່ຕ້ອງສະໜັບສະໜູນ, ອູ້ມຊູຊ່ວຍເຫຼືອ ແລະ ຖືໄດ້ວ່າເປັນຜູ້ທີ່ປະຊາຊົນໃຫ້ຄວາມເຊື່ອ ໝັ້ນ, ເຄົາລົບນັບຖື, ແຕ່ຖ້າເຫັນຜູ້ທີ່ອ່ອນ ກໍ່ຕອ້ງກໍ່ສ້າງຊ່ວຍເຫຼືອ ຕໍານິຕິຊົມໄດ້, ແຕ່ຖ້າເຫັນຜູ້ກະທໍາຜິດ ກໍ່ສາມາດສະເໜີໃຫ້ຜູ້ມີໜ້າທີ່, ມີສິດອໍານາດແກ້ໄຂຢ່າງທັນການ, ບໍ່ປະປ່ອຍໃຫ້ເປັນ ຊ່ອງວ່າງໃຫ້ແກ່ຄົນບໍ່ດີ ເອົາເປັນຂໍ້ອ້າງ ເພື່ອສາ້ງຄວາມແຕກແຍກໃນສັງຄົມເຮົາ.

ພ້ອມດຽວກັນນີ້, ອົງການແນວລາວສ້າງຊາດ ຕ້ອງລົງຕິດຕາມເກັບກໍາຫາງສຽງ, ຄວາມມຸ່ງມາດປາຖະໜາ ທັງສັງລວມເອົາຄໍາຄິດຄໍາເຫັນ, ຄໍາສະເໜີຂອງປະຊາຊົນບັນດາເຜົ່າ, ຕົວແທນຊັ້ນຄົນ, ສາສະໜາ, ນັກທຸລະກິດ ແລະ ຜູ້ປະກອບການ ເພື່ອສ່ອງແສງ ໃຫ້ອົງການຈັດຕງັ້ ພັກ, ລັດ ແລະ ຂະແໜງການ ທີ່ກ່ຽວຂ້ອງ ຄົ້ນຄ້ວາແກ້ໄຂ ສິ່ງທີ່ປະກົດເຫັນວ່າ ຈະສ້າງຄວາມເສຍຫາຍນັ້ນ ໃຫ້ທັນການ ແລະ ຖືກກາລະເທສະ. ນອກຈາກນັ້ນ, ແນວລາວສ້າງຊາດ ຍັງຕ້ອງປະຕິບັດ ບົດບາດເຂົ້າຮ່ວມໄກເ່ກຍ່, ແກ້ໄຂຂໍ້ຂັດແຍ່ງ, ປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ ຕາມພາລະບົດບາດຂອງຕົນ.

4. ອົງການແນວໂຮມແຕ່ລະຂັ້ນ ສືບຕໍ່ປັບປຸງແບບແຜນ ແລະ ກົນໄກ ການເຄື່ອນໄຫວເຮັດວຽກຂອງຕົນ ໃຫ້ຄ່ອງຕົວ ແລະ ສາມາດຮັບປະກັນປະສິດທິຜົນ ຂອງການປະຕິບັດໜ້າທີ່ການ ເມືອງ ເປັນຕົ້ນ : ກົນໄກການເຄື່ອນໄຫວເຮັດວຽກ ລະຫວ່າງ ຄະນະກໍາມະການສູນກາງແນວລາວສ້າງຊາດ ກັບ ແນວລາວສ້າງຊາດ ຂັ້ນທ້ອງຖິ່ນ-ຮາກຖານ; ກົນໄກການເຄື່ອນໄຫວເຮັດວຽກ ລະຫວ່າງ ແນວລາວສ້າງຊາດ ກັບ ບັນດາອົງການພາຄີອົງການແນວໂຮມແຕ່ລະຂັ້ນ ສືບຕໍ່ປັບປຸງແບບແຜນ ແລະ ກົນໄກ ການເຄື່ອນໄຫວເຮັດວຽກຂອງຕົນ ໃຫ້ຄ່ອງຕົວ ແລະ ສາມາດຮັບປະກັນປະສິດທິຜົນ ຂອງການປະຕິບັດໜ້າທີ່ການເມືອງ ເປັນຕົ້ນ: ກົນໄກການເຄື່ອນໄຫວເຮັດວຽກ ລະຫວ່າງ ຄະນະກໍາມະການສູນກາງແນວລາວສ້າງຊາດ ກັບ ແນວລາວສ້າງຊາດ ຂັ້ນທ້ອງຖິ່ນ-ຮາກຖານ; ກົນໄກການເຄື່ອນໄຫວເຮັດວຽກ ລະຫວ່າງ ແນວລາວສ້າງຊາດ ກັບ ບັນດາອົງການພາຄີ, ລັດຖະບານ ແລະ ອົງການເສນາທິການສູນກາງພັກ (ສະຖາບັນເສດຖະກິດ-ສັງຄົມແຫ່ງຊາດ).

ເຮັດວຽກໃຫ້ສອດຄ່ອງກັນ, ທັງສ້າງກົນໄກປະສານງານ ເຊິ່ງກັນ ແລະ ກັນ, ຫາລືຖອດຖອນບົດຮຽນ ແລະ ອາດ ຈະຕັ້ງຫົວຂໍ້ສໍາມະນາແລກປ່ຽນຄໍາເຫັນກັນເປັນແຕ່ລະກໍລະນີ, ຖ້າເຮັດໄດ້ແນວນີ້, ຈະຊ່ວຍໃຫ້ການນໍາພາຂອງພັກ, ການບໍລິຫານລັດ ຂັ້ນຕ່າງໆ ມີຄວາມສະໜັບ ສະໜູນຊ່ວຍເຫຼືອ ແລະ ຢືນຢູ່ຄຽງຂ້າງພັກ, ລັດເຮົາ ແລະ ປະຊາຊົນ ຢ່າງເປັນປຶກ ແຜ່ນ.

5. ຄະນະກໍາມະການສນູກາງແນວລາວສ້າງຊາດຊຸດໃໝ່ ທີ່ໄດ້ຮັບຮອງເອົານີ້ ເພີ່ມທະວີ ຄວາມສາມັກຄີພາໃນ ແລະ ເຮັດວຽກຮ່ວມມືສາກົນ ແລະ ເປີດກວ້າງສາຍພົວພັນການທູດປະຊາຊົນ ຕາມແນວທາງການຕ່າງປະເທດ ຂອງພັກ-ລັດເຮົາ, ຮັດແໜ້ນສາຍພົວພັນມິດຕະພາບ ແລະ ການຮ່ວມມືກັບອົງການແນວໂຮມ ແລະ ອົງການຈັດຕັ້ງປະຊາຊົນ ຂອງປະເທດເພື່ອນມິດ ທີ່ມີມູນເຊື້ອ, ປະເທດເພື່ອນບ້ານໃກ້ຄຽງ, ປະເທດເພື່ອນມິດອື່ນໆ, ອົງການຈັດຕັ້ງສາກົນ ເພື່ອຍາດແຍ່ງການສະໜັບສະໜູນຊ່ວຍເຫຼືອ ປະກອບສ່ວນເຂົ້າໃນໂຄງການພັດທະນາເສດຖະກິດ-ສັງຄົມ ຢູ່ປະເທດເຮົາ.

ສໍາລັບແນວລາວສ້າງຊາດຂັ້ນທ້ອງຖິ່ນ ຕ້ອງໄດເ້ພີ່ມທະວີສາຍພົວພັນມິດຕະພາບ, ຄວາມສາມັກຄີກັບປະຊາຊົນປະເທດເພື່ອນບ້ານ ທີ່ມີຊາຍ ແດນຕິດກັບປະເທດເຮົາ ແນ່ໃສ່ຂົນຂວາຍປະຊາຊົນ ປະຕິບັດແນວທາງ, ນະໂຍບາຍ ໃນການປົກປັກຮັກສາຊາຍແດນ, ເຂດນໍ້າ ແດນດິນ ຂອງຕົນ, ສ້າງຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມື ທີ່ຕ່າງຝ່າຍ ຕ່າງໄດ້ຮັບຜົນປະໂຫຍດ. ແນວລາວສ້າງຊາດ ສຸມໃສ່ການຄົ້ນຄວ້າ ແລະ ແລກປ່ຽນບົດຮຽນອັນດີຂອງວຽກງານແນວໂຮມ ຈາກປະເທດອ້າຍນ້ອງ ເພື່ອສືບຕໍ່ປບັປຸງດ້ານການຈັດຕັ້ງ, ເນື້ອໃນ ແລະ ຮູບການເຄື່ອນໄຫວຕົວຈິງ ຂອງແນວລາວສ້າງຊາດ ໃຫ້ສອດຄ່ອງກັບສະພາບຈຸດພິເສດ ຂອງວຽກງານນີ້ ໃນເງື່ອນໄຂໃໝ່ ບົນຈິດໃຈສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ເພື່ອຮັບປະກັນປະສິດທິຜົນໃນການເຄື່ອນໄຫວໃຫ້ສູງຂຶ້ນເລື້ອຍໆ.

ບັນຫາສໍາຄັນໜຶ່ງອີກອັນໜຶ່ງ ຂອງການເຄື່ອນໄຫວວຽກງານແນວລາວສ້າງຊາດ ໃນໄລຍະນີ້ ແລະ ຕໍ່ໄປ ແມ່ນສືບຕໍ່ປັບປຸງຮູບການເຄື່ອນໄຫວການທູດພາກປະຊາຊົນ ໃຫ້ເຂົ້າສູ່ລວງເລິກ ເປັນຕົ້ນແມ່ນ ການນໍາເອົາມູນເຊື້ອທີ່ເປັນເອກະ ລັກ ຂອງຊາດ, ຜະລິດຕະພັນ, ວັດທະນະທໍາ, ອາຫານການກິນ ແລະ ສິນຄ້າອື່ນໆ ທີ່ເປັນເອກະລັກ ແລະ ຜະລິດຈາກປະຊາຊົນຂອງຊາດເຮົາ ໄປສູ່ສາກົນ ໃຫ້ກວ້າງຂວາງ ແລະ ມີຊີວິດຊີວາ ເພື່ອດຶງດູດການລົງທຶນ, ການຢ້ຽມຢາມ, ທ່ອງທ່ຽວ ມາສູ່ປະເທດຊາດ ໃຫ້ຫຼາຍຂຶ້ນ.

6. ສືບຕໍ່ສ້າງເງື່ອນໄຂ ແລະ ຊຸກຍູ້ສິ່ງອໍານວຍຄວາມສະດວກຕ່າງໆ ໃຫ້ແກ່ພີ່ ນ້ອງເຊື້ອ ສາຍລາວ ທີ່ຢູ່ຕ່າງປະ ເທດ ທີ່ຍັງຮັກເຊື້ອແພງຊາດ ໄດ້ອວ່າຍໜ້າມາຫາປະເທດຊາດທີ່ເປັນບ້ານເກີດເມືອງນອນຂອງຕົນ ເພື່ອຮ່ວມກັນສ້າງສາພັດທະນາປະເທດ ເທົ່າທີ່ມີເງື່ອນໄຂ ແລະ ຄວາມສາມາດຂອງຕົນ ເພື່ອຮ່ວມກັບປະຊາຊົນພາຍໃນປະເທດ ສ້າງສາພັດທະນາຊາດບ້ານເມືອງ ໃຫ້ຈະເລີນຮຸ່ງເຮືອງ ສືບຕໍ່ໄປ.

ລາຍລະອຽດຜູ້ເສຍຊີວິດໃໝ່ມື້ນີ້ +7 ຄົນ

0

ຕາມການລາຍງານຂອງສູນຂ່າວສານການແພດສຸຂະສຶກສາປະຈຳວັນທີ 29 ພະຈິກ 2021 ລາຍລະອຽດຜູ້ເສຍຊີວິດໃໝ່ 07 ຄົນ ມີດັ່ງນີ້:

ຜູ້ທີ 1: ເພດຊາຍ ອາຍຸ 83 ປີ, ອາຊີບ:​ ພະນັກງານບຳນານ, ບ້ານຊຳເຄ້ , ເມືອງໄຊເສດຖາ,  ນະຄອນຫລວງ

– ພະຍາດປະຈໍາຕົວ: ພະຍາດຫົວໃຈ, ພະຍາດປອດ ແລະ ຄວາມດັນເລຶອດສູງ

– ບໍ່ໄດ້ຮັບການສັກຢາວັກຊີນກັນໂຄວິດ-19

– ວັນທີ 18 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 2: ເພດຊາຍ, ອາຍ 62 ປີ, ອາຊີບ: ພະນັກງານບຳນານ, ບ້ານຫນອງພະຍາ, ເມືອງໄຊທານີ, ນະຄອນຫລວງ 

– ພະຍາດປະຈໍາຕົວ: ຄວາມດັນເລືອດສູງ ແລະ ພະຍາດຫົວໃຈ

– ສັກຢາວັກຊີິນຄົບ

– ວັນທີ 19 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 3: ເພດຍິງ,  ອາຍຸ 55ປີ, ອາຊີບ: ແມ່ເຮືອນ, ບ້ານ ນາຜົງ, ເມືອງ ຫີນເຫີບ, ແຂວງ ວຽງຈັນ

– ພະຍາດປະຈຳຕົວ: ເບົາຫວານ, ຄວາມດັນເລືອດສູງ ແລະ ໄຂ່ຫລັງຊຸດໂຊມຊຳເຮື້ອ

– ວັນທີ 27 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 4: ເພດຍິງ, ອາຍຸ 50 ປີ, ບ້ານແສງສະຫວ່າງ, ເມືອງໄຊເສດຖາ, ນະຄອນຫລວງ

– ພະຍາດປະຈໍາຕົວ: ພະຍາດເບົາຫວານ

– ສັກຢາວັກຊີນຄົບ

– ວັນທີ 13 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 5: ເພດຊາຍ, ອາຍຸ 67 ປີ, ບ້ານທ່າມ່ວງ, ເມືອງຫາດຊາຍຟອງ, ນະຄອນຫລວງ

– ພະຍາດປະຈໍາຕົວ: ເບົາຫວານ ແລະ ຄວາມດັນເລືອດສູງ

– ສັກວັກຊີນຄົບ

– ວັນທີ 26 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 6: ເພດຊາຍ, ອາຍຸ 54 ປີ, ບ້ານນາໄຫ, ເມືອງຫາດຊາຍຟອງ, ນະຄອນຫລວງ

– ພະຍາດປະຈໍາຕົວ: ເບົາຫວານ

– ສັກວັກຊີນຄົບ

– ວັນທີ 25 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ຜູ້ທີ 7: ເພດຍິງ, ອາຍຸ 67 ປີ, ບ້ານາໄຫ, ເມືອງນາຊາຍທອງ, ນະຄອນຫລວງ

– ສັກວັກຊີນຄົບ

– ວັນທີ 22 ພະຈິກ: ກວດພົບເຊື້ອໂຄວິດ

– ວັນທີ​ 28 ພະຈິກ: ເສຍຊີວິດ

ລາຍງານຕົວເລກໂຄວິດ-19 ປະຈຳວັນ

0

ຈາກສູນຂ່າວສານການແພດສຸຂະສຶກສາ

ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 5,045 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 929 ຄົນ (ຕິດເຊື້ອພາຍໃນ ມີ 928 ຄົນ ແລະ ຕິດເຊື້ອນໍາເຂົ້າ 1 ຄົນ) ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 928 ຄົນ ຈາກ 17 ແຂວງ ແລະ ນະຄອນຫຼວງ ເຊິ່ງມີລາຍລະອຽດ ດັ່ງນີ້:

-ນະຄອນຫຼວງ 279 ຄົນ: ມາຈາກ 118 ບ້ານ, ໃນ 8 ເມືອງ

  • ເມືອງຈັນທະບູລີ ມີ 12 ບ້ານ (18 ຄົນ)
  • ເມືອງສີໂຄດຕະບອງ ມີ 19 ບ້ານ (45 ຄົນ)
  • ເມືອງໄຊເສດຖາ ມີ 24 ບ້ານ (79 ຄົນ)
  • ເມືອງສີສັດຕະນາກມີ 13 ບ້ານ (24 ຄົນ)
  • ເມືອງ ນາຊາຍທອງ ມີ 17 ບ້ານ (32 ຄົນ)
  • ເມືອງໄຊທານີ ມີ 21 ບ້ານ (57 ຄົນ)
  • ເມືອງຫາດຊາຍຟອງ ມີ 11 ບ້ານ (22 ຄົນ)
  • ເມືອງ ປາກງື່ມ ມີ 01 ບ້ານ (01 ຄົນ)
  • ຕ່າງແຂວງ ມີ 01 ຄົນ

-ຫຼວງພະບາງ ມີ 70 ຄົນ ໃນ 30 ບ້ານ ແລະ 6 ເມືອງ

-ແຂວງວຽງຈັນ ມີ 114 ຄົນ ໃນ 27 ບ້ານ ແລະ 8 ເມືອງ

-ຫຼວງນ້ຳທາ ມີ 15 ຄົນ ໃນ 11 ບ້ານ ແລະ 2 ເມືອງ

-ຜົ້ງສາລີ ມີ 38 ຄົນ ໃນ 7 ບ້ານ ແລະ 2 ເມືອງ

-ໄຊຍະບູລີ ມີ 59 ຄົນ ໃນ 10 ບ້ານ ແລະ 1 ເມືອງ

-ຈຳປາສັກ ມີ 51 ຄົນ ໃນ 29 ບ້ານ ແລະ 6 ເມືອງ

-ອຸດົມໄຊ ມີ 39 ຄົນ ໃນ 18 ບ້ານ ແລະ 4 ເມືອງ

-ເຊກອງ ມີ 4 ຄົນ ໃນ 2 ບ້ານ ແລະ 1 ເມືອງ

-ບໍລິຄຳໄຊ ມີ 16 ຄົນ ໃນ 8 ບ້ານ ແລະ 4 ເມືອງ

-ຄຳມ່ວນ ມີ 17 ຄົນ ໃນ 12 ບ້ານ ແລະ 2 ເມືອງ

-ສະຫວັນນະເຂດ ມີ 53 ຄົນ ໃນ 20 ບ້ານ ແລະ 6 ເມືອງ

-ບໍ່ແກ້ວ ມີ 60 ຄົນ ໃນ 27 ບ້ານ ແລະ 5 ເມືອງ

-ສາລະວັນ ມີ 17 ຄົນ ໃນ 7 ບ້ານ ແລະ 2 ເມືອງ

-ຊຽງຂວາງ ມີ 31 ຄົນ ໃນ 12 ບ້ານ ແລະ 2 ເມືອງ

-ຫົວພັນ ມີ 27 ຄົນ ໃນ 17 ບ້ານ ແລະ 3 ເມືອງ

-ໄຊສົມບູນ ມີ 10 ຄົນ ໃນ 4 ບ້ານ ແລະ 2 ເມືອງ ອັດຕະປື ມີ 28 ຄົນ ໃນ 9 ບ້ານ ແລະ 4 ເມືອງ

ລາຍລະອຽດຜູ້ເສຍຊີວິດໃໝ່ ວັນທີ 28 ພະຈິກ 2021

0

ຕາມການລາຍງານ ຂອງຄະນະສະເພາະກິດປະຈຳວັນໃຫ້ຮູ້ວ່າ: ສປປ ລາວ ມີຜູ້ເສຍຊີວິດໃໝ່ຈາກໂຄວິດ-19 ໃໝ່ 5 ຄົນ ເຊິ່ງຄົນເຈັບເສຍຊີວິດ 5 ຄົນ, ລາຍລະອຽດ ດັ່ງນີ້:

ຜູ້ທີ 1: ເພດຊາຍ, ອາຍຸ 68 ປີ, ບ້ານຫ້ວຍສະເຫງົາ, ເມືອງວັງວຽງ, ແຂວງວຽງຈັນ ພະຍາດປະຈໍາຕົວ: ເປັນ Laryngeal cancer ໄດ້ 8 ເດືອນ ໄດ້ສັກຢາວັກຊີນ ຄົບ ວັນທີ 25 ພະຈິກ 2021: ເຂົ້າໄປນອນປິ່ນປົວຢູ່ໂຮງຫມໍ 108 ດ້ວຍອາການໄອ ແລະ ຫາຍໃຈຝືດ ພ້ອມທັງເກັບ ຕົວຢ່າງມາກວດເພື່ອຊອກຫາພະຍາດໂຄວິດ-19 ແລະ ໃຫ້ຜົນ ບວກ. ຫຼັງຈາກນັ້ນໂຮງຫມໍ 108 ໄດ້ນໍາສົ່ງຄົນເຈັບເຂົ້າສູນປິ່ນປົວ ໂຄວິດ-19 ວັງວຽງ ວັນທີ 26/11/2021 ເວລາ 12:00ນາທີ ມາຮອດເວລາ 08:00 ໂມງຂອງວັນທີ 27 ພະຈິກ 2021: ຄົນ ເຈັບບໍ່ໄດ້ສະຕິ, ບໍ່ຕອບສະຫນອງຕໍ່ການເຊີດຊແລະ ໄດ້ເສຍຊີວິດ ໃນເວລາຕໍ່ມາ

ຜູ້ທີ 2: ເພດຍິງ, ອາຍຸ 81 ປີ, ບ້ານນໍ້ຮອນ, ເມືອງຫມື່ນ, ແຂວງວຽງຈັນພະຍາດປະຈໍາຕົວ: ເປັນ ແຜກະເພາະຊໍາເຮື້ອ, ປະດົງ ແລະຄວາມດັນ ເລືອດສູງ ບໍ່ໄດ້ສັກຢາວັກຊີນຄົນເຈັບມີອາການໄອ, ເມື່ອຍ, ຈິດມ້ານ ມາໄດ້ 3 ອາທິດ ຈຶ່ງໄດ ເຂົ້າໄປກວດ ແລະ ນອນປິ່ນປົວຢູ່ໂຮງຫມໍແຂວງວຽງຈັນ ວັນທີ 15 ພະຈິກ 2021 ພ້ອມທັງເກັບຕົວຢ່າງມາກວດເພື່ອຊອກຫາພະຍາດ ໂຄວິດ-19 ແລະ ໃຫ້ຜົນບວກ, ວັນທີ 17 ພະຈິກ 2021: ຄອບຄົວຂໍເອົາມາບ້ານ ຕິດຕາມຢູ່ ເຮືອນ (ບ້ານນ້ໍາຮອນ, ເມືອງຫມື່ນ, ແຂວງວຽງຈັນ) ພາຍໃຕ້ ເງື່ອນໄຂ ແລະ ບົດບັນທຶກຕາມມາດຕະການສະເພາະກິດ ລະຫວ່າງຫນ່ວຍສະເພາະກິດແຂວງວຽງຈັນ ແລະ ຄອບຄົວຜູ້ຕິດເຊື້ອພະຍາດ ໂຄວິດ-19 ທີ່ເປັນເອກະພາບກັນໃນວັນທີ 16 ພະຈິກ 2021. ່ ແຕ່ວັນທີ 17-26 ພະຈິກ 2021: ຄົນເຈັບກັກໂຕຢູ່ເຮືອນ ແລະ ຕິດຕາມອາການໃນແຕ່ລະມື້ (ເມື່ອຍ, ວິນຫົວ,ຈືດມ້ານ, ກິນດື່ມ ໄດ້ນ້ອຍ ແລະ ນອນກັບຕຽງ-ຍ່າງບໍ່ໄດ້) ມາຮອດວັນທີ 26 ພະຈິກ 2021: ຄົນເຈັບ ໄດ້ເສຍຊີວິດ ຢູ່ເຮືອນ.

ຜູ້ທີ 3: ເພດຊາຍ, ອາຍຸ 30 ປີ, ບ້ານຢູ່ປະຈຸບັນ: ບ້ານນາເລົ່າ, ນະຄອນໄກສອນ, ແຂວງສະຫັວນນະເຂດ – ພະຍາດປະຈໍາຕົວ: ເປັນປະດົງ, ໄຂ່ຫລັງຊຸດໂຊມໄດ້ສັກຢາວັກຊີນ ຄົບ ເວລ 11:00 ໂມງ ຂອງວັນທີ 26 ພະຈິກ 2021: ຄົນເຈັບໄດ້ເຂົ້າ ມາກວດວດຢູ່ໂຮງຫມໍແຂວງສະຫັວນນະເຂດ ຍ້ອນມີອາການ ອິດເມື່ອຍ, ຫາຍໃຈຝືດ ແລະ ແຫນ້ນຫນ້າເອິກ. ມາຮອດໂຮງຫມໍພາກສະຫນາມຫຼັກ 9 ເວລາ 17:00 ໂມງ: ສະຕິງ້ວງຊຶມ, ກະວົນກະວາຍ, ຫາຍໃຈໄວ ແລະ ຈືດມ້ານ ເວລາ 08:00 ໂມງ ຂອງວັນທີ 27 ພະຈິກ 2021: ຄົນເຈັບ ອາການບໍ່ດີຂື້ນ, ບໍ່ຕອບສະຫນອງຕໍ່ການຊັກຖາມ, ແຂນຂາອອ່ນ ແຮງ. ເວລາ 13:00 ໂມງ: ຄົນເຈັບ ຢຸດຫາຍໃຈ, ຫົວໃຈຢຸດເຕັ້ນ ໄດ້ເຊີດຊ ເຮັດ CPR, ຄົນເຈັບບໍ່ຕອບສະຫນອງຕໍ່ຢາ ແລະ ເສຍ ຊີວິດໃນເວລາ 13:30 ນາທີ ຂອງວັນທີ 27 ພະຈິກ 2021.

ຜູ້ທີ 4: ເພດຍິງ, ອາຍຸ 74 ປີ, ບ້ານໂພນແກ້ວ, ເມືອງສີໂຄດຕະບອງ, ນະຄອນຫລວງ ໄດ້ສັກຢາວັກຊີນຄົບ ໄລຍະ 06 ມື້ຜ່ານມາ ໄດ້ໄປຢາມລູກທີ່ມີອາການໄຂ້ ຢູ່ບ້ານທົ່ງປົ່ງ, ເມືອງສີໂຄດຕະບອງ ໃນຕອນເຊົ້າ ແລະ ກັບບ້ານຕອນແລງ ຜູ້ກ່ຽວມີອງການ ໄຂ້ ແລະ ໄອເລັກນ້ອຍ ເວລາ 07:00 ໂມງເຊົ້າ ຂອງວັນທີ 06 ພະຈິກ 2021: ໄປກວດ ຢູ່ໂຮງຫມໍ 103 ແລະ ກຽມເຄື່ອງໄປນອນ ຍ້ອນວ່າມີອາການ ຫາຍໃຈຝືດ ພ້ອມທັງເກັບຕົວຢ່າງມາກວດເພື່ອຊອກຫາພະຍາດໂຄ ວິດ-19 ກວດດ້ວຍ Ag RDT ໃຫ້ຜົນບວກ ແລະ ແພດໄດ້ແນະ ນໍາໃຫ້ຕິດຕາມ ອາການຢູ່ບ້ານ ແລະ ໃຫ້ຢາຈໍານວນນື່ງມາກິນ ມາຮອດຕອນເຊົ້າ ຂອງວັນທີ 27 ພະຈິກ 2021: ຜູ້ກ່ຽວ ມີ ອາການຫນັກຂື້ນ ແລະ ໄດ້ປະສານງານລົດ ເພື່ອຮັບເຂົ້າປິ່ນປົວ. ເມື່ອລົດໄປຮອດ, ຜູ້ກ່ຽວໄດ້ເສຍຊີວິດ ຢູ່ບ້ານ ໃນເວລາ 8:00 ໂມງເຊົ້າ ຂອງມື້ດຽວກັນ

ຜູ້ທີ 5: ເພດຍິງ, ອາຍຸ 27 ປີ, ອາຊີບ: ຄ້າຂາຍ, ບ້ານຫນອງວຽງ, ເມືອງໄຊ ທານີ, ນະຄອນຫລວງ, ຖືພາ 05 ເດືອນ ບໍ່ໄດ້ຮັບການສັກຢາວັກຊີນ ວັນທີ 17 ພະຈິກ 2021: ໄດ້ໄປກວດຢູ່ໂຮງຫມໍມະໂຫສົດ ແລະ ນອນ 01 ຄືນ ເວລາ 16:58 ນາທີ ຂອງວັນທີ 18 ພະຈິກ 2021: ສົ່ງຄົນເຈັບ ມາໂຮງຫມໍເສດຖາທິລາດ ດ້ວຍອາການໄອ ແລະ ຫາຍໃຈຝືດ, ຜົນ ກວດພົບເຊື້ອພະຍາດໂຄວິດ-19 ໄລຍະເວລານອນປິ່ນປົວ ຢູ່ໂຮງຫມໍດັ່ງກ່າວ ແຕ່ທີ່ 18-27 ພະຈິກ 2021, ເປັນເວລາ 10 ວັນ ມາຮອດເວລາ 6:00 ໂມງຂອງວັນທີ 27 ພະຈິກ 2021: ຄົນເຈັບ ໄດ້ເສຍຊີວິດ.