ຕາມການລາຍງານຂອງ ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່,​ ກະຊວງສາທາລະນະສຸກ ໄດ້ກ່າວໃນບົດຖະແຫຼງຂ່າວປະຈຳວັນທີ 7 ຕຸລາ 2021 ໃຫ້ຮູ້ວ່າ: ມາຮອດມື້ນີ້ ການຕິດເຊື້ອໃນບັນດາໂຮງຈັກໂຮງງານ ແມ່ນຍັງມີການຄົ້ນພົບ ແລະ ລາຍງານຕໍ່ເນື່ອງ.

ຍ້ອນວ່າໂຮງງານເປັນບ່ອນເຕົ້າໂຮມກໍາມະກອນ ມີຜູ້ໃຊ້ແຮງງານຢ່າງຫຼວງຫຼາຍ ຖ້າມີຜູ້ໜຶ່ງໄດ້ຕິດເຊື້ອຢູ່ໃນໂຮງງານ, ກໍ່ຈະກາຍເປັນສະຖານທີ່ ທີ່ມີຄວາມສ່ຽງສູງໃນການແຜ່ເຊື້ອທັນທີ.

ສະນັ້ນ ຂໍຮຽກຮ້ອງ ໃຫ້ກໍາມະກອນທຸກທ່ານ ຈົ່ງປະຕິບັດມາດຕະການປ້ອງກັນຕົນເອງ ຢ່າງເຂັ້ມງວດ.

ຜູ້ບໍລິຫານໂຮງງານ ຄວນໄດ້ສ້າງມາດຕະການເພື່ອປົກປ້ອງສຸຂະພາບຂອງກໍາມະກອນ ແລະ ຈັດສັນສະຖານທີ່ ເຮັດວຽກຢ່າງປອດໄພ ໃຫ້ມີອາກາດລ່ວງດີ ແລະ ມີມາດຕະການຮັກສາໄລຍະຫ່າງ ຢ່າງເປັນຮູບປະທໍາ ລວມທັງເວລາເລີກວຽກພັກທ່ຽງກິນເຂົ້າຂອງອ້າຍນ້ອງແຮງງານ ກໍ່ຕ້ອງຮັກສາໄລຍະຫ່າງເຊັ່ນກັນ ແລະ ບໍ່ຄວນກິນເຂົ້າຊຸມກັນ.

LEAVE A REPLY

Please enter your comment!
Please enter your name here