ບ້ານທ້າວແກ່ນ ເມືອງແກ່ນທ້າວ ແຂວງ ໄຊຍະບູລີ ສ້າງທາງເບຕົງພາຍໃນບ້ານ 100 ກວ່າແມັດ

ຕາມ ຂປລ ລາຍງານ: ແຫຼ່ງຂ່າວ ຈາກເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 16 ກໍລະກົດ ຜ່ານມາ, ທ່ານ ບຸນໂຮມ ພັນທະວົງ ນາຍບ້ານທ້າວແກ່ນ ເມືອງແກ່ນທ້າວ ໄດ້ນໍາພາປະຊາຊົນ ລົງມືກໍ່ສ້າງທາງເບຕົງຢູ່ພາຍໃນບ້ານຂອງຕົນ ເລີ່ມຈາກເສັ້ນທາງຮ່ອມ 4 ທີ່ມີຄວາມຍາວ 110 ແມັດ, ກວ້າງ 4,50 ແມັດ, ໜາ 15 ຊັງຕີແມັດ ລວມມູນຄ່າການກໍ່ສ້າງ 73 ລ້ານກວ່າກີບ.

ໃນນີ້, ລັດຖະບານໃຫ້ການຊ່ວຍຊີມັງ 25 ໂຕນ ມູນຄ່າ 24 ລ້ານກວ່າກີບ ແລະ ທຶນຂອງປະຊາຊົນພາຍໃນບ້ານ 49 ລ້ານກວ່າກີບ, ເຊິ່ງການກໍ່ສ້າງແມ່ນໃຊ້ແຮງງານຂອງປະຊາຊົນ ພາຍໃນບ້ານ ແລະ ຄາດວ່າຈະສໍາເລັດພາຍໃນເດືອນກໍລະກົດ ນີ້.

LEAVE A REPLY

Please enter your comment!
Please enter your name here