ແຂວງຈຳປາສັກ ໄດ້ຮັບ ຊຸດຕຽງນອນ ແລະ ອຸປະກອນທາງການແພດ ຈາກອົງການປົກຄອງນະຄອນຫລວງວຽງຈັນ ແລະ ກະຊວງສາທາລະນະສຸກ.#ອົງການປົກຄອງແຂວງຈຳປາສັກ ໄດ້ຮັບ ຊຸດຕຽງນອນ 200 ຊຸດ, ຈາກກະຊວງສາທາລະນະສຸກ.

ໃນນັ້ນມີ ຕຽງເຈ້ຍ 100 ຕຽງ, ຕຽງເຫລັກສຳລັບໂຮງໝໍພາກສະໜາມ 80 ຕຽງ ແລະ ຕຽງແພດ 20 ຕຽງ ໃນມູນຄ່າ 401.648.000 ກີບ ແລະ ໄດ້ຮັບ ຊຸດຕຽງນອນ ຈຳນວນ 50 ຕຽງ ແລະ ອຸປະກອນທາງການແພດ 2.500 ຊຸດ ໃນມູນຄ່າ 171.000.000 ກີບ ຈາກອົງການປົກຄອງນະຄອນຫລວງວຽງຈັນ ເພື່ອປະກອບສ່ວນເຂົ້າໃນວຽກງານປ້ອງກັນ ສະ ກັດກັ້ນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ຢູ່ແຂວງຈຳປາສັກ.

ພິທີ ຮັບການຊ່ວຍເຫລືອ ດັ່ງກ່າວ ຈັດຂຶ້ນໃນວັນທີ 21 ຫາ 23 ກໍລະກົດ ທີ່ຜ່ານມາ, ທີ່ຫ້ອງວ່າການແຂວງຈຳປາສັກ, ເປັນກຽດກ່າວຮັບໂດຍທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ.ມີ ທ່ານ ວັນນະໄຊ ຊາດຕະກຸນ ຫົວໜ້າຫ້ອງວ່າການແຂວງ ຫົວໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຂັ້ນແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ຂ່າວ: ສະຖານນີວິທະຍຸແຂວງຈຳປາສັກ 100,7 MHz

LEAVE A REPLY

Please enter your comment!
Please enter your name here