ສປປ ລາວ ກຽມຕ້ອນຮັບ ຊີໂນຟາມ (Sinopham) ເພີ່ມອີກ 1 ລ້ານໂດສ ຈາກ ສປ.ຈີນ ໃນໄວໆນີ້

ຕາມ ແອໂຣລາວ AeroLaos ລາຍງານ ໃຫ້ຮູ້ວ່າ: ແອໂຣລາວ AeroLaos ໄດ້ຮັບກຽດ ຈາກກົມການບິນພົນລະເຮືອນ ສປປລາວ ເພື່ອແຈ້ງຂ່າວດີ ໃຫ້ທຸກທ່ານໄດ້ຮັບຊາບວ່າ: ລັດຖະບານ ສປ.ຈີນ ແຈ້ງຊ່ວຍເຫຼືອ ສະໜອງຢາວັກຊີນ ປ້ອງກັນພະຍາດໂຄວິດ-19 ທີ່ຜະລິດໂດຍ [Beijing Institute Biological Products co.,LTD] #SINOPHARM ໃຫ້ແກ່ລັດຖະບານ ແຫ່ງ ສປປ ລາວ ຈໍານວນ 1 ລ້ານໂດສ ໃນໄວໆນີ້.

ເຊິ່ງຂັ້ນຕອນຕ່າງໆ ສໍານັກງານທີ່ປຶກສາດ້ານເສດຖະກິດການຄ້າ ສະຖານທູດ ສປ.ຈີນ ປະຈໍາ ສປປລາວ, ຄະນະກໍາມະທິການຮ່ວມມືລາວ-ຈີນ, ກະຊວງ ການຕ່າງປະເທດ ແຫ່ງ ສປປລາວ ແລະ ກະຊວງສາທາລະນະສຸກ ພວມກະກຽມວຽກງານ ດ້ານການຂົນສົ່ງ ເງື່ອນໃຂ ແລະ ລະບຽບການຈໍານວນໜຶ່ງຮ່ວມກັນ ,ຄາດວ່າທຸກຝ່າຍພວມຈະຈັດຕັ້ງປະຕິບັດໂດຍໄວທີ່ສຸດ

ສ່ວນດ້ານພິທີການຕ້ອນຮັບ ຈະອັບເດດໃຫ້ຊາບພາຍຫຼັງ ຜ່ານຊ່ອງທາງເພຈແອໂຣລາວ.

LEAVE A REPLY

Please enter your comment!
Please enter your name here