ຜູ້ຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ແລະ ບັນດາແຂວງແມ່ນເປັນຜູ້ສໍາຜັດໃກ້ຊິດກັບ ຜູ້ຕິດເຊື້ອທີ່ຜ່ານມາ ລາຍລະອຽດດັ່ງນີ້:

-ຄໍາມ່ວນ 36 ຄົນ: ໃນ 36 ຄົນ ແມ່ນຈາກຈຸດເກັບຕົວຢ່າງ ມັດທະຍົມຈອມທອງ 24 ຄົນ, ທີມເກັບຕົວຢ່າງເຄື່ອນທີ່ 4 ຄົນ, ຈຸດເກັບຕົວຢ່າງໂຮງຫມໍແຂວງ 8 ຄົນ ລາຍລະອຽດ
ກໍາລັງເກັບກໍາຂໍ້ມູນ ແລະ ຈະແຈ້ງບັນດາທ່ນຊາບພາຍຫຼັງ.

– ຈໍາປາສັກ 13 ຄົນ: ແມ່ນພົວພັນກັບຜູ້ຕິດເຊື້ອໃນກຸ່ມໂຮງຫມໍຊຸມຊົນເມືອງປະທຸມພອນ

– ບໍ່ແກ້ວ 11 ຄົນ: ໃນນີ້ມາຈາກເຂດເສດຖະກິດພີເສດ 10 ຄົນ ເປັນຄົນຈີນ , 1 ຄົນ ແມ່ນແຮງງານລາວທີ່ເຂົ້າມາດ່ານແຂວງສະຫວັນນະເຂດກັກໂຕຢູ່ນະຄອນຫຼວງວຽງຈັນ
ແລະ ແຂວງຫຼວງພະບາງ ແລ້ວກັບໄປແຂວງບໍ່ແກ້ວ ກວດພົບເຊື້ອໃນໄລຍະກັກໂຕຕໍ່.

– ສາລະວັນ 9 ຄົນ: ໃນນີ້ພະນັກງານແພດ 2 ຄົນທີ່ເຮັດວຽກຢູ່ສູນຈໍາກັດບໍລິເວນກວດພົບ
ເຊື້ອໃນຊ່ວງກັກໂຕພາຍຫຼັງປະຕິຫນ້າທີ່ສໍາເລັດ, 7 ຄົນແມ່ນເຈົ້າຫນ້າທີ່ ປກສ ທີ່ໄດ້ປະຊຸມ ຮ່ວມກັນກັບຈຸ່ມໄອຍະການແຂວງທີ່ຕິດເຊື້ອຜ່ານມາ.

– ສະຫວັນນະເຂດ 5 ຄົນ: 2 ຄົນເປັນເຈົ້າຫນ້າທີ່ຕໍາຫຼວດ, 1 ຄົນເປັນພະນັກງານບໍລິສັດ
ເກັບຂີ້ເຫຍື້ອ, 1 ຄົນເປັນພະນັກງານບໍລິສັດບັນໂດ ຢູ່ຫຼັກ 9 ແລະ ອີກ 1 ຄົນເປັນ ກໍາມະກອນຢູ່ບ້ານໂພນສະຫ່ວາງເຫນືອ ນະຄອນໄກສອນ.

– ຫຼວງນ້ໍາທາ 3 ຄົນ: ທັງ 3 ແມ່ນເປັນຄົນຈີນທີ່ເດີນທາງມາຈາກເຂດເສດຖະກິດພິເສດ
ແຂວງບໍ່ແກ້ວ ເຂົ້າໄປກວດຢູ່ດ່ານບໍ່ເຕນເພື່ອກຽມກັບຄືນປະເທດ. • ນະຄອນຫຼວງວຽງຈັນ 3 ຄົນ: ເປັນຜູ້ສໍາຜັດໃກ້ຊິດກັບຜູ້ຕິດເຊື້ອຜ່ານມາ, 1 ຄົນຢູ່ບ້ານ
ອ່າງໃຫ່ຍ ເມືອງສີໂຄດຕະບອງ ໄດ້ກັກໂຕຢູ່ບ້ານ, 1 ຄົນ ບ້ານສະພັງຫມໍ້ ເມືອງໄຊເສດຖາ ໄດ້ກັກໂຕຢູ່ບ້ານ ແລະ ອີກ 1 ຄົນ ຢູ່ບ້ານທົ່ງກາງ ເມືອງສີສັດຕະນາກ ໄດ້ກັກໂຕຢູ່
ໂຮງແຮມ.

– ຫຼວງພະບາງ 2 ຄົນ: 1 ຄົນແມ່ນເດີນທາງຈາກບ້ານໂຊກຄໍາ ເມືອງໄຊເສດຖາ ນະຄອນຫຼວງວຽງຈັນ ແລະ ໄປເກັບຕົວຢ່າງໃນໄລຍະກັກໂຕຢູ່ສູນຈໍາກັດບໍລິເວນແຂວງ ຫຼວງພະບາງ ແລະ 1 ຄົນ ແມ່ນຜູ້ສໍາຜັດໃກ້ຊິດກັບຜູ້ຕິດເຊື້ອຜ່ານມາທີ່ກັກໂຕຢູ່ບ້ານ.

LEAVE A REPLY

Please enter your comment!
Please enter your name here