ຄຳມ່ວນ ດຳເນີນກອງປະຊຸມສາມັນຄົບຄະນະບໍລິຫານງານພັກແຂວງ ຄັ້ງທີ 17 ສະໝທີ IX

0
932

ກອງປະຊຸມຄົບຄະນະບໍລິຫານງານ ພັກແຂວງ ຄັ້ງທີ 17 ສະໄໝທີ IX ທ້າຍສະໄໝ ໄດ້ຈັດຂຶ້ນໃນວັນທີ 7-8 ຕຸລາ 2020 ພາຍໃຕ້ການເປັນປະທານຂອງ ສະຫາຍ ໂອໄດ ສຸ ດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງຄຳມ່ວນ.

ກອງປະຊຸມ ໄດ້ພ້ອມກັນສະຫລຸບຕີລາຄາຄືນ ຜົນການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 16 ສະໄໝທີ IX, ຮັບຟັງການລາຍງານຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມຂອງແຂວງໄລຍະ 9 ເດືອນປີ 2020 ແລະ ແຜນຈຸດສຸມ 3 ເດືອນທ້າຍປີ 2020, ຟັງການສະຫລຸບລາຍງານການຈັດຕັ້ງປະຕິບັດແຜນງົບປະມານຂອງແຂວງ ປະຈຳ 9 ເດືອນປີ 2020 ແລະ ແຜນວຽກຈຸດສຸມໃນ 3 ເດືອນທ້າຍປີ 2020 ແລະ ບັນດາພະແນກການໂດຍສະເພາະລົງເລິກຂົງເຂດເສດຖະກິດ-ວັດທະນະທໍາຈຳນວນໜຶ່ງ.

ພ້ອມນີ້, ຍັງໄດ້ຮັບຟັງການລາຍງານການກະກຽມຄວາມພ້ອມຂອງຄະນະອະນຸກຳມະການດ້ານເນື້ອໃນ ກອງປະຊຸມໃຫຍ່ ສະໄໝທີ X ຂອງອົງຄະນະພັກແຂວງ ເປັນຕົ້ນ ຮ່າງລາຍ ງານການເມືອງສະບັບຫຍໍ້, ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 9 ( 2021-2025 ) ສະບັບຫຍໍ້, ຮ່າງບົດສຳຫລວດນຳພາລວມຂອງຄະນະບໍລິ ຫານງານພັກແຂວງ (ສະໄໝທີ IX) ແລະ ຮ່າງໂຄງການດຳເນີນງານຕະຫລອດສະໄໝກອງປະຊຸມຄັ້ງທີ X ຂອງອົງຄະພັກແຂວງ, ເຊິ່ງກອງປະຊຸມດັ່ງກ່າວຈະໄດ້ຈັດຂຶ້ນໃນມໍ່ໆນີ້.

ຈາກນັ້ນ, ບັນດາສະຫາຍຜູ້ແທນກອງປະຊຸມ ໄດ້ພ້ອມ ກັນຄົ້ນຄວ້າປະກອບຄຳຄິດເຫັນໃສ່ການກະກຽມຄວາມພ້ອມດ້ານຕ່າງໆ ເພື່ອຮັບປະກັນໃຫ້ແກ່ການດຳເນີນກອງປະຊຸມບັນລຸຕາມລະດັບຈຸດປະສົງຄາດໝາຍ.

LEAVE A REPLY

Please enter your comment!
Please enter your name here