ສະມາຊິກສະພາແຫ່ງຊາດ (ສສຊ) ເຂດ 7 ເຫັນວ່າຄວນເພີ່ມການລົງທຶນ ໃສ່ຂະແຫນງສາທາ ແລະ ສຶກສາ ໃນປີ 2022

ທ່ານ ລີເບີ ລີບົວປາວ ສະມາຊິກສະພາແຫ່ງ ຊາດ ເຂດເລືອກຕັ້ງທີ 7 ແຂວງໄຊຍະບູລີ ໄດ້ມີຄຳເຫັນຕໍ່ວຽກງານໂຄງການລົງທຶນຂອງລັດ ໃນການຈັດສັນງົບປະມານໃຫ້ແກ່ການລົງທຶນ ປະຈຳປີ 2022 ທີ່ຈະມາເຖິງນີ້ ໂດຍສະເພາະຢາກໃຫ້ເພີ່ມໃຫ້ແກ່ຂະແໜງການສຶກສາ, ສາທາ ເຊິ່ງຈຸດນີ້ຕ້ອງມາເບິ່ງຄືນກ່ຽວກັບກົດໝາຍການລົງທຶນຂອງລັດ ມາດຕາ 24 ວ່າດ້ວຍການຈັດສັນງົບປະມານ ທີ່ໄດ້ກຳນົດ ສຳລັບທ້ອງຖິ່ນບໍ່ໃຫ້ຫລຸດ 50%, ສູນກາງ 50%, ແຕ່ບໍ່ໄດ້ກຳນົດວ່າແຕ່ລະຂະແໜງການວ່າຈັກເປີເຊັນ ສະນັ້ນ, ຄວນພິຈາລະນາຄືນ ກ່ຽວກັບການປັບປຸງກົດໝາຍ ວ່າດ້ວຍການລົງທຶນຂອງລັດ.

ພ້ອມນີ້, ການລົງທຶນຂອງລັດ ຍັງຕິດພັນກັບເລື່ອງໜີ້ສິນ ເນື່ອງຈາກວ່າ ໜີ້ສະສົມມາຫລາຍປີ ຍ້ອນບໍ່ມີງົບປະມານຊໍາລະ ສະນັ້ນ ລັດຖະບານຄວນມີກົນໄກ ເພື່ອມາຊຳລະໃຫ້ໄປຕາມແຜນ ແລະ ໄປຕາມສັນຍາທີ່ໄດ້ເຊັນກັບບໍລິສັດຮັບເໝົາກໍ່ສ້າງ.

ຂໍ້ມູນ: ຂປລ

LEAVE A REPLY

Please enter your comment!
Please enter your name here