ເມື່ອບໍ່ດົນມານີ້, ທ່ານ ພົງສະຫັວນ ສິດທະວົງ ເຈົ້າແຂວງໄຊຍະບູລີ ພ້ອມທີມງານຂອງແຂວງ, ຂອງເມືອງປາກລາຍ ແລະ ເມືອງທົ່ງມີໄຊ ໄດ້ລົງຢ້ຽມຢາມບໍລິດສັດ ແລະ ຟາມລ້ຽງງົວ ຢູ່ເມືອງແກ່ນທ້າວ ໃນໂອກາດທີ່ທ່ານລົງເຄື່ອນໄຫວວຽກງານຢູ່ 4 ເມືອງໃຕ້ ໂດຍໄດ້ຮັບການຕ້ອນ ຮັບຈາກ ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ມີກໍາມະການປະຈໍາພັກເມືອງ, ກໍາມະການພັກເມືອງ, ເຈົ້າຂອງບໍລິສັດ ແລະ ເຈົ້າຂອງຟາມ ໃຫ້ການຕ້ອນຮັບ.

ໃນການລົງມາເຄື່ອນໄຫວຄັ້ງນີ້, ທ່ານເຈົ້າແຂວງ ພ້ອມດ້ວຍທີມງານ ໄດ້ລົງຢ້ຽມຢາມ ບໍລິສັດ ໂຊກໄຊ ສົ່ງເສີມການຜະລິດກະສິກໍາການຄ້າຂາອອກ-ຂາເຂົ້າຂອງທ່ານ ບຸນເຮືອງ ໃຈກວ້າງ, ບໍລິສັດ ສະໄໝສຸກກະເສີມ ການຄ້າ ຂາອອກ-ຂາເຂົ້າ ຂອງທ່ານ ສະໄໝ ສຸກະເສີມ, ເບິ່ງຟາມລ້ຽງງົວຂອງ ທ່ານ ຫຸມພັນ ສອນສຸພາບ ຢູ່ບ້ານເມືອງໝໍ ແລະ ໄປເບິ່ງຟາມລ້ຽງງົວຂອງທ່ານ ອໍາໄພ ສຸກກະເສີມ. ທັ້ງນີ້, ກໍເພື່ອເປັນການສົ່ງເສີມການປູກ, ການລ້ຽງຢູ່ພາຍໃນແຂວງໄຊຍະບູລີ ໃຫ້ເປັນຂະບວນກວ້າງຂວາງ.

ຂ່າວ: ເມືອງແກ່ນທ້າວ

LEAVE A REPLY

Please enter your comment!
Please enter your name here