ແຂວງສະຫວັນນະເຂດປິ່ນປົວຜູ້ຕິດໂຄວິດຫາຍດີແລ້ວ 855 ຄົນ

ປະຈຸບັນ, ແຂວງສະຫວັນນະເຂດ ແມ່ນແບກຫາບພາລະໜ້າທີ່ ຢ່າງໜັກໜ່ວງ ໃນການຮັບມືກັບ ແຮງງານລາວ ທີ່ເດີນທາງກັບມາຈາກຕ່າງປະເທດ ໂດຍສະເພາະແມ່ນປະເທດ ທີ່ມີການແຜ່ລະບາດຂອງພະຍາດ ໂຄວິດ-19 (ປະເທດໄທ) ບໍ່ວ່າຈະເປັນ ການຊອກຫາສະຖານທີ່ໆເໝາະ ສົມເພື່ອຮອງຮັບເປັນສະຖານ ທີ່ກັກກັນ ແລະເປັນໂຮງໝໍພາກ ສະໜາມເພື່ອປິ່ນປົວຜູ້ທີ່ຕິດ ພະຍາດໂຄວິດ-19 ເຊິ່ງມາຮອດ ວັນທີ 5 ສິງຫາ 2021 ທົ່ວແຂວງ ສະຫວັນນະເຂດ ມີຕົວເລກຜູ້ຕິດ ເຊື້ອສະສົມທັງໝົດ 2.616 ຄົນ ໃນນີ້ ປິ່ນປົວດີແລ້ວ 855 ຄົນ, ຍິງ 411 ຄົນ, ຍັງຄ້າງງສູນປິ່ນປົວ 1.761 ຄົນ ແລະເສຍຊີວິດ 2 ຄົນ, ຍິງ 1 ຄົນ.

ພາຍໃນແຂວງມີສູນຈຳກັດບໍລິເວນຂັ້ນແຂວງທັງໝົດ 12 ສູນ ແລະຍັງມີສູນຢູ່ໃນແຕ່ລະເມືອງ ແລະນະຄອນຕື່ມອີກ ເພື່ອສືບຕໍ່ ຈຳກັດບໍລິເວນຕື່ມອີກພາຍຫຼັງ ກັກຢູ່ໃນຂັ້ນແຂວງ 14 ວັນ ແລະ ກວດບໍ່ພົບເຊື້ອ, ແຂວງມີໂຮງ ໝໍພາກສະໜາມຈຳນວນ 2 ແຫ່ງ ແລະກຳລັງຈະຂະຫຍາຍຕື່ມອີກ ເປັນ ແຫ່ງທີ 3 ເພື່ອຮໄຟອງຮັບຜູ້ທີ່ຕິດ ເຊື້ອພະຍາດໂຄວິດ-19 ທີ່ໄດ້ເພີ່ມ ຈຳນວນຂຶ້ນໃນແຕ່ ລະວັນ.ໃນວັນທີ 5 ສິງຫານີ້, ແຂວງ ສະຫວັນນະເຂດ ໄດ້ຈັດພິທີມອບ-ຮັບຜູ້ທີ່ປິ່ນປົວດີຈາກພະຍາດ ໂຄວິດ-19 ຈຳນວນ 86 ກໍລະນີ ທີ່ໄດ້ຮັບການປິ່ນປົວດີ ຈາກໂຮງ ໝໍສະໜາມຫຼັກ 9 ເຂດເສດຖະກິດ ພິເສດສະຫວັນ-ເຊໂນ ໂດຍການ ເຂົ້າຮ່ວມຂອງທີມແພດປິ່ນປົວ ແລະຄອບຄົວຂອງຄົນເຈັບ.

ໃນໂອກາດນີ້, ທີມແພດປິ່ນປົວ ປະຈຳໂຮງໝໍພາກສະໜາມໄດ້ກ່າວຕໍ່ໍ່ຜູ້ທີ່ປີ່ນປົວດີເເລ້ວ ແລະ ຄອບຄົວຂອງຄົນເຈັບວ່າ: ພາຍ ຫຼັງທີ່ກັບເມືອບ້ານແລ້ວ, ຕ້ອງ ໄດ້ມີການສືບຕໍ່ແຍກປ່ຽວກັກບໍລິເວນໂຕເອງຢູ່ເຮືອນຕື່ມອີກ 14 ວັນ ພ້ອມທັງໃຫ້ເອົາໃຈໃສ່ ປະຕິບັດມາດຕະການປ້ອງກັນ ຢ່າງເຂັ້ມງວດໃຫ້ຮັກສາໄລຍະຫ່າງທາງສັງຄົມ, ໃສ່ຜ້າອັດປາກ ແລະໝັ່ນລ້າງມືໃສ່ສະບູ ຫຼືເຈວຂ້າເຊື້ອເປັນປະຈໍາຕະຫຼອດເຖິງການຕິດຕາມອຸນຫະພູມ ແລະອາການເຈັບເປັນ ຂອງຕົນເອງໃນແຕ່ລະວັນ, ຖ້າມີອາການເຈັບເປັນໃດໜຶ່ງແມ່ນໃຫ້ໂທປຶກສາແພດເພື່ອຂໍຄໍາ ແນະນໍາໃນການປະຕິບັດຕົນຈາກນີ້, ກໍ່ຍັງໄດ້ເນັ້ນໜັກໃຫ້ທາງຄອບຄົວ ແລະອໍານາດການປົກຄອງບ້ານ ໄດ້ຊີ້ແຈງຕໍ່ປະຊາຊົນພາຍໃນ ບ້ານໃຫ້ມີຄວາມເຂົ້າໃຈໂດຍສະ ເພາະບໍ່ໃຫ້ມີການລັງກຽດຕໍ່ຜູ້ຕິດ ເຊື້ອພະຍາດໂຄວິດ-19, ຜູ້ທີ່ໄດ້ ຮັບການປິ່ນປົວດີແລ້ວ ແລະ ຄອບຄົວຂອງເຂົາເຈົ້າ, ໃຫ້ທຸກຄົນ ໃນສັງຄົມພ້ອມກັນເປັນກຳລັງໃຈ ແລະໃຫ້ການສະໜັບສະໜູນ ແລະ ການແນະນຳທີ່ດີຜູ້ທີ່ຕິດເຊື້ອກ່ໍ ຄືຜູ້ທີ່ປິ່ນປົວດີ ແລ້ວເພື່ອໃຫ້ມີກຳລັງໃຈສືບຕໍ່ການປະຕິບັດມາດຕະການປ້ອງກັນພະຍາດໂຄວິດ-19 ແລະການດໍາລົງຊີວິດປົກກະຕິ ແບບໃໝ່ ( New normal ) ທີ່ ປອດໄພໃນຄອບຄົວ ແລະໃນສັງຄົມ.

ຂໍ້ມູນ: ສະຫວັນພັດທະນາ ຂ່າວ

LEAVE A REPLY

Please enter your comment!
Please enter your name here